“ქართულმა ოცნებამ” ასპინძაში  გამგებლობის კანდიდატი დაასახელა. თვითმმართველობის არჩევნებში კენჭს მუნიციპალიტეტის უკვე ყოფილი  გამგებელი ლევან ცაბაძე იყრის. შეხვედრას, პარლამენტარები , სამცხე-ჯავახეთის გუბერნატორი და  კოალიცია „ქართული ოცნების” წევრები დაესწრნენ.  

   “ქართული ოცნება” დღეს ადიგენში გამგებლობის კანდიდატს წარადგენს. კოალიციის რჩეული 2014 წლის არჩევნებისათვის ადიგენის მუნიციპალიტეტის გამგებლის მოვალეობის შემსრულებელი ზაქარია ენდელაძეა. შეხვერდა  ცენტრალურ პარკში 15:00 საათზეა  დაგეგმილი. შეგახსენებთ,  რომ ადიგენის მუნიციპალიტეტის გამგებლობის კანდიდატები უკვე დაასახელეს საპარლამენტო და არასაპარლამენტო ოპოზიციის წარმომადგენლებმა:  “ერთიანი ნაციონალური მოძრაობის” სახელით – სიმონ პარუნაშვილი იბრძოლებს, ხოლო “დემოკრატიული მოძრაობა–ერთიანი საქართველოსათვის” –  თამაზ მწყერაშვილი.

პარტიამ ,,დემოკრატიული  მოძრაობა–ერთიანი საქართველო” ადიგენში გამგებლობის კანდიდატი წარადგინა. აღნიშნულ პოსტზე ,,ქართული ოცნება-ეროვნული ფორუმის” ადიგენის ორგანიზაცის ყოფილი ხელმძღვანელი იბრძოლებს.  როგორც გამგებლობის კანდიდატი განმარტავს, ,,ქართულმა ოცნებამ” მის გუნდს იგნორირება გაუკეთა ამიტომ, მან 30 წევრთან ერთად  პოლიტიკური გაერთიანება დატოვა.

ახალციხეში ერთიანი ნაციონალური მოძრაობა წინა საარჩევნო კამანიას იწყებს. ქალაქის მერობის, გამგებლობისა და სიის პირველი ნომრის კანდიდატების დასახელების შემდეგ, ნაციონალური მოძრაობის წარმომადგენლები წინასაარჩევნო გეგმებსა და მთავარ პრიორიტეტებზე საუბრობენ.

    “ქართულმა ოცნებამ” ასპინძაში გამგებლობის კანდიდატად ამ დრომდე მოქმედი გამგებელი ლევან ცაბაძე წარადგინა. მისი კანდიდატურა დღეს  ბორჯომის მუნიციპალიტეტის მაჟორიტარმა დეპუტატმა გედევან ფოფხაძემ დაასახელა. შეხვედრა ასპინძის კულტურის სახლში გაიმართა, სადაც კოალიციის მხარდამჭერები შეიკრიბნენ. მოსახლეობას სიტყვით მიმართეს გედევან ფოფხაძემ, ასევე პარლამენტის წევრმა თემურ ჭკუასელმა და თავად ლევან ცაბაძემ.  გამგებლობის კანდიდატმა მოსახლეობას მისი მუშაობის ანგარიში წარუდგინა და წინასაარჩევნო პროგრამა გააცნო. ” მე ვარ მესხი, ასპინძელი და ამით ამაყი ვარ” – განაცხადა ლევან ცაბაძემ შეხვედრაზე. შეკრებილ მოსახლეობას, ასევე, სიტყვით მიმართა სამცხე–ჯავახეთის გუბერნატორმა. აკაკი მაჭუტაძემ მოსახლეობას არჩევნებში ლევან ცაბაძის მხარდაჭერა სთხოვა. “ლევან ცაბაძე, იგივე  “ლეონსიო” ჩემი მეგობარია და ძალიან მინდა, რომ ხმა მას მისცეთ” – აღნიშნა მხარის გუბერნატორმა. “ქართული ოცნების” წარმომადგენლები იმედოვნებენ, რომ 2014 წლის 15 ივნისს არჩევნებში კოალიცია კიდევ ერთხელ გაიმარჯვებს. მათი თქმით, “ყბადაღებული კოჰაბიტაციის თემა საბოლოოდ დასრულდება”

თვითმმართველი ქალაქის მერობის კანდიდატი ,,ერთიანი ნაციონალური მოძრაობიდან” ახალციხის ყოფილი გამგებელი, გელა დემეტრაძე იქნება. ამის შესახებ პარტიის საარჩევნო შტაბის თავმჯდომარემ, გიგი უგულავამ  3 მაისს, ახალციხეში განაცხადა. ,,ნაციონალური მოძრაობის” ლიდერებისა და მხარდამჭერების შეხვედრა მესხეთის სახელმწიფო დრამატულ თეატრში გაიმართა, რომელსაც დაახლოებით 500–მდე ადამიანი ესწრებოდა.

წინასაარჩევნო კამპანიის მომზადებისათვის, საარჩევნო ბლოკ “არასაპარლამენტო ოპოზიციის” ლიდერები ახალციხეს ესტუმრნენ.  ,,ახალი მემარჯვენეებისა” და ,,თავისუფალი საქართველოს”  წარმოამდგენლები სამცხე–ჯავახეთში მოქმედი  რაიონული ორგანიზაციების ხელმძღვანელებს შეხვდნენ და შტაბის ფორმირების, მაჟორიტარობის კანდიდატების შერჩევისა და პარტიული სიების დაკომპლექტების შესახებ ისაუბრეს.

     ახალციხის მერობის კანდიდატი “ერთიანი ნაციონალური მოძრაობიდან” ქალაქის ყოფილი გამგებელი გელა დემეტრაძე,  დღეს ოფიციალურად დასახელდა, სიის პირველი ნომერი კი ზურაბ სადათიერაშვილია.  პარტიის ლიდერებმა, ასევე, დაასახელეს სამცხე–ჯავახეთის  მუნიციპალიტეტებში გამგებლობის კანდიდატებიც: ახალციხე – გოჩა გვარამაძე, სიიის პირველი ნომერი კახაბერ მოდებაძე; ასპინძა – ბესიკ ბექაური, სიის პირველი ნომერი გიორგი გიორგაძე; ადიგენი – სიმონ პარუნაშვილი, სიის პირველი ნომერი გივი ენდელაძე; შერჩეული არ არის  გამგებლობის კანდიდატი ბორჯომში, სიის პირველი ნომერი კი აქ   ვეფხვია გრიგალაშვილია. გამგებლობის კანდიდატები არ არიან შერჩეულნი არც ახალქალაქსა  და ნინოწმინდაში.  პარტიის  სიის პირველი ნომერი კი  ახალქალაქში ჰარუთინ ალქსიანი იქნება. შეგახსენებთ, რომ “ერთიანი ნაციონალური მოძრაობის” ლიდერებმა, დღეს შეხვედრა მესხეთის სახელმწიფო პროფესიულ დრამატულ თეატრში გამართეს. შეხვედრაზე წაიკითხეს ყოფილი პრემიერ მინისტრის წერილი, რომელიც ვანო მერაბიშვილმა საპატიმროდან გამოაგზავნა. “სამწუხაროდ, მე მხოლოდ ბოლო წლებში მოვიცალე ახალციხისთვის, რასაც ძალიან ვნანობ” – აღნიშნავს ყოფილი პრემიერი. 8 მაისს სპორტის სასახლეში “ნაციონალური მოძრაობის” ყრილობა გაიმართება, რითაც პარტია წინასაარჩევნო კამპანიას ოფიციალურად დაიწყებს.

“ერთიანი ნაციონალური მოძრაობის” ლიდერები გიგი უგულავა და გიორგი ბარამიძე ახალციხეში იმყოფებიან. საპარლამენტო ოპოზიციის წარმომადგენლები თვითმმართველი ქალაქის მერობის კანდიდატსა და სამცხე–ჯავახეთის მუნიციპალიტეტებში გამგებლობის კანდიდატებს დაასახელებენ. შეხვედრა, რომელიც მესხეთის სახელმწიფო დრამატული თეატრის დარბაზში  მიმდინარეობს, ახალციხის მაჟორიტარმა დეპუტატმა ვაჟა ჩიტაშვილმა გახსნა. სიტყვით გამოვიდა ასპინძის მაჟორიტარი დეპუტატი ტარიელ ლონდარიძეც. ამ წუთებში, მოსახლეობას სიტყვით მიმართავს გიგი უგულავა: “მანახეთ ერთი რამე ამათ მიერ გაკეთებული, მაგრამ საქართველოს ისტორიას ამაზე მეტი უნახავს. ამას ერთად გავუძლებთ” – აცხადებს საპარლამენტო ოპოზიციის წარმომადგენელი. გიგი უგულავას თქმით, 8 მაისს სპორტის სასახლეში “ნაციონალური მოძრაობის” შეხვედრა გაიმართება, რითაც პარტია წინასაარჩევნო კამპანიას ოფიციალურად დაიწყებს.

ადგილობრივი თვითმართველობის არჩევნებისათვის  მზადება დაწყებულია. პოლიტიკურმა პარტიებმა და საარჩევნო სუბიექტებმა გარკვეული სამუშაოების განხორციელება დაიწყეს. თუმცა არის გარკვეული ნიუანსები, რომლის დაცვაც როგორც ადგილობრივი თვითმართველობის ასევე პოლიტიკური პარტიების წარმომადგელებს მოუწევთ.

2014 წლის ადგილობრივი თვითმმართველობის არჩევნებზე 37–ე ახალციხის საარჩევნო ოლქში სპეციალური უბანი არ შეიქმნება. საოლქო საარჩევნო კომისიის თავმჯდომარის თქმით, შინაგან საქმეთა და თავდაცვის სამინისტროებს სამხედრო სამსახურში მყოფი ჯარისკაცების სია 1–ელ მაისამდე უნდა წარმოედგინათ. ამ დროსათვის, ოლქში მხოლოდ შინაგან საქმეთა სამინისტროს დაქვემდებარებაში მყოფი 44 სამხედრო მოსამსახურეის მონაცემებია.

ქვეყანაში  წინა საარჩევნო კამპანია აქტიურ ფაზაში შედის. თვითმართველი ქალაქის მერობის კანდიდატი უკვე დაასახელა მმართველმა პარტიამ. უახლოეს  დღეებში კი საკუთარ საარჩევნო სუბიექტებს, ახალციხეში არსებული სხვა პოლიტიკური ძალები წარადგენენ.

ახალციხე თვითმმართველი ქალაქი ხდება.  შედეგად მუნუციპალიტეტის ტეროტორიაზე ორი ერთეული შეიქმნება, ადმინისტრაციული ცენტრი კი ახალციხე იქნება. ქალაქში, რომლის ისტორიაც დაახლოებით თორმეტ საუკუნეს ითვლის, ამ დრომდე არაერთი წყობა და მმართველობა ფიქსირდება. ახალციხის მუნიციპალიტეტი, რაიონი, მაზრა, საამირო თუ საათაბაგო – ქალაქის  ისტორია “მეცხრე არხის” ობიექტივში.

#37-ე ახალციხის ოლქში საუბნო საარჩევნო კომისიის წევრთა 6 კაციანი ჯგუფები  შეირჩა.  უბნების საბოლოოდ დასაკომპექტებლად, მომდევნო ეტაპზე, საკუთარ წარმოამდგენლებს პარტიები დანიშნავენ. გარდა ამისა, 29 აპრილს ამოიწურა საინიციატივო ჯგუფების დარეგისტრირების ვადაც.

#37-ე ახალციხის საარჩევნო ოლქში ერთი საინიციატივო ჯგუფი რეგისტრაციიდან მოიხსნა. აღნიშნული საკითხის შესახებ საოლქო კომისიამ სხდომა გამართა. რეგისტრაციის გაუქმებას მხარი კომისიის ყველა წევრმა ერთხმად დაუჭირა. გარდა ამისა, ამ დროისათვის უკვე ცნობილია იმ შენობა-ნაგებობებისა ნუსხა, სადაც პოლიტიკურ გაერთიანებებს მოსახლეობასთან შეხვედრა და საარჩევნო პლაკატების გაკვრა შეეძლბათ.

მზადება ადგილობრივი თვითმმართველობის არჩევნებისათვის– კოდექსში შეტანილი ცვლილებების საფუძველზე, საინიციატივო ჯგუფების რეგისტრაციის ვადა 10 დღით გახანგრძლივდა. ამ დროისათვის # 37–ე ახალციხის  საარჩევნო ოლქში, როგორც კანდიდატთა, ასევე  საუბნო საარჩევნო კომისიის წევრების რეგისტრაცია მიმდინარეობს.

ადგილობრივი თვითმმართველობის არჩევნები 2014 წლის 15 ივნისს გაიმართება. ამასთან დაკავშირებით განკარგულებას საქართველოს  პრეზიდენტმა ხელი 10 აპრილს მოაწერა.  არჩევნებისათვის მუშაობის საგანგებო რეჟიმზე გადავიდა ახალციხის #37- ე საოლქო საარჩევნო კომისია. მისი ინფორმაციით, 15 ივნისისათვის მზადება უკვე დაწყებულია. ამ ეტაპზე ცნობილია, რომ ახალციხეში ორი თვითმმართველი ერთეული:  ქალაქის მერია და თვითმმართველი თემის საკრებულო იქნება. შესაბამისად, მოსახლეობას მერისა და გამგებლის არჩევა მოუწევს. ცვლილებების მიხედვით, ქალაქი – 5 ხოლო საკრებულო 15 მაჟორიტარულ ოლქად დაიყო. გარდა ამისა, დაწყებულია საინიციატივო ჯგუფების დარეგისტრირება.

საარჩევნო კანონმდებლობა და მასში შეტანილი ცვლილებები – 2014 წლის ადგილობრივი თვითმმართველობის არჩევნებისათვის რამდენიმე სიახლე განხორციელდა. წინა წლებისაგან განსხვავებით წელს, ამომრჩეველთა სიები და შიდა საარჩევნო სტრუქტურა სხვაგვარად ფორმირდება.

ახალციხეში მოქალაქეთა პოლიტიკური გაერთიანება „ქართული ოცნება-დემოკრატიული საქართველოს'” რაიონული ორგანიზაცია დაფუძნდა. კოალიციის გადაწყვეტილებით, ამიერიდან მას ქალაქის ყოფილი მერი გიორგი კოპაძე უხელმძღვანელებს. შეხვედრაზე ღია კენჭისყრა გაიმართა, სადაც მიწვეულმა დელეგატებმა სასურველ კანდიდატს ხმა მისცეს. ყრილობაზე ბიუროს ხუთი წევრიც შეირჩა.

     ახალციხეში მოქალაქეთა პოლიტიკური გაერთიანება “ქართული ოცნება–დემოკრატიული საქართველოს” რაიონული ორგანიზაცია დაფუძნდა. კოალიციის გადაწყვეტილებით, მას ქალაქის ყოფილი მერი გიორგი კოპაძე უხელმძღვანელებს. შეხვედრაზე ღია კენჭისყრა გაიმართა, სადაც მიწვეულმა დელეგატებმა სასურველ კანდიდატს ხმა  მისცეს. ყრილობაზე ბიუროს 5 წევრიც აირჩიეს. ესენი არიან: მურმან თოთაძე, ნანა თარხნიშვილი, ზაზა გელაძე, ბიჭიკო მოდებაძე და მალხაზ ჟუჟნაძე. ისინი გიორგი კოპაძესთან ერთად წინასაარჩევნო კამპანიაში ჩაერთვებიან და ახალციხის მუნიციპალიტეტის მასშტაბით იმუშავებენ. შეხვედრას პოლიტსაბჭოს წევრები და პარლამენტარები დაესწრნენ.