თვითმართველობის სისტემაზე  და არჩვენების სტრუქტურაზე  დღეს ადგილობრივებმა  დემოკრატიული  ჩართულობის ცენტრში იმსჯელეს. ღონისძიებას ორგანიზება სამოქალაქო კულტურის საერთაშორისო ცენტრმა” გაუწია, რომლის მიზანს საზოგადოების ინფორმირებულობა წარმოამდგენდა.

„ერთიანი ნაციონალური მოძრაობის” ერთ-ერთმა მაჟორიტარობის კანდიდატმა   პარტიული სია  დატოვა – ამის შესახებ მედიას, ნაციონალური მოძრაობის მერობის კანდიდატმა აცნობა. გელა დემეტრაძე ჟურნალისტებთან ამბობს, რომ მალხაზ ივანიძემ   კანდიდატურის მოხსნის  შესახებ გადაწყვეტილება გუშინ მიიღო.

„ნაციონალური მოძრაობის“ ერთ–ერთმა მაჟორიტარობის კანდიდატმა   პარტიული სია  დატოვა_ამის შესახებ ადგილობრივი ტილივიზიისა და პრესის წარმომადგენლებს, ნაციონალური მოძრაობის მერობის კანდიდატმა აცნობა. გელა დემეტრაძე ჟურნალისტებთან ამბობს, რომ მალხაზ ივანიძემ მას, კანდიდატურის მოხსნის  შესახებ გადაწყვეტილება გუშინ აცნობა. აღნიშნულს კი  იმ მოტივით ხსნიდა, რომ ძალოვანი სტრუქტურების  მხრიდან მისი ოჯახის წევრებზე    ზეწოლა ხორციელდებოდა. მაჟორიტარობის ყოფილ კანდიდატზე, ვისგან და რა ფორმით ხდებოდა ზეწოლა  ნაციონალური მოძრაობის მერობის  კანდიდატი  ვერ საუბრობს. გელა დემეტრაძისთვის დღეს გახდა ცნობილი, რომ  აღნიშნულმა პიროვნებამ კანდიდატურის მოხსნის  თაობაზე განცხადება უკვე დაწერა. მალხაზ ივანიძე ქალაქში მაჟორიტარ დეპუტატად კენჭს ცხრა აპრილის, რუსთაველისა და საბარგო სადგურის ქუჩებზე იყრიდა. აღნიშნულ ქუჩებზე, თვითმართველობის არჩევნებისათვის  “ნაციონალური მოძრაობა” წარმომადგენლის გარეშე იბრძოლებს, რადგან საარჩევნო ოლქში კანდიდატთა რეგისტრაცია უკვე დასრულებულია. “ნაციონალური მოძრაობიდან“ ახალციხის მერობის კანდიდატი ჟურნალისტებთან ამბობს, რომ წინა საარჩვენო კამპანიის ჩატარება  მას რთულ პირობებში უხდება.

„ქართული ოცნების” მერობის კანდიდატმა მოსახლეობასთან წინასაარჩევნო შეხვედრები დაიწყო. გიორგი კოპაძე   თამარაშვილის ქუჩის  პრობლემებს გაეცნო და მოსახლეობასთან ერთად, მათი გადაჭრის გზებზე იმსჯელა.  

ადმინისტრაციული რესურსის გამოყენება, არაუფლებამოსილი პირების მონაწილეობასაარჩევნო პროცესებში , ამომრჩევლის სავარაუდო მოსყიდვა და  წინასაარჩევნო კამპანიაში ხელის შეშლა – ეს დარღვევები „სამართლიანი არჩევნების“ ანგარიშში მოხვდა, რომელიც  საარჩევნო პერიოდში სამცხე–ჯავახეთში დაფიქსირდა.

მზადება თვითმმართველობის არჩევნებისათვის– დღეს #37–ე ახალციხის ოლქში მაჟრიტარი დეპუტატობის კანდიდატთა რიგითი ნომრები განისაზღვრა.  წილისყრის შედეგად  სუბიეტებს ის ნომრები მიენიჭათ, რომლითაც საარჩევნო ბიულეტენში იქნებიან წარმოდგენილი. დღესვე დასრულდა საარჩევნო ოლქებში პოლიტიკური პარტიების კანდიდატთა რეგისტრაცია.

თვითმართველობის არჩევნებამდე 30 დღე რჩება. წინასაარჩევნო სამზადისში პლიტიკურ სუბიექტები უკვე  აქტიურად ერთვებიან. მიუხედავად ამისა, ადგილობრივები ამბობენ, რომ   საზოგადოებასთან მიმართებაში კანდიდატების აქტივობა დაბალია.

   ადგილობრივი თვითმმართველობის არჩევნებისთვის  ადიგენის #38–ე საარჩევნო  ოლქში 18 საარჩევნო უბანი გაიხსნა, რომლებიც საუბნო კომისიის წევრებით უკვე დაკომპლექტებულია. #39–ე ასპინძის საარჩევნო ოლქში კი  სულ 23 უბანია, თუმცა ყველა მათგანს საბოლოოდ დასაკომპლექტებლად თითო წევრი აკლია. როგორც ასპინძის საოლქო საარჩევნო კომისიის თავმჯდომარე, როსტომ მაგრაქველიძე განმარტავს, ფრაქცია ,,ეროვნულ ფორუმს“ საკუთარი წარმომადგენლები უბნებზე ამ დრომდე არ დაუნიშნია. რაც შეეხება საინიციატივო ჯგუფებს, ადიგენში ამ დრიოსათვის 7 მაჟორიტარი დეპუტატობის კანდიდატია რეგისტრირებული: არლის #3 თემში – ოქროპირ ჩილინგარაშვილი; მოხის #11 მაჟორიტარულ ოლქში – თემურ მიქელაძე; #15 ჭეჭლის თემში – თეიმურაზ შავაძე; #4 ბენარის თემში ტარიელ გორგოძე; #6  გორგულის მაჟორიტარულ ოლქში – ზურაბ ტაბიძე; #2 დაბა აბასთუმნის ოლქში კი პაატა მჭედლიშვილი და გულნაზ ნატრიაშვილი იყრიან კენჭს. რაც შეეხება ასპინძას, აქ ამ დრიოსათვის  აქ 9 დეპუტატობის კანდიდატია დარეგისტრირებული: ნაქალაქევის #9–ე თემში – ბადრი მაღრაძე, დომენტი ზაზაძე და ვლადიმერ ქამაშიძე; ოთის #12 ოლქში – ბექა შეშაბერიძე; იდუმალის #7 თემში – თამაზ გიგაშვილი და ლეილა ბერაძე; სოფელ რუსთავის #15 თემში – მერაბ ველიჯანაშვილი; ვარგავის #5 ოლქში – ზვიად ზარიძე; აწყვიტის #3 თემში კი  ნოდარ ველიჯანაშვილი კენჭს მაჟორიტარი დეპუტატობის კანიდიდატებად იყრიან.

ახალციხის მერობის კანდიდატი ,,ერთიანი ნაციონალური მოძრაობიდან“  დღეს სამოქალაქო საზოგადოებისა და მესამე სექტორის წარმომადგენლებს შეხვდა. გელა დემეტრაძემ იმ პრიორიტეტებსა და სამოქმედო გეგმებზე ისაუბრა, რომელთა განხორციელებაც  მისი მერად არჩევის შემთხვევაში იგეგმება. როგორც კანდიდატმა აღნიშნა, გამარჯვების შემთხვევაში, ახალციხეში ძირითადი ყურადღება ტურისტული ინფრასტრუქტურის განვითარებაზე  გამახვილდება.

რატომ უნდა ავირჩიოთ ქალი თვითმართველობის არჩევნებში, როგორი იქნება მანდილოსნის როლი პოლიტიკაში–ამ და სხვა  მნიშვნელოვან საკითხებზე  აქტიურმა ქალებმა დემოკრატიული ჩართულობის ცენტრში იმსჯელეს. შეხვედრას ორგანიზება არასამთავრობო ორგანიზაცია „გენდერული თანასწორობის ეროვნულმა ქსელმა” გაუწია. მასში მონაწილეობა სამოქალაქო სექტორისა  და პოლიტიკური პარტიების წარმომადგენლებმა, ადგილობრივმა აქტიურმა ქალებატონებმა და თვითმართველობის არჩევნებში მონაწილე კანდიდატებმა მიიღეს.  

გიორგი კოპაძე 30%, გელა დემეტრაძე 15,55% ოლეგ სანდროშვილი 0,1%, გოჩა ათოშვილი 2,5%, თამარ გოგოლაძე 3,4%, ჯიმშერ გოგოლაური 3,1%, გენადი ენდელაძე 7,2%,  ქეთევან ხმალაძე 8% – ასეთია მერობის სავარაუდო კანდიდატების რეიტინგი, რომელიც არასამთავრობო ორგანიზაციამ კვლევის შედეგად წარმოადგინა.  რომელ კანდიდატს უჭერენ მხარს – ამ კითხვით „ერთსულოვნება სამართლიანობისაკენ“  წარმომადგენლებმა ახალციხეში 985 ადამიანი ანონიმურად გამოკითხეს.

  ცესკომ, სახელმწიფო სერვისების განვითარების სააგენტოს მიერ მიწოდებული ამომრჩეველთა მონაცემების დამუშავება დაასრულა. ცენტრალური საარჩევნო კომისიის მონაცემებით ამომრჩეველთა საერთო რაოდენობა 3 472 772-ს შეადგენს. ამასთან, ვინაიდან, ამომრჩეველთა სიაში კანონმდებლობით განსაზღვრული ცვლილებების შეტანის ბოლო ვადა ჯერ არ ამოწურულა, აღნიშნული მონაცემი დაზუსტდება. 16 მაისიდან, საარჩევნო ადმინისტრაცია ამომრჩევლებისთვის საინფორმაციო ბარათების დარიგებას იწყებს. თვითმმართველობის არჩევნებამდე ერთი თვით ადრე, ამომრჩევლებს შესაძლებლობა ექნებათ გადაამოწმონ საკუთარი მონაცემები – მათი ნომერი ამომრჩეველთა ერთიან სიაში, რეგისტრაციის ადგილი და რომელ საარჩევნო უბანს უნდა მიაკითხონ ხმის მისაცემად. ამომრჩევლებს საინფორმაციო ბარათებს საუბნო საარჩევნო კომისიის წევრები დაურიგებენ. ცესკო  ამომრჩევლებს მიმართავს: ” ბარათში უზუსტობის აღმოჩენის შემთხვევაში,  წერილობითი განცხადებით მიმართონ შესაბამის საუბნო საარჩევნო კომისიას ან იუსტიციის სამინისტროს სერვისების განვითარების სააგენტოს შესაბამის ფილიალს. იმ შემთხვევაში კი თუ ამომრჩეველი საერთოდ ვერ მიიღებს საინფორმაციო ბარათს, უნდა დაუკავშირდნენ ცესკოს კონტაქტ-ცენტრს ნომერზე – 2 51 00 51. ამომრჩევლების მიერ მომართვის ბოლო ვადაა 29 მაისი”

ახალციხის მუნიციპალიტეტში რეგისტრირებულ პირებს ამომრჩეველთა ერთიან სიებში საკუთარი თავის გადამოწმება 15 მაისიდან შეეძლებათ. იმავე დღეს, #37–ე ახალციხის ოლქში,  საარჩევნო უბნებზე, პირველი სხდომა გაიმართება.  35  უბანზე თავმჯდომარეების, მოადგილეებისა და მდინვების არჩევას საოლქო საარჩევნო კომისიის წევრები დაესწრებიან. აღნიშულის შემდეგ, ყველა  უბანზე ამომრჩეველთა ერთიანი სიები უნდა გამოიკრას. ახალციხეში რეგისტრირებულ პირებს საკუთარი თავის გადამოწმება 28 მაისამდე შეეძლებათ.

„არასაპარლამენტო ოპოზიციის“ ლიდერები კახა კუკავა და მამუკა კაციტაძე წინასაარჩევნო კამპანიის ფარგლებში  დღეს ახალქალაქს ესტუმრნენ.მათ  საარჩევნო ბლოკის პარტიული სიისა და ოლქის მაჟორიტარი დეპუტატობის კანდიდატებთან ერთად სამომავლო გეგმები დასახეს. ბლოკის ლიდერები დღესვე ახალქალაქის მუნიციპალიტეტის მოსახლეობასაც შეხვდნენ და  მათ საარჩევნო პროგრამა გააცნეს.

   შოტოკან კარატე დოს სამცხე–ჯავახეთის ფედერაციის ინსტრუქტორი ზაზა ნათენაძე 2014 წლის თვითმმართველობის არჩევნებში ახალციხის მერობისთვის იბრძოლებს.  მისი კანდიდატურა „დემოკრატიული მოძრაობა – ერთიანი საქართველოსთვის“ რეგიონული შტაბის კოორდინატორმა „მეცხრე არხის“ თოქ–შოუ „დიალოგში” წარადგინა. ჯიმშერ გოგოლაურის თქმით, ზაზა ნათენაძე არის განათლებული და წესიერი ადამიანი. „იგი არის სამი სამეცნიერო ნაშრომის ავტორი, მრავალშვილიანი მამა და ღირსეული მამულიშვილი. არის სუფთა ისტორიის მქონე პიროვნება“ – აღნიშნა ჯიმშერ გოგოლაურმა. მანვე გადაცემაში ისაუბრა გამგებლობის კანდიდატებზეც: ახალციხის მუნიციპალიტეტში  პარტიის სახელით ოლეგ ძოწენიძე იბრძოლებს, ასპინძაში კი – გელა ლეკიშვილი. უკვე დასახელებულია ადიგენის მუნიციპალიტეტის გამგებლობის კანდიდატი. აქ პარტიას თამაზ მწყერაშვილი წარმოადგენს. ჯიმშერ გოგოლაურის თქმით, მსჯელობა მიმდინარეობს ახალქალაქისა და ნინოწმინდის მუნიციპალიტეტების გამგებლობის კანდიდატებზეც და მათ  საზოგადოებას ახლო მომავალში წარუდგენს. „დემოკრატიული მოძრაობა – ერთიანი საქართველოსთვის“ აქტიურ წინასაარჩევნო კამპანიას მაისის მეორე ნახევარში გეგმავს.

თვითმართველობის არჩევნებამდე 37 დღე რჩება. წინასაარჩევნო სამზადისში პლიტიკურ სუბიექტები უკვე  აქტიურად ჩაერთვნენ.   არჩევნებში მონაწილობის მისაღებად  ახალციხელებიც ემზადებიან. მათი ნაწილი ქვეყანაში მიმდინარე მოვნენების  მიმართ დადებითად არის  განწყობილი. ნაწილი კი  იმედგაცრუებულია და არც საკუთარი კონსტიტუციური უფლების გამოყენებას აპირებს.

2014 წლის ადგილობრვი თვითმმართველობის არჩევნებზე , #37-ე ახალციხის საარჩევნო ოლქიდან რეგისტრაცია 2-მა საინიციატივო ჯგუფმა მოიხსნა. მინაძის მაჟორიტარულ ოლქში არკადი გოგლაძემ და ფერსის ოლქში  ზაზა ჩაჩანიძემ საკუთარი გადაწყვეტილების საფუძველზე არჩევნებში მონაწილეობაზე უარი თქვეს. გარდა ამისა, რეგისტრაცია გაუუქმდა კიდევ ერთ საინიციატივო ჯგუფს. მანანა ოქრომელიძეს, რომელიც კენჭს ურავლის  ოლქში იყრიდა, ხელმომწერთა მინიმუმ 50 კაციანი სია #37-ე ახალციხის საარჩევნო ოლქში 6 მაისამდე უნდა შეეტანა, თუმცა დოკუმენტები არ წარადგინა და რეგისტრაციიდან მოიხსნა.

პოლიტიკურმა  ალიანსმა,  “არასაპარლამენტო ოპოზიცია” ახალციხის მერობის  კანდიდატი დაასახელა. თვითმართველობის არჩევნებზე ქალაქის მერობისათვის ნატალი სისვაძე იბრძოლებს. კანდიდატი, ტელეკომპანია “რუსთავი 2″–ს  გადაცემა “არჩევანის” ეთერში პოლიტიკური ალინსის თავმჯდომარემ, ფიქრია ჩიხრაძემ დაასახელა. “პროფესიით იურისტი და ჟურნალისტი. სამოქალაქო სექტორსა  და საპატრიარქოსთან იგი აქტიურად თანამშრომლობს და არაერთი სოციალური პროექტის ავტორია.  ახალციხე ჩვენი ქვეყნისათვის მნიშვნელოვანი ქალაქია, სწორედ ამიტომ, ნატალი სისვაძის ამ ქალაქის პოლიტიკურ ცხოვრებაში მონაწილეობა, მას დიდ აქტუალობას შესძენს”–განმარტა ფიქრია ჩიხრაძემ, ნატალი სისვაძის მერობის კანდიდატად წარდგენისას. ნატალი სისვაძის შესახებ დამატებით ინფორმაციასა და მის წინასაარჩევნო გეგმებს, “მეცხრე არხი” მოგვიანებით შემოგთავაზებთ. შეგახსენებთ, რომ ამ დროისათვის, “არასაპარლამენტო ოპოზიციის” გარდა, ახალციხის მერობის კანდიდატი კიდევ ორმა პოლიტიკურმა  ძალამ, “ქართულმა ოცნებამ” და “ნაციონალურმა  მოძრაობამ” დაასახელა. 2014 წლის თვითმართველობის არჩევნები 15 ივნისს გაიმართება.      

     “ქართული ოცნება – დემოკრატიულმა საქართველომ” დღეს ბორჯომში გამგებლობის კანდიდატი წარადგინა.  15 ივნისის თვითმმართველობის არჩევნებზე გამგებლის თანამდებობის დასაკავებლად კოლიციის სახელით,  დიმიტრი ყიფიანი იბრძოლებს. იგი დღემდე  გამგებლის მოადგილის თანამდებობას იკავებდა და „ქართული ოცნების“ საოლქო ორგანიზაციის თავმჯდომარეა. დიმიტრი ყიფიანის კანდიდატურა დღეს ფრაქცია „ქართული ოცნების“ თავმჯდომარემ წარადგინა „ ის არის მონდომებული, წესიერი, ჭკვიანი, თავისი ქვეყნის და თავისი კუთხის მოსიყვარულე ადამიანი, პროფესიონალი“ – ასე შეაფასა გიორგი ვოლსკიმ ბორჯომის მუნიცპალიტეტის გამგებლობის კანდიდატი. დიმიტრი ყიფიანმა შეკრებილ საზოგადოებას სიტყვით მიმართა და მათ სამომავლო გეგმები გააცნო. „არჩევნების შემდეგ დაგეგმილია ბორჯომში დარჩენილი ყველა ინფრასტრუქტურული პროექტის დასრულება, ბაგა–ბაღების რეაბილიტაცია, ავტოსატრანსპორტო საშუალების ჩანაცვლება ახალი ერთეულით. ასევე დაგეგმილია ყველა იმ სოციალური პროექტის    განხორციელება, რომელიც დაწყებულია და დასამთავრებელია“ – აღნიშნა მედიასთან დიმიტრი ყიფიანმა. დღესვე გახდა ცნობილი  ქალაქსა და სოფლებში მაჟორიტარი დეპუტატობის კანდიდატთა ვინაობაც. „ქართულ ოცნებამ“ გამგებლობის კანდიდატები ამ დროისთვის სამცხე–ჯავახეთის სამ მუნიციპალიტეტში წარადგინა.   ვინ იბრძოლებს კოალიციის სახელით გამგებლის პოსტის დასაკავებლად ახალციხეში, ახალქალაქსა და ნინოწმინდაში ჯერჯერობით უცნობია.   წყარო: ტელეკომპანია “ბორჯომი”  

“ქართულმა ოცნებამ“ ადიგენში გამგებლობის კანდიდატი დაასახელა. თვითმმართველობის არჩევნებში კენჭს  მუნიციპალიტეტის გამგებელის  მოვალეობის შემსრულებელი ზაქარია ენდელაძე  იყრის  კენჭს. შეხვედრას, პარლამენტის წევრი გიორგი ვოლსკი , სამცხე–ჯავახეთის გუბერნატორი აკაკი მაჭუტაძე  და  კოალიცია „ქართული ოცნების“ სხვა წევრები დაესწრნენ.