კიევის საერთაშორისო ტურნირზე მესხმა სპორტსმენმა ვერცხლის მედალი მოიპოვა. გოგა აფრიამაშვილმა  71 კგ. წონით კატეგორიაში ბერძნულ-რომაული სტილით იასპარეზა. საქართველოს ჭიდაობის ეროვნული ფედერაციის ინფორმაციით, მან მოლდოველი დანიელ კატარაგა და უკრაინელი ოლეგ ანტონოვი 8-0 დაამარცხა, ნახევარფინალში,  თანაგუნდელ გიორგი ჯავახიას  ანგარიშით 3-2 მოუგო. გოგა აფრიამაშვილი ადიგენიდან, სოფელ არლიდან არის. 2005 წლიდან იგი ეროვნულ ნაკრებში  ჭიდაობს. კიევის საერთაშორისო ტურნირზე სპორტსმენი ეროვნული ფედერაციის სახელით იმყოფებოდა. 13 თებერვალს,  კიევის საერთაშორისო ტურნირის პირველ დღეს საქართველოს ბერძნულ-რომაული სტილით, ხალიჩაზე 5 მოჭიდავე გავიდა, აქედან ოთხმა მედალი მოიპოვა. ვერცხლის მედლები მფლობელები  გოგა აფრიამაშვილმა (71) და ვასილ იმერლიშვილმა (98),  ბრინჯაოს მედლების კი გიორგი ჯავახია (71) და თორნიკე ძამაშვილი (80) გახდნენ. საერთაშორისო ტურნირში მონაწილეობა 20–მა ქვეყანამ მიიღო.

ბაკურიანმა, ტრაგიკულად გარდაცვლილი სნოუბორდისტის, ნუგზარ დიაკონაშვილის სახელობის ტურნირს უმასპინძლა. მასში მონაწილეობა 70–მდე წამყვანმა სპორტსმენმა მიიღო. მესტიიდან, გუდაურიდან, თბილისიდან და ბაკურიანიდან ჩამოსული სნოუბორდისტები, ბიჭების ორ და გოგონების ერთ ასაკობრივ გუნდში გადანაწილდნენ. ორგანიზატორების თქმით, ნუგზარ დიაკონაშვილის სახელობის ტურნირი ყოველწლიურად გაიმართება.

  ახალციხელმა სპორტსმენებმა ევროპის ჩემპიონატზე ექვსი ოქროს მედალი მოიპოვეს. ,,ბრძოლა წესების გარეშე”, სადაც მათ მონაწილეობა მიიღეს, თბილისში „დეკადის“ დარბაზში გაიმართა. ქალაქ ახალციხის ადმინისტრაციის მიერ გავრცელებული ინფორმაციით, გამარჯვებულ სპორტსმენებს, 16 იანვარს, მერი გიორგი კოპაძე  შეხვდა და წარმატება მიულოცა. „ ვამაყობ, რომ ახალციხელმა სპორტსმენებმა ესეთ დიდ წარმატებას მიაღწიეს და ჩვენი ქალაქი ასახელეს“– აღნიშნა ქალაქის პირველმა პირმა. სპორტსმენების წარმატება მოულოდნელი იყო უნივერსალური ორთაბრძოლების კლუბ მე-13 ლეგიონის პრეზიდენტისათვის. „გახარებულები დავბრუნდით, არავინ არ ელოდა , რომ ახალციხელი სპორტსმენები ესეთ წარმატებას მიაღწევდნენ. ყველა ჩემს მეგობარს სპორტულ კარიერაში წარმატებას ვუსურვებ“– განაცხადა მიხეილ მესხმა. კიდევ ერთი წარმატება, აღნიშნული გუნდის წევრმა გიორგი აკოშვილმა ქალაქ კიევში გამართულ აღმოსავლეთ უკრაინის რეგიონულ ტურნირში, ხელჩართულ ორთაბრძოლაში მოიპოვა და მეორე ადგილის, ვერცხლის მედლის მფლობელი გახდა.

რევაზ ლაშხი ბერძნულ-რომაული სტილით ჭიდაობაში, საქართველოს ჩემპიონი 59კგ წონით კატეგორიაში გახდა. მან მოწინააღმდეგე დაამარცხა და პირველი ადგილი დაიკავა. რევაზ ლაშხს გამარჯვების მოსაპოვებლად ბრძოლა ირაკლი შავაძესთან (აჭარა) მოუწია. საქართველოს 2016 წლის ჩემპიონატი თავისუფალი და ბერძნულ-რომაული სტილით ჭიდაობაში, სპორტის ახალ სასახლეში ჩატარდა. რევაზ ლაშხი წარმოშობით ბორჯომიდანაა. ის 2011 წლის ევროპის ჩემპიონია. მონაწილეობა მიიღო 2012 წლის ლონდონის ოლიმპიურ თამაშებში 60 კილოგრამ წონით კატეგორიაში და ვერცხლის მედალი მოიპოვა. რევაზ ლაშხი ჭაბუკთა შორის ევროპისა (2004) და მსოფლიოს (2005) ვერცხლის პრიზიორია.   წყარო: ტელეკომპანია ,,ბორჯომი”

ბაკურიანში გარდაცვლილი სნოუბორდისტი ნუგზარ დიაკონაშვილი დღეს, 10 იანვარს  დაკრძალეს. სპორტსმენის დაკრძალვას სპორტისა და ახალგაზრდობის საქმეთა მინისტრის მოადგილე, უწყების წარმომადგენლები და სნოუბორდის ფედერაციის პირველი პირები დაესწრნენ. სნოუბორდოსტები ჩამოვიდნენ ყაზბეგიდან და გუდაურიდან და სპორტსმენი უკანასკნელ გზაზე გააცილეს.

ბაკურიანში ახალგაზრდა სნოუბორდისტი ნუგზარ დიაკონაშვილი გარდაიცვალა. იგი ვარჯიშის დროს ზვავმა მოიყოლა. შემთხვევა 5 იანვარს დღის პირველ საათზე მოხდა,  როგორც ჟურნალისტებთან საუბრისას სნოუბორდის ფედერაციის პრეზიდენტი აცხადებს,  სპორტსმენი ვარჯიშისას „ტატრაპუმის წვერიდან“, გაუკვალავ თოვლში „დიდველზე“ გადადიოდა, რა დროსაც ზვავი ჩამოწვა და ქვეშ მოიყოლა. ლევან მშვილდაძის თქმით, მაშველები ნუგზარ დიაკონაშვილს სამი საათის განმავლობაში ეძებდნენ, თუმცა მისი გადარჩენა ვერ მოხერხდა. ახალგაზრდა სპორტსმენი ბაკურიანის სნოუბორდის გუნდს ხელმძღვანელობდა. იგი საქართველოს მრავალგზის ჩემპიონი იყო. ერთ–ერთი ბოლო წარმატება 2015 წელს მოიპოვა, სადაც სნოუბორდ–კროსში საქართველოს ჩემპიონი გახდა.

ბაკურიანში, სამთო–სათხილამურო სპორტში, საქართველოს თასის გათამაშების პირველი ეტაპი დასრულდა. შეჯიბრში მონაწილეობა გოგონებმა და ვაჟებმა სამი სხვადასხვა ასაკობრივი ჯგუფიდან მიიღეს. ჩემპიონატში სპორტსმენები ჩაერთვნენ, როგორც ბაკურიანიდან,  ასევე, გუდაურიდან, თბილისიდან, მესტიიდან და აჭარის რეგიონიდან. გამარჯვებულები სამივე ასაკობრივ კატეგორიაში გამოვლინდნენ. მათ სამთო სათხილამურო ფედერაციისგან მედლები და სიგელები გადაეცათ.

ახალციხეში მცხოვრებ, 14 ვეტერან სპორტსმენს, ახალციხის მერმა დღეს უმასპინძლა. გიორგი კოპაძემ, სპორტის განვითარებაში შეტანილი წვლილისთვის მადლობა გადაუხადა და ამ სფეროს პოპულარიზაციაში დახმარებას დაპირდა. ქალაქის მერმა, სპორტსმენებს, წინასაახალწლოდ 500 ლარი და მადლობის სიგელები გადასცა. გიორგი კოპაძემ, ვეტერანი სპორტსმენების ნაწილისგან, არჩევნებში მხარდაჭერის პირობა მიიღო.

ახალქალაქის ღია ტურნირიდან ახალციხელი კატარისტები წარმატებით დაბრუნდნენ. შოტოკან კარატე დოს ახალციხის გუნდის ათი მონაწილედან ათივე მათგანმა მედლები და საპრიზო ადგილები მოიპოვა. ოთხმა სპორტსმენმა პირველი ადგილი დაიკავა, სამმა მათგანმა – მეორე და ასევე, სამმა კარატისტმა – მესამე ადგილი. ჩემპიონატში მონაწილეობა 400–მდე სპორტსმენმა საქართველოს სხვადასხვა რეგიონიდან მიიღო. გამარჯვებულები რვა ასაკობრივ კატეგორიაში გამოვლინდნენ.

საქართველოს შიტორიუ შიტოკაის სამცხე–ჯავახეთის  კლუბ „საფარის“ პრეზიდენტი და სპორტსმენები ახალციხის  მერს შეხვდნენ. მამუკა ზუმბაძე გიორგი კოპაძეს, დეკემბრის დასაწყისში,  ჩეხეთის ევროპის ჩემპიონატზე მიღწეული წარმატებისა და სამომავლო გეგმების  შესახებ ესაუბრა. შეხვედრაზე კარატისტებმა არსებულ პრობლემებზეც იმსჯელეს. მამუკა ზუმბაძის თქმით, სპორტსმენებს ტატამი არ აქვთ და ვარჯიში იატაკზე უწევთ. ქალაქის მერი მათ დახმარებას დაპირდა.

ახალციხიდან ოთხი კარატისტი ჩეხეთში, ევროპის ჩემპიონობისათვის იბრძოლებს. ტურნირისთვის  სპორტსმენები საქართველოს  შიტოკაი კარატე დოს  ფედერაციის წარმომადგენლებმა შეარჩიეს. ჩემპიონატში საქართველოდან მონაწილეობას სულ 13 სპორტსმენი მიიღებს.

ქვეყნის მასშტაბით მესამე ადგილი– ასეთი შედეგით დაასრულმა ,,მხიარულ სტარტებში“ ასპარეზობა ახალციხის მე–5 საჯარო სკოლამ. 12 მოსწავლისგან დაკომპლექტებული გუნდი, დაძაბული თამაშის შემდეგ, ფინალში ზუგდიდისა და თბილისის გუნდებთან ერთად აღმოჩნდა. მოზარდები ამბობენ, რომ გამარჯვებისათვის ბევრი იბრძოლეს, თუმცა 800 სკოლას შორის მესამე ადგილის მოპოვება ცუდი შედეგი არ არის. აღნიშნულ შეჯიბრში მოანწილეობის მისაღებად, ბავშვებისა და მათი გულშემატკივრების დედაქალაქში ტრანსპორტირება ახალციხის მერიამ უზრუნველყო.

მხიარულ სტარტებში , საქართველოს მასშტაბით, ახალციხის  მეხუთე სკოლის გუნდი ფინალში  გავიდა. 400–მდე  სკოლას შორის ახალციხელმა მოსწავლეებმა კონკურენტების დამარცხება შეძლეს. ისინი   5 დეკემბერს დედაქალაქში  უკვე პირველობისათვის იბრძოლებენ.  საპრიზო ადგილზე გასულებს კი ორგანიზატორებისაგან სიმბოლური საჩუქრები, თასები, მედლები  და სიგელები გადაეცემათ. სასკოლო სპორტული ოლიმპიადა,  საქართველოს სპორტისა და განათლების სამინისტროებისა და მოსწავლე ახალგაზრდობის  სპორტის  ეროვნული ფედერაციის ხელშეწყობით  მოეწყო. რეგიონებში ღონისძიებას ორგანიზება ადგილობრივმა ხელისუფლებამ გაუწია.

მესხი  კარატისტები ჩეხეთში, ღია ჩემპიონატზე ასპარეზობისთვის ემზადებიან. ტურნირისთვის  სპორტსმენები საქართველოს  შიტოკაი კარატე დოს  ფედერაციის წარმომადგენლებმა შეარჩიეს. სემინარის შემდეგ  გადაწყდა, რომ ჩეხეთში, ღია ჩემპიონატზე, რეგიონიდან  4 კარატისტი გაემგზავრება. გარდა ამისა, ახალციხისა და ადიგენის გუნდებისთვის  გამოცდა ჩატარდა, სადაც სპორტსმენებს კვალიფიკაცია აუმაღლდათ და მწვანე, ყავისფერი და შავი ქამრების მფლობელები გახდნენ.

ახალციხემ მძლეოსნობის  საერთაშორისო შეჯიბრს უმასპინძლა. ტურნირში მონაწილეობა   საქართველოს, აზერბაიჯანისა და სომხეთის  გუნდებმა მიიღეს. ახალციხის ცენტრალურ სტადიანზე ახალგაზრდებმა მძლეოსნობის  სხვადსხვა  სახეობაში იასპარეზეს. მეზობელი ქვეყნების სპორტსმენებთან ერთად, საპრიზო ადგილები დაიკავეს ახალციხელმაც. რომელთაც მერიისაგან ფასიანი საჩუქრები, სიგელები და მედლები გადეცათ. როგორც ღონიძიების ორგანიზატორები ამბობენ, ტურნირის მიზანს ახალგაზრდებში ჯანსაღი ცხოვრების  წესის დამკვიდრება და მეზობელ ქვეყნებს შორის ურთიერთობების გაღრმავება  წარმოადგენს.

ახალციხე მძლეოსნობის  საერთაშორისო შეჯიბრს უმასპინძლებს. ტურნირში მონაწილეობას  საქართველოს, აზერბაიჯანისა და სომხეთის  გუნდები მიიღებენ. გამოვლინდებიან საპრიზო ადგილებზე გასული მონაწილეები, რომლებსაც სიმბოლური საჩუქრები გადაეცემათ.

ახალციხეში  მინი–ფეხბურთში ტურნირი დასრულდა. ფინალში გასული გუნდებიდან მუნიციპალიტეტის პირველობა სვირის გუნდმა მოიპოვა. მეორე ადგილს აწყურის გუნდი დასჯერდა, ხოლო მესამე ადგილი ვალის გუნდმა დაიკავა. ტურნირი მინიფეხბურთში 28 სექტემბერს დაიწყო. მუნიციპალიტეტის პირველობისათვის ტერიტორიულ ერთეულებში შექმნილი რვა გუნდი იბრძოდა.

საქართველოს ქალ მოჭადრაკეთა ნაკრები, ევროპის გუნდური ჩემპიონატისთვის ემზადება. სპორტსმენები ბაკურიანში არიან შეკრებილები და წვრთნებს გადიან. გუნდი სრული შემდაგენლობითაა წარმოდგენილი. ისინი  კურორტზე კიდევ რამდენიმე დღის განმავლობაში დარჩებიან. მეორე შეკრება ჩემპიონატის წინა დღეს განხორციელდება, რომელიც თოთხმეტ დღეს გასტანს. ევროპის გუნდური ჩემპიონატი ნომებრის თვეში, ისლანდიაში  გაიმართება, მწვრთნელსა  და სპორტსმენებს იმედი აქვთ, რომ ტურნირში წარმატებას მიაღწევენ.

ფეხბურთის მწვრთნელობის  ლიცენზიის მოსაპოვებლად ახალციხეში სემინარი დაიწყო. სამცხე–ჯავახეთის მოქმედ და დამწყებ მწვრთნელებს თეორიული და პრაქტიკული მეცადინეობები 25 აგვისტომდე ჩაუტარდებათ. ტრენინგის დასრულების შემდეგ, სემინარის 25 მონაწილე მწვრთნელების პირველ საფეხურს –  ,,C“ კატეგორიას მიიღებს, რაც მათ საშუალებას მისცემს, რომ ბავშვთა გუნდებს უხელმძღვანელონ. ლიცენზიის მოპოვების სურვილი სამცხე–ჯავახეთიდან 25–მა .,.  გამოთქვა. მწვრთნელების ლიცენზირება უეფას ერთ–ერთი მოთხოვნაა.

ახალციხის სასპორტო სკოლაში უახლესი სისტემის სატრენაჟორო დარბაზი გაიხსნა, სადაც ივარჯიშებენ როგორც სპორტსმენები, ასევე ნებისმიერი მსურველები. სატრენაჟორო დარბაზი ახალციხის მერიისა და სამცხე-ჯავახეთის მთავარი სამმართველოს მხარდაჭერით მოეწყო.  „მიხარია, რომ ჩვენს ახალგაზრდებს შეეძლებათ აქ მოსვლა და ვარჯიში, რაც ხელს შეუწყობს ახალგაზრდების ჩართულობას ჯანსაღი ცხოვრების წესში“ – აცხადებს ქალაქის მერი გიორგი კოპაძე. სავარჯიშო დარბაზში 14 სახეობის პეტრიქსის ძვირადღირებული ტრენაჟორი დაიდგა.  ტრენაჟორების დარბაზის გახსნას ქალაქ ახალციხის მუნიციპალიტეტის მერიისა და სამცხე-ჯავახეთის სამხარეო მთავარი სამმართველოს თანამშრომლები დაესწრნენ. წყარო: https://www.facebook.com/694718250594972/photos/a.897829903617138.1073741867.694718250594972/897829980283797/?type=1&theater