ახალციხის ადმინისტრაციულ შენობაში ქალაქ ვალეში მცხოვრებ წარმატებულ სტუდენტთან შეხვედრა გაიმართა.  ხატია კაკაჩიშვილი საზოგადოებას იტალიაში მიღწეული წარმატების შესახებ ესაუბრა. მაისის თვეში თბილისის სამხატვრო აკადემიის არქიტექტურისა და რესტავრაციის  ფაკულტეტიდან ექვსი წარჩინებული ახალგაზრდა იტალიაში გაემგზავრა.

ერთიანი ეროვნული გამოცდები გრძელდება. დღეს აბიტურიენტებმა  ტესტირება ზოგად უნარებში გაიარეს. ახალციხის საგამოცდო ცენტრში პირველ და მეორე  სესიაზე დარეგისტრირებული,  584 აბიტურიენტიდან  გამოცდაზე 27  მათგანი არ გამოცხადდა. ცენტრის ადმინისტრატორის გელა ინსარიძის თქმით, პროცესმა მშვიდ  გარემოში ჩაიარა და  დარღვევებს ადგილი არ ჰქონია.  

სამცხე-ჯავახეთის სახელმწიფო უნივერსიტეტისა და კოლეჯ „ოპიზარის“ წარჩინებულ სტუდენტებს ახალციხის მერის სახელობის  სტიპენდია დაენიშნათ. 8 ახალგაზრდას პირად ანგარიშზე 100–100 ლარი უკვე დაერიცხა. დღეს სტიპენდიანმტები გიორგი კოპაძესა და მის მოადგილეს, ზაზა თამარაშვილს შეხვდნენ. ადგილობრივი თვითმმართველობის წარმომადგენელთა თქმით, სტუდენტებმა სტიპენდია მაღალი აკადემიური მოსწრებისათვის მიიღეს, რაც სხვა ახალგაზრდებისთვის სტიმულის მიმცემი უნდა იყოს.

ერთიანი ეროვნული გამოცდები დაიწყო. აბიტურიენტებმა  ტესტირება  ქართულ ენასა და ლიტერატურაში ჩააბარეს. ახალციხის საგამოცდო  ცენტრში დარეგისტრირებული 510 აბიტურიენტიდან 4 მათგანი არ გამოცხადდა. ერთიანი ეროვნული გამოცდები საქართველოს ყველა საგამოცდო ცენტრში,  ერთდროულად დაიწყო.  აბიტურიენტებმა რეგისტრაცია 08:00 საათზე გაიარეს, მათ ტესტებზე მუშაობა კი 09:00 დაიწყეს.

    ერთიანი ეროვნული გამოცდები დაიწყო. აბიტურიენტები გამოცდას დღეს ქართულ ენასა და ლიტერატურაში აბარებენ. მათ რეგისტრაცია 08:00 საათზე გაიარეს, ტესტებზე მუშაობა კი 09:00 დაიწყო, გამოცდისთვის დრო ოთხი საათი აქვთ გამოყოფილი. ახალციხის საგამოცდო ცენტრი მეხუთე საჯარო სკოლაშია გახსნილი, პირველ სესიაზე, რეგიონის მასშტაბით, 255 დარეგისტრირებული აბიტურიენტიდან 2 არ გამოცხადდა. საგამოცდო ცენტრის მიმდებარე ტერიტორიაზე მობილიზებულია საპატრულო პოლიცია, სასწრაფო დახმარების ბრიგადა და სახანძრო სამაშველო სამსახური. გამოცდების ეროვნული ცენტრის ინფორმაციით, ერთიან ეროვნულ გამოცდებზე, საქართველოს მასშტაბით, 40 000–ზე მეტი აბიტურიენტი იყო რეგისტირებული, თუმცა, დაახლოებით 1 300 მეთორმეტეკლასელი პროცესს გამოეთიშა. მათ საატესტატო გამოცდები ვერ ჩააბარეს. 100–ზე მეტ აბიტურიენტს სპეციფიკური საგამოცდო პირობების შექმნა ესაჭიროება. არიან მსჯავრდებულებიც. საგამოცდო ცენტრები საქართველოს 11 ქალაქში, ბათუმში, ფოთში, ზუგდიდში, ოზურგეთში, ქუთაისში, ახალციხეში, გორში, თბილისში. რუსთავში, თელავში და ხულოში გაიხსნა. ერთიანი ეროვნული გამოცდები 22 ივლიის, ქიმიის საგნით დასრულდება.

ბორჯომელი აბიტურიენტები, გამოცდების ჩასაბარებლად, უფასო ტრანსპორტით ისარგებლებენ. ახალციხის მიმართულებით, მათ ავტობუსი 2015 წლის ორიდან 10 ივლისის ჩათვლით მომსახურება. საზოგადოებრივი ტრანსპორტი ყოფილი გამგეობის შენობის მიმდებარე ტერიტორიიდან, დილის 6:50 საათზე გამოვა. მძღოლი აბიტურიენტებს გამოცდის დამთავრებამდე დაელოდება და  მათ ბორჯომში დაბრუნებას უზრუნველყოფს. აღნიშნული ინიციატივა ბორჯომის მუნიციპალიტეტის გამგებელს დიმიტრი ყიფიანისა და “ბორჯომის საზოგადოებრივი ტრანსპორტის დირექტორს დავით ზაალიშვილს ეკუთვნით. ერთიანი ეროვნული გამოცდები ხვალ, ორ ივლისს ქართული ენისა და ლიტერატურის გამოცდით იწყება და 22 ივლისამდე გასტანს.

ბორჯომელი აბიტურიენტები, გამოცდების ჩასაბარებლად, უფასო ტრანსპორტით ისარგებლებენ. ახალციხის მიმართულებით, მათ ავტობუსი 2015 წლის ორიდან 10 ივლისის ჩათვლით მომსახურება. საზოგადოებრივი ტრანსპორტი ყოფილი გამგეობის შენობის მიმდებარე ტერიტორიიდან, დილის 6:50 საათზე გამოვა. მძღოლი აბიტურიენტებს გამოცდის დამთავრებამდე დაელოდება და  მათ ბორჯომში დაბრუნებას უზრუნველყოფს. აღნიშნული ინიციატივა ბორჯომის მუნიციპალიტეტის გამგებელს დიმიტრი ყიფიანისა და “ბორჯომის საზოგადოებრივი ტრანსპორტის დირექტორს დავით ზაალიშვილს ეკუთვნით. ერთიანი ეროვნული გამოცდები ხვალ, ორ ივლისს ქართული ენისა და ლიტერატურის გამოცდით იწყება და 22 ივლისამდე გასტანს.

უკვე ორი წელია სახელმწიფო უნივერსიტეტებში 17 მიმართულებაზე სწავლა უფასოა, მიუხედავად ამისა, აბიტურიენტებისათვის, ყველაზე სასურველ  პროფესიებად, მაინც ბიზნესი, სამართალი და საერთაშორისო ურთიერთობები რჩება. რატომ არ ინტერესდებიან ახალგაზრდები, საბუნებისმეტყველო თუ ტექნიკური ფაკულტეტებით  საქართველოში და რატომ ვერ არჩევენ საჯარო უწყებებში სასურველ კანდიდატებს – თემით “მეცხრე არხი” დაინტერესდა. თაკო თუმანიშვილი და მარი მოდებაძე აბიტურიენტები არიან. ისინი ერთიანი ეროვნული გამოცდებისთვის ემზადებიან, რათა სასურველ პროფესიებს დაეუფლონ.

აბიტურიენტებისთვის საგამოცდო ბარათების დარიგება დაიწყო. კურსდამთავრებულებს მათი აღება რეგისტრაციისას მითითებულ ადგილზე შეუძლიათ. ერთიანი ეროვნული გამოცდების დაწყებამდე, ბარათი ყველა აბიტურიენტმა უნდა მიიღოს. ახალციხის საჯარო სკოლებში საგამოცდო ბარათების დარიგება დილიდან დაიწყო. მეხუთე საჯარო სკოლის დირექტორის  თქმით, ბარათების დიდი ნაწილი აბიტურიენტებს უკვე ჩაბარდათ.

2015 წლის ერთიანი ეროვნული გამოცდების ჩატარების  განრიგი: 2-3 ივლისი (პირველი სესია 8:00 სთ., მეორე სესია 14:00 სთ.) – ქართული ენა და ლიტერატურა; 6-7 ივლისი (პირველი სესია 8:00 სთ., მეორე სესია 14:00 სთ.) – ზოგადი უნარები; 8 ივლისი (პირველი სესია 8:00 სთ., მეორე სესია 14:00 სთ.) – ინგლისური ენა; 9 ივლისი (პირველი სესია 8:00 სთ.) – ინგლისური ენა; 9 ივლისი (პირველი სესია 8:00 სთ.) – გერმანული ენა; 10 ივლისი (პირველი სესია 8:00 სთ.) – რუსული ენა; 10 ივლისი (პირველი სესია 8:00 სთ.) – ფრანგული ენა; 13 ივლისი (პირველი სესია 8:00 სთ., მეორე სესია 14:00 სთ.) – გეოგრაფია; 14 ივლისი (პირველი სესია 8:00 სთ., მეორე სესია 14:00 სთ.) – ისტორია; 15 ივლისი (პირველი სესია 8:00 სთ., მეორე სესია 15:00 სთ.) – მათემატიკა; 16 ივლისი (პირველი სესია 8:00 სთ.) – ფიზიკა; 17 ივლისი (პირველი სესია 8:00 სთ.) – ლიტერატურა; 20 ივლისი (პირველი სესია 8:00 სთ) – სამოქალაქო განათლება. 21 ივლისი (პირველი სესია 8:00 სთ.) – ბიოლოგია; 21 ივლისი (პირველი სესია 8:00 სთ.) – სახვითი და გამოყენებითი ხელოვნება; 22 ივლისი (პირველი სესია 8:00 სთ.) – ქიმია; 2015 წლის საერთო სამაგისტრო გამოცდის ჩატარების განრიგი: 9 ივლისი (მეორე სესია 14:00 სთ.) – წაკითხულის გააზრება, ანალიტიკური წერა (ტესტის ტიპი: A, C); 10 ივლისი (მეორე სესია 14:00 სთ.) – ლოგიკური მსჯელობა, რაოდენობრივი მსჯელობა (ტესტის ტიპი: A, C); 16 ივლისი (მეორე სესია 15:00 სთ.) – წაკითხულის გააზრება, ანალიტიკური წერა (ტესტის ტიპი – B); 17 ივლისი (მეორე სესია 15:00 სთ.) – ლოგიკური მსჯელობა, რაოდენობრივი მსჯელობა (ტესტის ტიპი – B). 2015 წლის სტუდენტთა საგრანტო კონკურსის ჩატარების განრიგი: 20 ივლისი (მეორე სესია 15:00 სთ.) – სტუდენტთა საგრანტო კონკურსი;

 საჯარო სკოლების მოსწავლეებს სასკოლო სახელმძღვანელოები უფასოდ გადაეცემათ. 2015-2016 სასწავლო წლისათვის „მოსწავლეების სახელმძღვანელოებით უზრუნველყოფის პროგრამის“ მიმდინარეობასთან დაკავშირებით, განათლებისა და მეცნიერების მინისტრმა, თამარ სანიკიძემ ისაუბრა. მისი თქმით, სახელმძღვანელოები უსასყიდლოდ გადაეცემა: საქართველოს საჯარო სკოლების ყველა მოსწავლეს; კერძო სკოლების სიღარიბის ზღვარს ქვემოთ მყოფი ოჯახების წევრ მოსწავლეებს; 2008 წლის აგვისტოს ომში დაღუპული მეომრების შვილებს; იმ კერძო სკოლების მოსწავლეებს, რომლებიც ამ სკოლის პრივატიზებამდე სწავლობდნენ ზოგადსაგანმანათლებლო დაწესებულებაში. 2015-2016 სასწავლო წლისათვის, ისევე როგორც გასულ წელს, მოსწავლეებს, გადაეცემათ სახელმძღვანელოების პაკეტი, რომელიც დაკომპლექტებული იქნება მაღალი ქულებით შეფასებული წიგნებით. ძველი და ახალი წიგნების  კომბინირებულ პაკეტს მიიღებენ პირველკლასელებიც. გარდა ამისა, როგორც წინა წლებში, ყველა პირველკლასელი საჩუქრად პირად პორტატულ კომპიუტერსაც მიიღებს. სამინისტროს ინფორმაციით, ამ ეტაპზე, უკვე ჩაბარებული   სახელმძღვანელოების ინვენტარიზაცია დასრულებულია და მათი ძირითადი  ნაწილი ვარგისიანია, რაც რამდენიმე ფაქტორმა განაპირობა: 2013-2014 წლებში, გასულ წლებთან შედარებით, გაუმჯობესდა ქაღალდისა და საღებავის უვნებლობის ხარისხი. ასევე პირველი კლასის ყველა სახელმძღვანელო დაბეჭდილია თანამედროვე სპეციალურ საბეჭდ ქაღალდზე, რომელიც გამოირჩევა სიმსუბუქითა და გამძლეობით. შესაბამისად, მოსწავლისთვის ბევრად იოლია მისი მოხმარება და ნაკლებია ცვეთა. ასევე აღსანიშნავია, რომ  მნიშვნელოვნად ამაღლდა მოსწავლეებში   სახელმძღვანელოების მოხმარების კულტურა, იშვიათად ფიქსირდება წიგნების მიმართ უდიერი მოპყრობის ფაქტები. შედეგად, წელს წიგნების დიდი უმრავლესობა მაღალი ქულებით შეფასდა. განათლებისა და მეცნიერების სამინისტრო „მოსწავლეების სახელმძღვანელოებით უზრუნველყოფის პროგრამას“ 2013 წლიდან ახორციელებს.

2014-2015 სასწავლო წელს, სრული ზოგადი განათლების მედალოსნების სია, განათლებისა და მეცნიერების მინისტრმა 19 ივნისს დაამტკიცა. ბრძანების მიხედვით, ახალციხის მუნიციპალიტეტის სკოლებიდან ოქროს მედალი 21–მა მოსწავლემ მიიღო. მათ შორის: მეხუთე საჯარო სკოლაში – ექვსმა, პირველში – სამმა, მეექვსე სკოლაში  – ორმა, კერძო სკოლა ,,მზექაში“ კი ერთმა მოსწავლემ. ასევე, დაჯილდოვდებიან სოფელ ანის, ხეოთისა და ვალის საჯარო სკოლის მოსწავლეებიც. რაც შეეხება ვერცხლს, ყველაზე მაღალი მაჩვენებელი ამჯერადაც მეხუთე საჯარო სკოლაში დაფიქსირდა.

სიმულაციური თამაშების ციკლი ინტეგრაციასთან არსებულ პრობლემებზე – თემაზე ახალციხის დემოკრატიული ჩართულობის ცენტრში ტრენინგი გაიმართა. მასში მონაწილეობა სამოქალაქო განათლების პროგრამა “მომავლის თაობის” პარტნიორი საჯარო სკოლის მოსწავლეებმა მიიღეს. მონაწილეთათვის სემინარი ,,ახალგაზრდები სამოქალაქო პროგრესისკენ” წარმომადგენელმა რობერტ სიმონიანმა ჩაატარა.

,,ეთნიკური უმცირესობების ფორუმი“– ამ სახელწოდებით დღეს სამცხე–ჯავახეთის სახელმწიფო უნივერსიტეტში ,,ახალგაზრდა ადვოკატებმა“ შეხვედრა გამართეს. მათ აღმოსავლეთ პარტნიორობის პროგრამისა და ევროპული ინტეგრაციის შესახებ ისაუბრეს. ფორუმს საკანონმდებლო და აღმასრულებელი ხელისუფლების წევრები, ადგილობრივი თვითმმართველობისა და ეთნიკური უმცირესობების წარმოამდგენლები დაესწრნენ. არიან თუ არა ინფორმირებულნი  საქართველოში მცხოვრები ეთნიკური უმცირესობები, აღმოსავლეთ პარტნიორობის პროგრამისა და ევროპასთან ასოცირების ხელშეკრულების შესახებ, როგორია მათი პასუხისმგებლობა, მოვალეობები და უფლებები – ეს ის საკითხებია, რომლის შესახებაც  მსჯელობა სამცხე–ჯავახეთის სახელმწიფო უნივერსიტეტში გაიმართა.

2015 წლის მე–3 გადაცემა

საატესტატო გამოცდები დასრულდა. მეთერთმეტეკლასელებმა ტესტირება 4 საგანში – ბიოლოგიაში, გეოგრაფიაში, ფიზიკასა და ქიმიაში გაიარეს. საბოლოო მონაცემებით, ახალციხის ექვს საჯარო სკოლაში, 21 მოსწავლე ჩაიჭრა. ისინი განმეორებით გამოცდას მომავალ წელს ჩააბარებენ. ყველა გამოცდა წარმატებით გადალახეს, #6 და კერძო სკოლა „მზექა“–ს მეთერთმეტეკლასელებმა. სკოლებში გამოსაშვები გამოცდების ჩატარება, ეროვნულმა ცენტრმა უზრუნველყო. საგამოცდო პროცესს, მათი წარმომადგენლები ყველა საგანმანათლებლო დაწესებულებაში დააკვირდნენ. მეთერთმეტეკლასელებს  ატესტატის აღება, მხოლოდ მას შემდეგ შეეძლებათ, რაც  ყველა სავალდებულო გამოცდის ბარიერს გადალახავენ.

„ახალგაზრდების თვითმმართველობასთან ურთიერთობა გამართლებულია“-თემაზე, ახალციხის მუნიციპალიტეტის გამგეობაში, დებატები გაიმართა. ერთმანეთს ორი, მტკიცებითი და უარმყოფელი გუნდი  შეეჯიბრა. ახალგაზრდებმა საკუთარი არგუმენტებით იმსჯელეს, გამართლებულია თუ არა მოზარდების თვითმმართველობასთან ურთიერთობა. დებატებში, საბოლოოდ, მტკიცებითი გუნდის წევრებმა გაიმარჯვეს, რომლებიც ფიქრობდნენ, რომ ახალგაზრდებმა თვითმმართველობასთან აქტიურად უნდა ითანამშრომლონ. 

საჯარო სკოლებში საატესტატო გამოცდები გრძელდება. მეთერთმეტეკლასელებმა  გამოცდა დღეს ბიოლოგიაში ჩააბარეს. მოსწავლეებს მოცემული დავალების შესასრულებლად  ერთი საათი ჰქონდათ. ქალაქის საგანმანათლებლო დაწესებულებებში  უმაღლესი ათი ქულა  დაფიქსირდა, რამდენიმე მოსწავლე კი ჩაიჭრა.  არაქართულენოვანი სკოლების მოსწავლეები ტესტებში არსებულ ხარვეზებზე საუბრობენ. საქართველოში საატესტატო გამოცდები გრძელდება. მეთერთმეტეკლასელებს დღეს  ბიოლოგიის საკითხებზე მოუწიათ მუშაობა.  მოსწავლეების თქმით, ტესტები საშუალო სირთულის იყო და სასწავლო პროგრამის მიხედვით იყო შედგენილი. ახალციხეში უმაღლესი 10 ქულა მხოლოდ მეექსვე საჯარო სკოლაში დაფიქსირდა, ხოლო ქალაქის 5 საჯარო სკოლაში რვა  მოსწავლე ჩაიჭრა.

მეთერთმეტეკლასელებმა საატესტატო გამოცდები, დღეს, ბიოლოგიაში ჩააბარეს. ახალციხის საჯარო სკოლებში ტესტირება დილის 09:00 საათზე დაიწყო. მოსწავლეებს, საკითების შესასრულებლად, ერთი საათი ჰქონდათ. ქალაქის საგანმანათლებლო დაწესებულებებში უმაღლესი ათი ქულა დაფიქსირდა. მოსწავლეების თქმით, ბიოლოგიის ტესტები საშუალო სირთულის იყო და ყველა საკითხი სასწავლო პროგრამის მიხედვით იყო შედგენილი. არაქართულენოვან სკოლებში, ნათარგმნ ტექსტებში მცირე ხარვეზები დაფიქსირდა.  ახალციხის მესამე საჯარო სკოლის მოსაწვლეების თქმით, ამის  მიუხედავად, დაწესებულებაში უმაღლესი ქულები მაინც დაიწერა. მეთერთმეტეკლასელები საატესტატო გამოცდებს, 19 ივნისს ფიზიკაში, ხოლო 20 ივნისს ქიმიაში გაივლიან. მოსწავლეებს ატესტატის აღება მხოლოდ მას შემდეგ შეეძლებათ, რაც ყველა სავალდებულო გამოცდის ბარიერს გადალახავენ.

ახალციხეში, თავისუფალმა ოლიმპიადა „შერლოკმა“, ინგლისურის ტურში, რეგიონული გამარჯვებულები დააჯილდოვა. შეჯიბრში მონაწილეობა, მეორედან მეთერთმეტე კლასის მოსწავლეებმა მიიღეს. ოლიმპიადა 3 ეტაპად ჩატარდა. მოზარდებმა პასუხები  სასკოლო პროგრამის მიხედვით, სხვადასხვა სახის ტესტურ კითხვაზე გასცეს. მესამე ტურში დამატებული იყო მოსასმენი სავარჯიშოებიც. მოსწავლეებისა და მშობლების განცხადებით, მსგავსი სახის ღონისძიებები ხელს  ახალგაზრდების განვითარებას უწყობს და მოსწავლეებს სწავლისკენ მოუწოდებს. „შერლოკის“ რეგიონულმა მენეჯერმა,  გიორგი ხმალაძემ ახალგაზრდებს  წარმატება  მიულოცა და განმარტა, რომ სხვა ტურებში გამოვლენილი გამარჯვებულები სექემბრის თვეში დაჯილდოვდებიან.