ხორციელდება თუ არა ზეწოლა ,,ბურჯანაძე-ერთიანი ოპოზიციის” მერობის კანდიდატზე – ამასთან დაკავშირებით დღეს ოფიციალური განცხადება პარტიის რეგიონული შტაბის კოორდინატორმა გააკეთა. თუმცა ჯიმშერ გოგოლაურის თქმით, ზაზა ნათენაძეს პარტიის წევრებთან ზეწოლის ფაქტებზე არ საუბრობს. დღესვე ,,ერთიანი ოპოზიიციის” ერთ-ერთ ლიდერთან შეხვედაზე მერობის კანდიდატი არ გამოცხადდა.

სამცხე–ჯავახეთს საქართველოს ლეიბორისტული პარტიის ლიდერი ესტუმრა. შალვა ნათელაშვილმა მოსახლეობას წინასაარჩევნო პროგრამა გააცნო.

ახალციხეში მერობის კანიდატები საარჩევნო პლაკატების დაზიანებაზე საუბრობენ. „ნინო ბურჯანაძე – ერთიანი ოპოზიციის” სამცხე-ჯავახეთის რეგიონული კოორდინატორი ამბობს, რომ მათ პლაკატებს კოალიცია „ქართული ოცნების აქტივისტები”  ხევენ.

არასამთავრობო ორგანიზაციების  შემდეგ,  ახალციხის მერობისა და გამგებლობის კანდიდატებმა   ჟურნალისტების კითხვებს უპასუხეს. შეხვედრა დღეს დემოკრატიული ჩართულობის ცენტრში გაიმართა, სადაც საარჩვენო სუბიექტებმა მედიის წარმომადგენლებს თავიანთი პროგრამა გააცნეს და კონკრეტული პრიორიტეტის ირვლივ მათ კითხვებს უპასუხეს.

“ნინო ბურჯანაძე–ერთიანი ოპოზიციის” სამცხე–ჯავახეთის რეგიონული  კოორდინატორი პარტიის საარჩევნო პლაკატების დაზიანებაზე საუბრობს.  ჯიმშერ გოგოლაური ამბობს, რომ საარჩევნო პლაკატები მათ ქალაქში გუშინ გააკრეს, თუმცა დღეს დილით  ზარზმელის, თამარაშვილისა და ცხრა აპრილის ქუჩებზე ჩამოხეული დახვდათ. “ნინო ბურჯანაძე–ერთიანი ოპოზიციის” სამცხე–ჯავახეთის რეგიონული კოორდინატორი ვარაუდობს, რომ პლაკატები “ქართული ოცნების ” აქტივისტებმა ჩამოხიეს. ჯიმშერ გოგოლაურის თქმით, მმართველ პარტიას სპეციალური ჯგუფი ჰყავს გამოყოფილი, რომლებიც ღამის საათებში კონკურენტების პლაკატებს აზიანებს. “ექოს” გადამღებმა ჯგუფმა ქალაქში,  “ქართული ოცნებისა” და “ნაციონალური მოძრაობის” მერობის კანდიდატების დაზიანებული საარჩევნო პლაკატებიც დააფიქსირა.   ვინ და რატომ აზიანებს საარჩევნო პლაკატებს ახალციხეში და რას ფიქრობენ აღნიშნულთან დაკავშირებით საარჩევნო სუბიექტები? – თემაზე “მეცხრე არხი” მუშაობს და სიუჟეტს მოგვიანებით შემოგთავაზებთ.

ახალციხის მერობის კანდიდატები აქტიურ წინასაარჩევნო კამპანიას აგრძელებენ. დღეს „ქართული ოცნების“, „ნაციონალური მოძრაობისა“ და „საქართველოს გზის“ საარჩვენო სუბიექტები ქალაქის მოსახლეობას შეხვდნენ და ადგილობრივებს  საკუთარი პროგრამა წარუდგინეს. მათ ამომრჩევლებისაგან პრობლემებიც მოისმინეს და დასმულ კითვებს უპასუხებს.  

#37-ე ახალციხის საარჩევნო ოლქში კომისიის წევრებმა მოქალაქეთა 12 განცახადება განიხილეს. დოკუმენტები თვითმმართველობის არჩევნებში პირის მონაწილეობისათვის რეგისტრაციის ადგილის დაზუსტებას ითვალისწინებდა. როგორც საოლქო კომისიის თავმჯდომარე, თეა გავაშელი განმარტავს, პირადი მონაცემებისა და სამოქალაქო ბაზის მიხედვით  არსებული პიროვნებების რეგისტრაციის ადგილი, შეაბამის საარჩევნო უბანს არ დაემთხვა.

29 მაისს კოალიცია ქართული ოცნების მერობის კანდიდატის ამომრჩეველთან შეხვედრა ინცინდენეტით დასრულდა. ზარზმელის ქუჩაზე დაპირისპირება მას შემდეგ მოხდა რაც ალინასი „არასაპარლამენტო ოპოზიიციის” ერთ-ერთმა მაჟორიტარმა მერობის კანდიდატს სოფელ კლდეში  პროექტის განხორციელება მოსთხოვა.

როგორ აფასებენ პოლიტიკური პარტიები ახალციხის საკრებულოს მუშაობას არჩევნებამდე ორი კვირით ადრე? 

  ზარზმელის ქუჩაზე გიორგი კოპაძის  ამომრჩეველთან შეხვედრისას  “ნინო ბურჯანაძე–გაერთიანებული ოპოზიციის” აქტივისტსა და “ქრთული ოცნების” წარმომადგენელს შორის ინცინდენტი მოხდა. პარტია  “ნინო ბურჯანაძე–გაერთიანებული ოპოზიციის” აქტივსიტი ირწმუნება, რომ  შეხვედრისას, იგი მერობის კანდიდატთან მივიდა და  საარჩევნო პროგრამის ჩამონათვალი  სთხოვა. პაატა ზუმბაძის თქმით უკმაყოფილება იმ ფაქტმა გამოიწვია, რომ პროგრამაში სოფელ კლდეში განსახორციელებელი პროექტი ვერ აღმოაჩინა. იგი აცხადებს, რომ ამის გამო, შელაპარაკდნენ და ოცნების მეორობის კანდიდატმა მას სიტყვიერი შეურაცხყოფა მიაყენა. ზუმბაძის მტკიცებით, ამის შემდეგ გიორგი კოპაძის ერთ–ერთ თანმხლები პირი მას ფიზიკურად გაუსწორდა. თავად “ქართული ოცნების” მერობის კანდიდატი სიტყვიერ და ფიზიკურ შეურაცხყოფას მათი მხრიდან კატეგორიულად უარყოფს და აცხადებს რომ ადგილი პროვოკაციას ჰქონდა. გიორგი კოპაძის მტკიცებით, აღნიშნული პიროვნება ნასვამ მდგომარეობაში იმყოფებოდა. მოახდენენ თუ არა აღნიშნულთან დაკავშირებით სამართალდამცავები რეაგირებას, “მეცხრე არხი” დეტალებს მოგვიანებით მოგაწვდით.  

ადგილობრივი თვითმმართველობის არჩევნები და პირობები ეთნიკური უმცირესობებისათვის – ახალციხის მუნციპალიტეტში არსებული საარჩევნო უბნებიდან 8 მათგანი სომხურენოვანია. ადგილობრივები ამბობენ, რომ სხვადასხვა პარტიის მონაწილე კანდიდატები საკუთარ პროგრამას მოასახლეობას, როგორც ქართულ, ასვე სომხურ ენაზე აცნობენ.

თვითმართველობის არჩვენების  მოახლოვებასთან ერთად, ახალციხის მერობის კანდიდატების ნაწილი წინასაარჩვენო კამპანიას აქტიურად აგრძელებს, ნაწილი კი ამომრჩეველთან შეხვედრასა და საკუთარი პროგრამის გაცნობას ახლა იწყებს.

თვითმართველობის არჩევნებამდე 17 დღე რჩება. ისევე როგორც მთელი ქვეყნის მაშტაბით, ახალციხეშიც აქტიური წინა საარჩევნო კამპანია მიმდინარეობს. მუნიციპალიტეტში დაფიქსირებულ ექვსი პოლიტიკური ძალიდან,  გამგებლობის კანდიდატი ხუთმა მათგანმა წარადგინა.

ადგილობრივ თვითმმართველობის კანონში შესული ცვლილებები და საარჩევნო სიახლეები – ახალციხეში დარეგისტრირებული პოლიტიკური კანდიდატებისათვის ტრენინგ-სემინარები გაიმართა. არჩევნებში მონაწილე სუბიექტებმა იმ ცვლილებების შესახებ შეიტყვეს, რომლებიც  გამარჯვების შემთხვევაში მათ ფუნქცია-მოვალეობებს განსაზღვრავს.

ადგილობრივი თვითმმართველობის არჩევნები და მასში მონაწილე ქალი კანდიდატები –  ახალციხის #37-ე საარჩევნო ოლქში დარეგისტრირებული პარტიების შემადგენლობაში ქალი და მამაკაცი მაჟორიტარების რაოდენობა არათანაბარია. 5 მერობისა და ამდენივე გამგებლობის კანდიდატიდან ქალი მხოლოდ ერთი მათგანია.

ახალციხის მერობის კანდიდატი კოლიცია „ქართული ოცნებიდან“ ახალციხეში ივერიელი ქუჩის მაცხოვრებლებს შეხვდა. გიორგი კოპაძემ ადგილობრივებს უბნის მაჟორიტარი დეპუტატობის კანდიდატი ამბარცუმ ბაბოიანი წარუდგინა. გარდა ამისა გააცნო წინასაარჩევნო პროგრამა და დაპირებები, რომელსაც მერად არჩევის შემთხვევაში ქალაქში განახორციელებს.

როინ თაქთაქიძე #17-ე მინაძის საარჩევნო უბნის ადგილმდებარეობის შეცვლას ითხოვს. მინაძის უბნის სოფლის საჯარო სკოლაში განთავსებას , 26 აპრილს, საოლქო კომისიის წევრთა სპეციალურ  სხდომაზე როინ თაქთაქიძემ მხარი დაუჭირა, თუმცა ამბობს, რომ იმ დროს უბნის მდებარეობის შესახებ მისთვის ცნობილი არ იყო.

პოლიტიკურმა ალიანსმა „არასაპარლამენტო ოპოზიციამ” სამცხე–ჯავახეთში საარჩევნო კანდიდატები წარადგინა. ქალაქის მერობისათვის ნატალი სისვაძე იბრძოლებს, საარჩევნო სიის პირველი ნომერი კი მალხაზ გოგოლაძე იქნება. მერობის კანდიდატი ჟურნალისტებთან საუბრისას ამბობს, რომ ქალაქში პრობლემა  ბევრია, განსაკუთრებით კი სოციალური და ინფრასტრუქტურის კუთხით.

“ინტენსიური ზეწოლის შედეგად, რომელსაც  სამცხე-ჯავახეთის გუბერნატორის მოადგილე ავთანდილ კაჭკაჭიშვილი ახორციელებდა, ადიგენის მუნიციპალიტეტის სოფელ  უდეს მაჟორიტარობის კანდიდატმა რამაზ მერაბიშვილმა 22 მაისს  კანდიდატურა მოხსნა“–ამის შესახებ განცხადება,”ნაციონალური მოძრაობის” ერთ–ერთმა ლიდერმა დავით ბაქრაძემ, დღეს სპეციალური ბრიფინგზე  გააკეთა, სადაც მან   ქვეყნის სხვადსხვა რეგიონებში, პარტიის  წარმომადგენლების მიმართ ზეწოლებზე ისაუბრა. დავით ბაქრაძემ განაცხადა, რომ  რამდენიმე დღის განმავლობაში პოლიცია და სუს-ი  ზეწოლას ქ. ახალციხეში მაჟორიტარობის კანდიდატ მალხაზ ივანიძეზე ახორციელებდა. ივანიძის სახლში 15 პოლიციელი  და სუს-ის თანამშრომლები მივიდნენ, რომლებიც  მისი ოჯახის დაშინებას ახდენდნენ.  ზეწოლის შედეგად 21 მაისს კანდიდატურა მალხაზ ივანიძემაც მოხსნა. აღნიშნული ფაქტის შესახებ სპეციალური განცხადება, ნაციონალური მოძრაობიდან ახალციხის მერობის კანდიდატმა  გელა დემეტრაძემაც გააკეთა, თუმცა თავად ყოფილ მაჟორიტარობის კანდიდატს მალხაზ ივანიძეს “მეცხრე არხი”  ვერ დაუკავშირდა. წინა საარჩევნო ზეწოლებთან დაკავშირებით,  ახალციხისა და ადიგენის გარდა დავით ბაქრაძემ   სხვა მუნიციპალიტეტებზეც ისაუბრა. “ზეწოლას ხელისუფლება ხშირად მიმართავს იმ რაიონებში, სადაც „ქართული ოცნების“ შეუსრულებული დაპირებებით და მთავრობის უუნარობით იმედგაცრუება განსაკუთრებით ძლიერია და სადაც ჩვენს პარტიას გამარჯვების რეალური შანსი აქვს. ზეწოლას, რომელიც ხშირად ხორციელდება სრულიად ღიად, ვერ გაუძლო რამდენიმე კანდიდატმა და უკვე გამოეთიშა არჩევნებს. ამგვარ თავზეხელაღებულ ქმედებებზე გადასვლა ხელისუფლების სისუსტის უტყუარი გამოვლინებაა. მისი გაგრძელება სერიოზულ საფრთხეს შეუქმნის 15 ივნისის ადგილობრივი თვითმმართველობის არჩევნების სამართლიან და კონკურენტულ გარემოში ჩატარებას. ზეწოლის დროს ხშირად გამოიყენება შინაგან საქმეთა სამინისტროს სახელმწიფო უშიშროების სამსახური და მასში ჩართულნი არიან უმაღლესი თანამდებობის პირები“– განაცხადა დავით ბაქრაძემ ბრიფინგზე.

ახალციხის მუნიციპალიტეტის საკრებულოს თავმჯდომარემ კოალიცია ,,ქართული ოცნება” დატოვა. ოლეგ სანდროშვილი ადგილობრივი თვითმმართველობის არჩევნებზე კენჭს დეპუტატად პარტია ,,სალომე ზურაბიშვილი–საქართველოს გზიდან” მე-3 მაჟორიტარულ ოლქში  იყრის. ამჟამინდელი საკრებულოს თავმჯდომარე, რომელიც 2005 წლიდან ,,კონსერვატიული პარტიის” წევრი იყო, პოლიტიკური მმართულების შეცვლის მიზეზებზე არ საუბრობს. ამბობს, რომ ამ ეტაპზე აღნიშნულ თემაზე კომენტარის გაკეთებისაგან თავს იკავებს, თუმცა ამბობს, რომ მის გამომწვევ მიზეზებს  საზოგადოებას  ,,მე-9 არხის” პირდაპირი ეთერის საშუალებით აცნობებს.