,,დავით თარხან მოურავი-საქართველოს პატრიოტთა ალიანსის” წარმომადგენლები  წინასაარჩევნო კამპანიის ფარგლებში ვალის მოსახლეობას შეხვდნენ. ადგილობრივებს ახალციხის გამგებლობისა და მაჟორიტარული ოლქის დეპუტატობის კანდიდატები პარტიის  ერთ-ერთმა წევრმა, თამარ სამსონიძემ  წარუდგინა.  კანდიდატებმა მოსახლეობას საკუთარი 5 პუნქტიანი გეგმა გააცნეს, რომელიც  ძირითადად სოფლის მეურნეობის, განათლების, ჯანდაცვისა და სოციალური სფეროების გაუმჯობესებას ეხება.

,,ნაციონალური მოძრაობისა” და ,,ბურჯანაძე–ერთიანი ოპოზიციის” წარმომადგენლები მმართველ პარტიას ამომრჩევლის მოსყიდვაში ადანაშაულებენ. მათი თქმით, სოფელ კლდესა და წირაში, ახალციხის გამგეობის კუთვნილი ტექნიკით, მოსახლეობის მოსასყიდად სამუშოები ხორციელდება.  აღნიშნული ქმედება საარჩევნო კოდექსის 48 მუხლის შესაბამისად აკრძალულია. ამასთან დაკავშირებით, ,,მე-9 არხი” სოფელ კლდეში იმყოფებოდა.

“ქართული ოცნების” ახალციხის მერობის  კანდიდატი წინასაარჩვენო შეხვედრებს აგრძელებს. გიორგი კოპაძე დღეს ე.წ ხუთსართულიანების დასახლებაში მცხოვრებ მოსახლეობას შეხვდა . მათ საკუთარი პროგრამა წარუდგინა და ადგილობრივების მიერ დასმულ კითხვებს უპასუხა.

“ერთიანი ნაციონალური მოძრაობის”  ლიდერები გიგი უგულავა და  ნუგზარ წიკლაურ დღეს ადიგენის მოსახლეობას შეხვდნენ.  დაბის კულტურის სახლში ადგილობრივებთან გიგი უგულავამ  პარტიის  გეგმებზე ისაუბრა და წინასაარჩევნო გარემო  შეაფასა.

“ერთიანი ნაციონალური მოძრაობის” ერთ–ერთი ლიდერი გიგი უგულავა დღეს ნუგზარ წიკლაურთან ერთად, ადიგენის მოსახლეობას შეხვდა. დაბის კულტურის სახლში ადგილობრივებთან მან პარტიის წინასაარჩვენო გეგმებზე ისაუბრა. გიგი უგულავამ  ადიგნელებს გამგებლობისა და მაჟორიტარობის კანდიდატები წარუდგინა. შეხვედრის დასასრულს “ნაციონალური მოძრაობის” ერთ–ერთმა ლიდერმა დარბაზში შეკრებილებს ვანო მერაბიშვილის წერილიც წაუკითხა, რომელიც პარტიის გენერალურმა მდივანმა ადიგნის მოსახლეობას  გამოუგზავნა. “მადლობა მინდა გადაგიხადოთ, რომ მიუხედავად თქვენზე განხორციელებული ყოველდღიური ზეწოლისა და დაშინების მცდელობისა, კვლავ ჩვენს გვერდში დგახართ და იცავთ, იმ იდეალებს და ღირებულებებს, რისთვისაც ჩვენ ყველა ვიბრძვით”–წერს  ვანო მერაბიშვილი. იგი წერილში ასევე იმ პროექტებზე საუბრობს, რომელიც “ნაციონალური მოძრაობის” ხელისუფლებაში ყოფნის დროს სამცხე–ჯავახეთში განხორციელდა. “ნაციონალური მოძრაობის” ლიდერების ვიზიტი ადიგენში, ნახეთ “ექოს” მთავარ გამოშვებებში.

   “ერთიანი ნაციონალური მოძრაობის” მერობის კანდიდატმა დღეს დემოკრატიული ჩართულობის ცენტრში საგანგებო ბრიფინგი გამართა. გელა დემეტრაძემ მედიას განუცხადა, რომ სოფლებში წირასა და კლდეში ამომრჩევლის მოსყიდვის ფაქტები დააფიქსირეს. მისივე თქმით, აღნიშნულ სოფლებში ორი დღეა ტრაქტორი მუშაობს, თუმცა აღნიშნულ სამუშაოებზე ადგილობრივი მუნიციპალიტეტის გამგეობაში არც ტენდერია გამოცხადებული და არც რომელიმე პროგრამის ფარგლებში ხორციელდება. მერობის კანდიდატი მიიჩნევს, რომ სამუშაოების ჩატარება წინასაარჩევნოდ გამიზნულად  ხდება. ამასვე ადასტურებს “ნინო ბურჯანაძე – ერთიანი ოპოზიციის” წარმომადგენელი ახალციხეში.  ონისე გაჩეჩილაძის თქმით, აღნიშნულთან დაკავშირებით ინფორმაცია მათაც მიიღეს. როგორც პარტიის შტაბის ხელმძღვანელი “მეცხრე არხთან” აცხადებს,  სოფლებში პრობლემები ადრეც იყო და წინასაარჩენოდ მისი მოგვარება სხვა არაფერია თუ არა ამომრჩევლის მოსყიდვის მცდელობა. ადგილობრივი მუნიციპალიტეტის გამგეობის ინფრასტრუქტურის სამსახურში კი განმარტავენ, რომ აღნიშნულ სოფლებში გადაუდებელი სამუშაოები იყო ჩასატარებელი და მოსახლეობის თხოვნით გზების გასწვრივ სანიაღვრე არხები კეთდება, რადგან მოსალოდნელი სტიქიის შედეგები თავიდან იქნეს აცილებული. გამგეობაში აცხადებენ, რომ სამუშაოების ჩატარებას  არჩევნებთან არანაირი კავშირი არ აქვს და ეს მხოლოდ აუცილებლობიდან გამომდინარეობს.    

თვითმმართველობის არჩევნებამდე ოთხი დღე რჩება. წინა საარჩევნო კამპანია კი დასკვნით ეტაპს უახლოვდება. ქალაქის მერობის კანდიდატები   საკუთარ კონკურენტებზე საუბრობენ, მათი ნაწილი ამბობს, რომ  უალტერნატივოა და არჩევნებში საკუთარი  კანდიდატურის გამარჯვების იმედი აქვს, ნაწილი კი   ყველაზე რეალურ კონკურენტს ასახელებს.  

2010-2014 წლების წინასაარჩევნო გარემოს  პოლიტიკური პარტიების წარმომადგენლები აფასებენ. რამდენად რთულ სიტუაციაში უწევდათ მათ მოსახლეობასთან საკუთარი პროგრამის გაცნობა და შეიცვალა თუ  არა ამ მხრივ ახალციხეში  მდგომარეობა?  როგორ იხსენებენ და რას ამბობენ ამჟამინდელ წინასაარჩევნო გარემოზე მაშინდელი მმართველი ძალისა და ოპოზიციის წარმოამდგენლები? თემით ,,მე-9 არხი” დაინტერესდა.

რესპუბლიკური პარტიის ერთ–ერთი ლიდერი დავით ბერძენიშვილი დღეს სამცხე–ჯავახეთის მოსახლეობას შეხვდა. იგი ადიგენის მუნიციპალიტეტის შემდეგ  ახალციხეს ესტუმრა და მერობისა და უბნის მაჟორიტარობის კანდიდატებთან  ერთად  ვარძიის ქუჩის მოსახლეობას გაესაუბრა.

ადგილობრივი თვითმმართველობის არჩევნებზე ასპინძის მუნიციპალტეტის გამგებლობისათვის 4 კანდიდატი იბრძოლებს. ,,არასაპარლამენტო ოპოზიციიდან” – ნიკოლოზ ბერიძე, ,,ბურჯანაძე – ერთიანი ოპოზიციიდან” – გელა ლეკიშვილი, ,,ერთიანი ნაციონალური მოძრაობიდან” –  ბესიკ ბექაური და ,,ქართული ოცნებიდან” – ლევან ცაბაძე.  #39-ე ასპინძის საარჩევნო ოლქში ამბობენ, რომ 5 ივნისამდე აქ კანდიდატურა არცერთ საარჩევნო სუბიექტსა და საინიციატივო ჯგუფს არ მოუხსნია. 12 მაჟორიტარულ ოლქიდან კი არჩევნებში მონაწილეობაზე უარი 5-მა მაჟორიტარმა კანდიდატმა თქვა.

„ქართული ოცნების“ ახალციხის მერობის კანდიდატმა წინასაარჩევნო კამპანიის ფარგლებში ქალაქში  რამდენიმე ქუჩაზე შეხვედრა გამართა. ახალციხის უძველეს უბანში რაბათში გიორგი კოპაძემ უბნის მაჟორიტარი დეპუტატობის კანდიდატი  მამუკა მიქელაძე ადგილობრივებს წარუდგინა.  ჩიფსების ქარხნისა და ახალი ბინების მშენებლობა, სადაც ადგილობრივები დასაქმდებიან, საკანალიზაციო და სასმელი  წყლის სისტემების რეაბილიტაცია, ტურიზმის განვითარება რაბათში, ახალციხის ციხის კომპლექსში ადგილობრივებისათვის უფასო  ბილეთები – ეს იმ გეგმის ნაწილია, რომლის განხორციელებასაც „ქართული ოცნება“ რაბათელებისა და ახალციხელებისთვის აპირებს.  

არჩევნების სიმულაცია სამცხე–ჯავახეთის სახელმწიფო უნივერსიტეტში – ახალგაზრდა ინიციატორთა კლუბმა სტუდენტებისათვის იმიტირებული კენჭისყრის პროცესი მოაწყო. ახალგაზრდებმა ყველა ის პრცედურა შეასრულეს, რომლის გავლაც მათ რეალური არჩევნების დღეს მოუწევთ.

„ბოლო პერიოდში ვრცელდება ინფორმაცია იმის შესახებ, რომ კანდიდატურა მოვიხსენი, აღნიშნული სიმართლეს არ შეესაბამება“ – ეს განცხადება დღეს „ერთიანი ნაციონალური მოძრაობის“ ახალციხის მერობის კანდიდატმა მედიისთვის გამართულ ბრიფინგზე გააკეთა. გელა დემეტრაძის მტკიცებით, წინასაარჩევნო კამპანიაში სხვა პოლიტიკური ძალები  ხელის შეშლას სხვადასხვა მეთოდით ცდილობენ.

თვითმართველობის არჩევნებამდე რვა დღე რჩება, იესვე როგორც მთელი  ქვეყნის მაშტაბით ახალციხეში დარეგისტრირებული  საარჩვენო სუბიექტები აქტიურ სააგიტაციო კამპანიას განაგრძობენ. რა აქვთ საერთო და რით განმასხვავდება ერთმანეთისაგან, იმ პოლიტიკური პარტიების საარჩვენო პროგრამა, რომელთაც ქალაქში მერობის კანდიდატები ჰყავთ წარმოდგენილი —  თემით „მეცხრე არხი” დაინტრესდა.

400–მდე დარეგისტრირებული საარჩევნო სუბიექტი და ყოველდღიურად მოხსნილი კანდიდატურები – #37–ე ახალციხის საარჩევნო ოლქში კანდიდატურის მოხსნის  ვადა დღეს ამოიწურა. შესაბამისად, საოლქო საარჩევნო კომისიამ ამასთან დაკავშირებით  ყველაზე მეტი განაცხადი  დღეს მიიღო.  22 რეგისტრაციიდან მოხსნილ სუბიექტს  შორის არის ერთადერთი ქალი მერობის კანდიდატი – ნატალია სისვაძე.

,,ერთიანი ნაციონალური მოძრაობის” ადიგენის შტაბი წინასაარჩევნო კამპანიის ფარგლებში მოსახლეობასთან შეხვედრებს აგრძელებს. დღეს მუნიციპალიტეტის გამგებლობის კანდიდატი და პარტიული სიის წევრები სოფელ არლის მოსახლეობას შეხვდნენ. პარტიის საარჩევნო კანდიდატები  მოსახლეობას ადიგენის მაჟორიტარმა დეპუტატმა, ზურაბ ჩილინგარაშვილმა წარუდგინა. მან მოსალხეობას საკუთარი საარჩევნო პროგრამა გააცნო და ბოლო ორი წლის განმავლობაში ქვეყანაში მიმდინარე მოვლენებზე ისაუბრა.

ახალციხეში  მერობის კანდიდატები მოსახლეობასთან საკუთარი შეხვედრების ფოტო და ვიდეო გადაღებაზე უარს ამბობენ. საარჩევნო სუბიექტები აცხდებენ, რომ კადრში გამოჩენის შემდეგ ადგილობრივებზე ზეწოლა მიმდინარეობს. კონკრეტულად ვისი მხრიდან და რა ფორმით  — ამას  მერობის კანდიდატები ვერ აკონკრეტებენ.

„გენდერული თანასწორობის ქსელის“ ორგანიზებით ახალციხის დემოკრატიული ჩართულობის ცენტრში ქალ ამომრჩეველსა და  ქალ კანდიდატებს შორის შეხვედრა გაიმართა.  ორგანიზაციის წარმომადგენლების განმარტებით, შეხვედრაზე  ის პრობლემები განხილეს, რომლის მოგვარებასაც ამომრჩეველი ქალბატონები თვითმმართველობის არჩევნების შემდეგ ელოდებიან.

   ,,სალომე ზურაბიშვილი–საქართველოს გზას“ #37–ე ახალციხის საარჩევნო ოლქში პარტიული სია აღუდგა. ადგილობრივი თვითმმართველობის არჩევნებზე მოქალაქეებს საშუალება მიეცემათ აღნიშნულ პატიას ხმა მისცენ. ,,საქართველოს გზას“ საარჩევნო ოლქში პარტიული სია მას შემდეგ გაუუქმდა, რაც საკუთარი კანდიდატურა 3–მა პირმა მოიხსნა. მანანა იაძემ, ნინო ნარიმანიძემ და იოსებ ასპანიძემ პირადი განცხადების საფუძველზე, #37–ე ახალციხის საარჩევნო ოლქში რეგისტრაციის შეწყვეტა მოითხოვეს. პარტიის ერთ–ერთი მაჟორიტარი დეპუტატობის კანდიდატი, ოლეგ სანდროშვილი ამბობს, რომ კანდიდატებმა განცხადებები ზეწოლის შედეგად დაწერეს, თუმცა ვინ ახდენდა მათზე გავლენას, ამაზე  სანდროშვილი არ საუბრობს. 3 დეპუტატის კანდიდატურის მოხსნის შემდეგ სიაში კანონონის შესაბამისად დადგენილ მინიმუმზე ნაკლები რაოდენობა დარჩა, ამიტომ   რეგისტრაცია ,,სალომე ზურაბიშვილი–საქართველოს გზის“ პარტიულ სიაში მყოფ ყველა კანდიდატს გაუუქმდა. ცესკოს 3 ივნისის სხდომაზე კი კანონში ცვლილება შევიდა, რომლის მიხედვბითაც თუ პარტიულ  სიაში კანდიდატების რაოდენობა საქართველოს საარჩევნო კოდექსით დადგენილ მინიმუმზე ნაკლები იქნება, შესაბამისი საარჩევნო კომისიის განკარგულებით, სია არ გაუქმდება.

ხალხური სიმღერების ცნობილმა ქართველმა შემსრულებლებმა, მესხეთის სახლემწიფო პროფესიულ დრამატულ თეატრში ადგილობრივი მსმენელებისათვის  ცნობილი სიმღერები შეასრულეს.