ამ წუთებში #40 ახალქალაქის საარჩევნო ოლქში პირველი უბნის ბიულეტენებს ითვლიან. არასამთავრობო ორგანიზაციებმა „მრავალეროვანმა საქართველომ“ და „ახალგაზრდა იურისტთა ასოციაციამ“ კახა კუკავასთან ერთად აღნიშნული უბნის გაბათილება და არჩევების განმეორებით ჩატარება მოითხოვეს. სამოქალაქო სექტორის წარმომადგენლებმა აღნიშნული მოთხოვნა „მრავალეროვანი საქართველოს“ მიერ გადაღებული ვიდეოს საფუძველზე წამოაყენეს, სადაც ჩანს, რომ კომისიის წევრებს დაულუქავ სიაზე ხელი მიუწვდებოდათ. საოლქო კომისიამ მათი მოთხოვნა არ დააკმაყოფილა. ვიდეო–მასალა კი მტკიცებულებად არ მიიღო, რადგან მისი წარდგენა საარჩევნო კომისიამ დაგვიანებულად ჩათვალა.  აღნიშნულ უბანზე მხოლოდ ხმების თავიდან გადათვლა გადაწყდა. დღეს ახალქალაქის საოლქოში 8 უბანზე დაწერილი საჩივრები განიხილეს. აქედან, #10, #16, #25 და #46 საარჩევნო უბნების კომისიის თავმჯდომარეებსა და მდივნებს 500–500 ლარიანი ჯარიმა დაეკისრათ. საჩივრების განხილვის პარალელურად შენობის მიმდებარე ტერიტორიაზე მიმდინარეობდა „არასაპარლამენტო ოპოზიციის“ მხარდამჭერთა  საპროტესტო აქციაც. კახა კუკავა საარჩვენო ოლქის მიერ ჩატარებულ სხდომას არალეგიტიმურს  უწოდებს და ამბობს, რომ  იგი სახელმწიფო  და უმცირესობის ენაზე  არ მიმდინარეობს. იგი ბრძოლის გაგრძელებას ცესკოში აპირებს და დარწმუნებულია, რომ შედეგების ანულირება მოხდება .

#40-ე  ახალქალაქის საარჩევნო ოლქში, ამ წუთებში იმ საჩივერბის განხილვა მიმდინარეობს, რომელიც “არასაპარლამენტო ოპოზიციის” წარმომადგენელებმა, საარჩევნო კომისიას წარუდგინეს. ამ დროისათვის უკვე განხილულია, ახალქალაქის #1, #3-ე,  #42-ე, #46-ე და #49-ე  საარჩვენო უბნებზე დაწერილი საჩივრები, თუმცა საოლქო კომისიამ არცერთი მათგანი დააკმაყოფილა. დღის ბოლომდე  ოლქი პარტიის კიდევ შვიდ საჩივარს განიხილავს. სხდომის პარალელურად შენობის მიმდებარე ტერიტორიაზე არასაპარლამენტო ოპოზიციის მხადრდამჭერების აქციაც მიმდინარეობად, თუმცა იგი რამდენიმე წუთის წინ დასრულდა, პარტიის წარმომადგენლები #40-ე  ახალქალაქის საარჩევნო ოლქის მიერ გამოტანილ საბოლოო გადაწყვეტილებას  ელოდებიან. “არასაპარლამეტო ოპოზიციის” ლიდერები ამბობენ, რომ ყველა განხილულ საჩივარზე გამოტანილი გადაწყვეტილება უარყოფითი იქნება რადგან, საარჩვენო ოლქის თავმჯდომარე ჰასმიკ მარანგოზიანი თოფურიას დავალებას ასრულებს. კახა კუკავა საარჩვენო ოლქის მიერ ჩატარებულ სხდომას არალეგიტიმურს  უწოდებს და ამბობს, რომ  იგი სახელმწიფო  და უმცირესობის ენაზე  არ მიმდინარეობს. იგი ბრძოლის გაგრძელებას ცესკოში აპირებს და დარწმუნებულია, რომ შედეგების ანულირება მოხდება . იმ შემთხვევაში თუ კახა კუკავა ცესკოში შედეგს ვერ მიაღწევს, ბრძოლის გაგრძელებას სასამართლოში აპირებს. საჩივრების განხილვის პროცესს არასამთავრობო ორგანიზაციების დამკვირვებლები  და “არასაპარალმენტო ოპოზიციის” ლიდერები   ესწრებიან. ადგილზე მობილიზებულნი არიან სამართალდამცავებიც. როგორ ჩაივლის #40-ე  ახალქალაქის საარჩვენო ოლქში საჩივრების განხილვა, დეტალებზე  „ექოს” საინფორმაციო გამოშვებაში 21:30 საათზე გიამბობთ.      

ადგილობრივი თვითმმართველობის არჩევნები დასრულდა. მიუხედავად იმისა, რომ საარჩევნო ოლქებში შემაჯამებელი ოქმები ჯერ კიდევ არ დაწერილა, გამარჯვებული პარტიის სუბიექტების, ქალაქის მომავალი მერისა  და გამგებლის ვინაობა უკვე ცნობილია. ახლად დაკომპლექტებული ახალციხის ადგილობრივი  ხელისუფლება პირველ რიგში მოსაგვარებელ პრობლემებზე საუბრობს.

საქართველოს ცენტრალური საარჩევნო კომისია ახალქალაქსა და მარტვილში გუშინ განვითარებულ მოვლენებთან დაკავშირებით განცხადებას ავრცელებს. “18 ივნისს, №40-ე ახალქალაქის და №65-ე მარტვილის საოლქო საარჩევნო კომისიებში სხდომების მიმდინარეობისას, რომლებზეც საჩივრები განიხილებოდა, შეიჭრნენ საარჩევნო სუბიექტის – “არასაპარლამენტო ოპოზიციის” წარმომადგენლები, ხელი შეუშალეს კომისიის საქმიანობას და მიაყენეს სიტყვიერი და ფიზიკური შეურაცხყოფა კომისიის წევრებს. ორივე შემთხვევაში სიტუაციის განმუხტვის მიზნით აუცილებელი გახდა საპატრულო პოლიციის გამოძახება. დაუშვებელია საარჩევნო სუბიექტების მხრიდან საარჩევნო ადმინისტრაციასა და მის გადაწყვეტილებებზე ძალადობრივი ფორმით ზეგავლენის მოხდენა; ცესკო კიდევ ერთხელ მოუწოდებს საარჩევნო სუბიექტებს, თავი შეიკავონ მსგავსი ქმედებებისგან და არ გასცდნენ მათთვის კანონით მინიჭებულ უფლებამოსილებებს”, – ნათქვამია ცესკოს განცხადებაში.

პროტესტის მეორე დღე ახალქალაქში. არსაპარლამენტო ოპოზიციის მომხრეები და ლიდერები კვლავ  #40 ახალქალაქის საარჩევნო ოლქთან შეიკრიბნენ და თვითმართველობის არჩვენებში დაფიქსირებული დარღვევები გააპროტესტეს. დღესვე  საოლქო კომისიამ პარტიიდან შესული ოთხი საჩივარი  განიხილა, თუმცა არცერთი დააკმაყოფილა, რასაც  არასაპარლამენტო ოპოზიციის ლიდერსა და ოლქის წარმომადგენელებს შორის დაპირისპირება მოჰყვა.

    ახალციხეში ქალაქის თვითმმართველი ოლქის მაჟორიტარი დეპუტატები “ქართული ოცნების” წარმომადგენელები არიან. ცენტრალური საარჩევნო კომისიის წინასწარი მონაცემებით, არჩევნებში ხმათა უმრავლესობით კოალიციის მიერ წარდგენილმა 5–ვე კანდიდატმა გაიმარჯვა. აქედან, მამუკა მელიქიძეს ნდობა უბნის ამომრჩეველთა 64,92 %–მა გამოუცხადა, გელა პეტაშვილს – 66,7 %–მა,  ამბარცუმ ბაბოიანს 53,7 %–მა, დავით ლომიძეს – 50,89 %–მა.  თამარ გოგოლაძემ არჩევნებში ხმათა 45,55 % მიიღო. მან  “ერთიანი ნაციონალური მოძრაობის” კანდიდატთან ირაკლი ბარძიმაძესთან შედარებით უპირატესობა 110 ხმით მოიპოვა, ხოლო “სალომე ზურაბიშვილი – საქართველოს გზის” კანდიდატთან ოლეგ სანდროშვილთან შედარებით 436 ხმა მიიღო. რაც შეეხება თვითმმართველი თემის მაჟორიტარ დეპუტატებს, 15–დან 3 მათგანი “ნაციონალური მოძრაობის” წარმომადგენელია. გიორგი ტაბატაძემ, გიორგი ბლიაძემ და ამირან ბუხრიკიძემ ანდრიაწმინდის, ფერსისა და აგარის უბნებზე გაიმარჯვეს. დანარჩენი 12 მაჯორიტარი კი “ქართულ ოცნებას” წარმოადგენს. თვითმმართველი თემის მაჟორიტარი დეპუტატების სია ასე გამოიყურება: 1. გიორგი ზაქროშვილი ( “ქართული ოცნება” )– 46,37 %; 2. ამირან ბუხრიკიძე

ახალქალაქში “არასაპარლამეტო ოპოზიციის” მიერ გამართული საპროტესტო აქცია დასრულდა. პარტიის ერთ–ერთი ლიდერი კახა კუკავა პროტეტსტის ამ სახით გამოხატვას არც ხვალ გამორიცხავს.  მისი თქმით, ახალქალაქის საარჩევნო კომისია დარჩენილ საჩივრებს 19 ივნისს 16:00 განიხილავს. შესაბამისად, იგი კომისიის გადაწყვეტილებას მხარდამჭერებთან ერთად მოისმენს. დღეს კუკავამ შედეგების გაბათილება და მეორე ტურის ჩატარება კიდევ ერთხელ მოითხოვა. ამ დროისათვის სამართალდამცველები ახალქალაქის საარჩევნო ოლქის შენობაში ისევ რჩებიან. შეგახსენებთ, რომ “არასაპარლამენტო ოპოზიციის” მიერ დაწერილი 10–მდე საჩივრიდან ახალქალაქის საარჩევნო კომისიამ დღეს მხოლოდ ოთხი განიხილა. განხილვის შედეგად პარტიის მოთხოვნები არ დაკმაყოფილდა, რასაც “არასაპარლამენტო ოპოზიციის” მხარდამჭერების მხრიდან უკმაყოფილება მოყვა. სიტყვიერი დაპირისპირება მოხდა საოლქო კომისიის თავმჯდომარეს ჰასმიკ მარანგოზიანსა და კახა კუკავას შორის. დაპირისპირების დროს აქციის ერთ–ერთმა წევრმა შენობაში მინა ჩაამსხვრია.

   #40–ე ახალქალაქის საარჩევნო ოლქის შენობაში საპატრულო პოლიციაა მობილიზებული.  სამართალდამცველები საოლქო კომისიის თავმჯდომარემ ჰასმიკ მარანგოზიანმა მას შემდეგ გამოიძახა, რაც შენობაში ერთ–ერთმა პიროვნებამ მინა ჩაამსხვრია. დაპირისპირება მას შემდეგ დაიწყო, რაც #40–ე ახალქალაქის საოლქო საარჩევნო კომისიამ “არასაპარლამენტო ოპოზიციის” საჩივრები არ დააკმაყოფილა. კახა კუკავა მხარდამჭერებთან ერთად შენობაში შეიჭრა და თავმჯდომარეს საჩივრების სამართლიანად განხილვა მოსთხოვა.  ცესკოს წარმომადგენელმა სოსო პარუნაშვილმა კუკავას განუცხადა, რომ კომისიის სხდომა კანონის სრული  დაცვით ჩატარდა. აღნიშნულმა კი “არასაპარლამენტო ოპოზიციის” ლიდერის გაღიზიანება გამოიწვია და მან საოლქოს კომისიის წარმომადგენლები ბიულეტენების გაყალბებაში დაადანაშაულა. პარალელურად, საოლქოს შენობის მიმდებარე ტერიტორიაზე “არასაპარლამენტო ოპოზიციის” მხარდამჭერებმა საპროტესტო აქცია გამართეს. ამ დროისათვის აქცია პარტიის ოფისთან მიმდინარეობს, რომელსაც 300–მდე ადგილობრივი ესწრება.   იხილეთ ფოტოკოლაჟი:

პარტიის ლიდერმა კახა კუკავამ და ახალქალაქის რაიონული შტაბის წევრებმა საოლქო საარჩვენო ოლქთან  საპროტესტო აქცია გამართეს და თავმჯდომარეს საჩივრების განხილვა მოსთხოვეს. აქციის მონაწილეები საარჩევნო კომისიას არჩევნების შედეგების გაყალბებაში სდებენ ბრალს.

დღეს ახალციხის #37 საოლქო საარჩევნო კომისიამ საჩივრები განიხილა, არასამთავრობო ორგანიზაციებისა და პარტიების წარმომადგენელთა მოთხოვნები კენჭისყრის შედეგად ნაწილობრივ დაკმაყოფილდა. ძირითადად,  დარღვევები საუბნო კომისიების თავმჯომარეებისა და მდივნების მიერ შემაჯამებელი  ოქმების არასწორად შევსებას ეხებოდა.

ადგილობრივი თვითმმართველობის არჩევნების შემდეგ ცნობილი ხდება როგორ დაკომპლექტდება თვითმმართველი ქალაქისა და თვითმმართველი თემის საკრებულოს შემადგენლობა. წინასწარი მონაცემებით, წამყვანი ადგილები კვლავ ორ პილიტიკურ ძალას, საპარტლამენტო უმრავლესობასა და უმცირესობას ერგო.

ახალციხის თვითმმართველობის არჩევნებში გამარჯვება 60,44%  – ით „ქართული ოცნების” კანდიდატმა გიორგი კოპაძემ მოიპოვა. შედეგების საბოლოო გამოცხადების შემდეგ  იგი საკუთარი უფლება-მოვალეობების შესრულების  დამტკიცებისთანავე შეუდგება.

პოლიტიკური პარტიების შეფასებები არჩევნებიდან მეორე დღეს. კენჭისყრის პროცესსა და მის შედეგებზე დღეს  ყოფილი მერობისა და დამგებლობის კანდიდატები საუბრობდნენ. „საქართველოს გზის” წარმომადგენელი ამბობს, რომ თვითმართველობის არჩევნები მხოლოდ ფორმალობა იყო და მმართველ გუნდმა წინასწარ იცოდა რა შედეგს მიიღებდა. ნაციონალურ მოძრაობაში აცხადებენ, რომ იმ წინასაარჩვენო კამპანიის ფონზე, რომელიც ქვეყანაში მიმდინარეობდა შედეგით კმაყოფილები არიან.

 “სამართლიანი არჩევნებისა და დემოკრატიის საერთაშორისო საზოგადოებამ” თვითმმართველ ქალაქებში ჩატარებული პროპორციული არჩევნების ხმების პარალელური დათვლის შედეგები გამოაქვეყნა. არასამთავრობო ორგანიზაციის მონაცემებით, ახალციხეში ხმები ასე გადანაწილდა: “ქართულმა ოცნებამ” ხმების 57% მიიღო, “ნაციონალურმა ამოძრაობამ” – 29%,” ბურჯანაძე – ერთიანმა ოპოზიციამ” – 4,9%, “საქართველოს პატრიოტთა ალიანსმა” – 3% ლეიბორისტულმა პარტიამ – 2%.      

ასპინძაში არჩევნებში გასული კანდიდატებისა და პოლიტიკური პარტიების პირველადი მონაცემები ცნობილია. #39–ე საოლქო საარჩევნო კომისიი ინფორმაციით ასპინძაში ხმათა რაოდენობის 53,41%–ი “ქართულმა ოცნებამ”, ხოლო  24,87 %–ი “ნაციონალურმა მოძრაობამ” მოიპოვა. დანარჩენი პროცენტები კი სხვა  დარეგისტრირებულმა პოლიტიკურმა პარტიებმა გადაინაწილეს. რაც შეეხება კანდიდატებს, 52 %–ი “ქართული ოცნების”  წარმომადგენელმა ლევან ცაბაძემ, ხოლო 32,88%–ი “ნაიცონალური მოძრაობის” კანდიდატმა ბესიკ ბექაურმა მიიღო. #39–ე საოლქო საარჩევნო კომისიის ინფორმაციით, ასპინძაში პარტიული სიისთ  ხმათა უმრავლესობა  “ნაციონალური მოძრაობამ” მე– 15 უბანზე, “ნინო ბურჯანაძე– ერთიანიმა  ოპოზიციამ” კი მე–5 უბანზე   მიიღო. დანარჩენ უბნებზე კი არჩევნები  “ქართულმა ოცნებამ” გავიდა. რაც შეეხება მაჟორიტარებს, რომელი პარტიის წარმომადგენლებმა მოიპოვეს ამომრჩევლის ნდობა, ეს  ჯერ დაზუსტებული არ არის. ბოლო მონაცემებით, ასპინძაში  კენჭისყრის პროცესში   მონაწილეობა 6 789 ადამიანმა მიიღო, რაც ამომრჩეველთა 70%–ია.

    ცესკოს პირველადი მონაცემებით, 2014 წლის თვითმმართველობის არჩევნებში კოალიცია “ქართული ოცნების” ახალციხის მუნიციპალიტეტის გამგებლობის კანდიდატმა ხმათა 59,7 % მიიღო. მეორე ადგილზე 32, 16 %–ით “ერთიანი ნაციონალური მოძრაობის” კანდიდატი გოჩა გვარამაძეა. მესამე ადგილზე 4,33 %–ით – “დავით თარხან–მოურავი – საქართველოს პატრიოტთა ალიანსის” კანდიდატი მამუკა გოგოლაძე. მეოთხე ადგილზე 2.5 %–ით – “ნინო ბურჯანაძე – ერთიანი ოპოზიციის” კანდიდატი ოლეგ ძოწენიძე და მეხუთე ადგილზე 1,31 %–ით – “არასაპარლამენტო ოპოზიციის” კანდიდატი ბახვა გელაშვილი.

       ცესკოს წინასწარი მონაცემებით “ქართული ოცნების” მერობის კანდიდატმა გიორგი კოპაძემ არჩევნები ხმათა 60,44 %–ით მოიგო. 31.03 % – “ერთიანი ნაციონალური მოძრაობის” კანდიდატს გელა დემეტრაძეს  აქვს;  4,38 % – “ნინო ბურჯანაძე – ერთიანი ოპოზიციის” კანდიდატს ზაზა ნათენაძეს, ხოლო 4,15 % “სალომე ზურაბიშვილი – საქართველოს გზის” კანდიდატს გოჩა ათოშვილს. შეგახსენებთ, რომ ახალციხეში ერთიანი საარჩევნო სიით ახალციხეში – 34 467 ამომრჩეველი იყო რეგისტრირებული.

39–ე ასპინძის ოლქში საარჩევნო პროცესმა მშვიდ ვითარებაში  ჩაიარა. დღის განმავლობაში საარჩევნო ოლქში  არცერთი საჩივარი არ დაწერილა, მიუხედავად ამისა უბნებზე მცირე ხარვეზები მაინც იყო. ოლქის თავმჯდომარე განმარტავს, რომ წინა არჩვენებთან შედარებით კენჭისყრის პროცესში წელს მოსახლეობის აქტივობა მაღალი იყო. 20 საათის მონაცემებით  საკუთარი არჩევანი 6 694 ამომრჩეველმა გააკეთა.

    23–ე ფერსის უბანზე პირველადი მონაცემებით ახალციხის მუნიციპალიტეტის გამგებლობის კანდიდატებიდან ყველაზე მეტი ხმა კოალიცია “ქართული ოცნების” კანდიდატმა ზაზა მელიქიძემ მიიღო. პროპორციული და მაჟორიტარული სისტემით კი აღნიშნულ უბანზე “ერთიანმა ნაციონალურმა მოძრაობამ” გაიმარჯვა. ფერსის უბანზე საარჩევნო სიით 813 ამომრჩეველი იყო დარეგისტრირებული, 25–მა გადასატანი ყუთის საშუალებით დააფიქსირა საკუთარი პოზიცია, სამი კი სპეციალურ სიაში იყო.

   ცესკოს 20:00 საათის მონაცემებით, არჩევნებში მონაწილეობა  1,485,372-მა ამომრჩეველმა მიიღო, რაც საერთო რაოდენობის 43,31% – ია.  2013 წლის საპრეზიდენტო არჩევნებზე 20:00 სთ-ის მდგომარეობით ამომრჩეველთა აქტივობა იყო 46.6%. როგორც ცესკოს სპიკერმა ეკა აზარაშვილმა, აღინიშნა რომ თვითმმართველობის არჩევნებზე ბიულეტენებისა და კანდიდატების სიმრავლიდან გამომდინარე,  წინასწარი შედეგების დათვლას საპრეზიდენტო არჩევნებთან შედარებით მეტი დრო დაჭირდება. მას შემდეგ რაც ცესკო მიიღებს საუბნო საარჩევნო კომისიების შემაჯამებელ ოქმებს, დოკუმენტები ცესკოს ვებ-გვერდზე დაუყოვნებლივ აიტვირთება.