ახალციხის რაიონული პროკურატურის ინიციატივით,  საჯარო სკოლის მოსწავლეებს შორის ახალციხის სპორტსკოლაში, მაგიდის ჩოგბურთის ჩემპიონატი გაიმართა.  

ქართველი მოჭადრაკეები ევროპის გუნდური ჩემპიონატისათვის ემზადებიან. დღეს მათ ბორჯომის  სასტუმრო „ბორჯომის ხეობაში“ წინამოსამზადებელი ღია ვარჯიში ჩაატარეს. ჩემპიონატი 7–დან 18–ი ნოემრის ჩათვლით პოლონეთის ქალაქ ვარშავაში გაიმართება, სადც მონაწილეობას ევროპის ქვეყნები მიიღებენ.

„ჯანსაღი ახალგაზრდები საქართველოში“–  ამ ლოზუნგით დღეს, ახალციხის ციხიდან საფარის მონასტრის ტერიტორიის მიმართულებით ველოტური მოეწყო. მას ორგანიზება ახალგაზრდულმა მოძრაობამ „დავითიანნმა“ გაუწია.  ველორბოლაში ოთხი უნივერსიტეტის ორმოცი სტუდენტი მონაწილეობდა. ველოტურის  მიზანი ახალგაზრდებში ჯანსაღი ცხოვრების წესის პოპულარიზაცია, სახვადასხვა სახის გამოცდილების გაზიარება, ახალგაზრდების ერთმანეთთან დაახლოება, მხარისა თუ რეგიონის  კულტურისა და ცხოვრების წეს– ჩვეულებების გაცნობაა.

დღეს სტუდენტებს შორის მინი ფეხბურთში ტურნირი მოეწყო.  შეხვედრა სამცხე–ჯავახეთის სახელმწიფო სასწავლო უნივერსიტეტის სტადიონზე გაიმართა. პირველობისათვის ერთმანეთს ისტორიკოსები და იურისტები დაუპირისპირდნენ. თამაში დაძაბულად წარიმართა, თუმცა გამარჯვება იურიდიული ფაკულტეტის წარმომადგენლებს ერგოთ.

ახალციხეში მძლეოსნობაში გარბენი მოეწყო. ქალაქის ხელოვნური ტბის მიმდებარე ტერიტორიაზე საქარელოს სხვადასხვა რეგიონის სპორტსმენები ერთმანეთს პირველობისათვის დაუპირისპირდნენ. მძლეოსნური გარბენი “ახალციხე 2013” საქართველოს მძლეოსნობის ფედერაციისა და ეროვნული ოლიმპიური კომიტეტის “თბილისი 2015″–ის ეგიდით მოეწყო. ახალციხეში მას ორგანიზება ადგილობრივმა მუნიციპალიტეტმა და სამცხე–ჯავახეთის ოლიმპიურმა ორგანიზაციამ გაუწიეს.

ახალციხის მუნიციპალიტეტს საქართველოს სპორტისა და ახალგაზრდობის საქმეთა სამინსიტროდან ესტუმრნენ.  ბავშვთა და ახალგაზრდობის განვითარების ფონდის დირექტორი ადგილობოვ სამოქალაქო სექტორის წარმომადგენლებსა და ახლგაზრდებს შეხვდა. ირაკლი ჟორჟოლიანმა  მონაწილეებს საგრანტო კონკურსებზე ინფორმაცია მიაწოდა და მათ პროექტში ჩართვისკენ მოუწოდა.

ეროვნული ოლიმპიური კომიტეტი ახალციხეში– დღეს მსოფლიოსა და ევროპის ჩემპიონები ადგლობრივ დამწყებ  სპორტსმენებს შეხვდნენ. მათ მოზარდებს საკუთარი გამოცდილება გააცნეს და ფიზიკური აქტივობების დადებით მხარეზე ისაუბრეს. შესხვედრა მიზნად ქართული სპორტის ხელშეწყობას, სწორი კვებისა და ჯანსაღის ცხოვრების წესის პოპულარიზაციას ისახავდა.

     18 ოქტომბერს ახალციხეს საქართველოს გამოჩენილი სპორტსმენები ესტუმრებიან. შეხვედრას ორგანიზებას სამგზის ოლიმპიური ჩემპიონი კახი კახიაშვილი და  ასევე სამგზის ოლიმპიური მედლის მფლობელი ნინო სალუქვაძე უწევენ. სამცხე–ჯავახეთის მძლეოსნობის ფედერაციის პრეზიდენტის ინფორმაციით, სპორტსმენები ახალციხელებს შეხვდებიან და მათ თავიანთ გამოცდილებასა და სამომავლო გეგმებს გააცნობენ, გარდა ამისა, ადგილობრივ ახალბედა კოლეგებს მითითებებს მისცემენ და წარმატების მოპოვების ხერხებს გააცნობენ. ზიგმუნდ ზილბერშტეინის განმარტებით, ოლიმპიური ჩემპიონების ვიზიტის მიზანს ჯანსაღი ცხოვრების წესის დამკვიდრება წარმოადგენს. შეხვედრა ახალციხის ადმინისტრაციული შენობის სააქტო დარბაზში 15:00 საათზე გაიმართება.

ფინალური შეხვედრა ქალთა ფრენბურთში. ახალციხის სპორტსკოლაში მუნიციპალიტეტის პირველობისათვის დღეს მორიგი მატჩი გაიმართა. სასწავლო დაწესებულებების გუნდები გამარჯვებისათვის იბრძოდნენ.

უნდა მიიღოს თუ არა საქართველომ სოჭის ოლიმპიადაში მონაწილეობა? -თემა, რომელიც ქვეყანაში  დღის  წესრიგში დგას. პოლიტიკოსთა ნაწილი თვლის, რომ საქართველომ ოლიმპიადას ბოიკოტი უნდა გამოუცხადოს, რადგან რუსეთმა შესაძლოა ის პოლიტიკური მიზნებისათვის გამოიყენოს.  რა დადებითი ან უარყოფითი შედეგები შეიძლება მოუტანოს მონაწილეობის მიღებამ ქვეყანას და  ვისი ინტერესები დაზარალდება  უარის თქმის შემთხვევაში  -რას ფიქრობენ  ამ საკითხთან დაკავშირებით ახალციხეში. პოლიტიკოსების, მოქალაქეებისა და სპორტსმენების მოსაზრებები ნახეთ ჩვენს სიუჟეტში.

მკლავჭიდში მსოფლიო  ჩემპიონი ადიგენის წარმომადგენელი  გახდა. 26 წლის რევაზ ლუტიძემ პოლონეთის ქალაქ გდანსკში გამართულ ჩემპიონატში მძიმე წონაში  ბელორუსელი მეტოქე, ალექსანდრ იანკოვსკი დაამარცხა და საქართველოს ზაურ ცხადაძისა  და ვახო ჯავახაძის შემდეგ, კიდევ ერთი ოქრო მოუტანა. ჩემპიონატში საპრიზო ადგილებისთვის 49 ქვეყნის 1000-ზე მეტი სპორტსმენი  იბრძოდა. რევაზ ლუტიძის თქმით, საკმაოდ ღირსეული მოწინააღმდეგეები დაამარცხა, რისთვისად დაახლოებით ხუთი  თვის განმავლობაში ემზადებოდა.

მკლავჭიდში მსოფლიო  ჩემპიონი 26 წლის რევაზ ლუტიძე გახდა. მან  პოლონეთის ქალაქ გდანსკში გამართულ ჩემპიონატში მძიმე წონაში ( +110) ბელორუსელი მეტოქე, ალექსანდრ იანკოვსკი დაამარცხა და საქართველოს ზაურ ცხადაძისა  და ვახო ჯავახაძის შემდეგ, კიდევ ერთი ოქრო მოუტანა. რევაზ ლუტიძე წარმოშობით სამცხე–ჯავახეთიდანაა, ის ადიგენის მუნიციპალიტეტის სოფელ ლელოვანში დაიბადა და გაიზარდა.  სპორტსმენი ამჟამად თბილისში ცხოვრობს.  ,,ეს ჩემთვის პირველი ოქროა, ძალიან ბედნიერი ვარ, ამჟამად ევროპის ჩემპიონატისთვის ვემზადები და ყველაფერს გავაკეთებ გამარჯვებისთვის”–განაცხადა ,,ექოსთან” სატელეფონო საუბარში რევაზ ლუტიძემ. ჩემპიონატში საპრიზო ადგილებისთვის 49 ქვეყნის 1000-ზე მეტი სპორტსმენი  იბრძოდა .

სამცხე–ჯავახეთის ფეხბურთის ფედერაცია მამუკა გვირჯიშვილის დასახმარებლად შეჯიბრს გამართავს. მასში მონაწილეობას ქალაქის სხვადასხვა დაწესებულებები მიიღებენ. 12 საფეხბურთო გუნდი ერთმანეთს 3 ოქტომბრიდან დაუპირისპირდება. ტურნირის განმავლობაში ისინი ფეხბურთის ფედერაციის საბანკო ანგარიშზე სასურველი რაოდენობის თანხას დაგარიცხავენ. ფინალურ თამაშზე კი გამარჯვებული გუნდი მამუკა გვირჯიშვილს შეგროვებულ თანხას პირადად გადასცემს.  სამცხე–ჯავახეთის ფეხუბურთის ფედერაციის პრეზიდენტის, გელა მაისურაძის თქმით, ტურნირის მეშვეობით  საქველმოქმედო საქმეში მათ საკუთარი წვლილის შეტანა სურთ. შეგახსენებთ, რომ მამუკა გვირჯიშვილის ჯანმრთელობის გადასარჩენად 70000 ლარია საჭირო. მის დასახმერებლად ახალციხეში რამდენიმე საქველმოქმედო აქცია უკვე გაიმართა.

საქართველოს ნაკრები მსოფლიო ჩემპინატისთვის ემზადება. ბერძნულ–რომაული და თავისუფალი სტილით მოჭიდავეებმა დასკვნითი შეხვედრები ბორჯომში გამართეს. გუნდის წევრების თქმით, ნაკრები ჩემპიონატისათვის სრულ მზადყოფნაშია.

სპორტისა და ახალგაზრდობის საქმეთა სამინისტროს „ბავშთა და ახალგაზრდობის განვითარების ფონდმა” 2013 წლის მესამე საგრანტო კონკურსის ფარგლებში რეგიონებში მცხოვრები ახალგაზრდებისთვის საგრანტო კონკურსი გამოაცხადა. რა სახის პროექტების წარდგენაა შესაძლებელი ფონდში  – ამასთან დაკავშირებით, დღეს ახალციხის ადმინისტრაციულ შენობაში შეხვედრა გაიმართა. „ბავშთა და ახალგაზრდობის განვითარების ფონდის” დირექტორის მოადგილემ ადგილობრივებს კონკურსის პირობები გააცნო.

რა მდგომარეობაშია სამცხე–ჯავახეთში საფეხბურთო მოედნები–ამ საკითხის შესასწავლად რეგიონს ფეხბურთის ფედერაციის წარმომადგენლები ესტუმრნენ. შვიდ კაციანმა ჯგუფმა ექვსივე  მუნიციპალიტეტში არსებული მოედნები, მისი პატამეტრები, გასახდელები და გულშემატკივრებისათვის განკუთვნილი ადგილები დაათვალიერეს.

სპორტისა და ახალგაზრდობის საქმეთა მინისტრის მოადგილე ახალციხეს ესტუმრა. თამაზ თევზაძემ რეგიონის ექვსი მუნისიპალიტეტის წარმომადგენლებს, სამინისტროს რეკომენდაციები წარუდგინა. მან ასევე სპორტის სფეროში, რეგიონის მასშტაბით არსებულ პრობლემებზეც ისაუბრა.

       დღეს ახალციხეს საქართველოს სპორტისა და ახლგაზრდობის საქმეთა მინისტრის მოადგილე ეწვევა. თამაზ თევზაძე შეხვედრას,  ადმინისტრაციული შენობის სხდომათა დარბაზში,  დღის 12 საათზე გამართავს. მინისტრის მოადგილე სამცხე–ჯავახეთის  ექვსივე მუნიციპალიტეტის წარმომადგენლებს შეხვდება და რეგიონში, სპორტული ცხოვრების განვითარებასა და სამომავლო პერსპექტივებზე ისაუბრებს. კიდევ რა საკითხებზე გაიმართება შეხვედრა, ამაზე უფრო ვრცლად ,,ექოს” დღის მთავარ საინფორმაციო გამოშვებაში, 21:30 საათზე გიამბობთ. 

ველორბოლა ახალციხეში.  ველომოყვარულებმა ორგანიზაცია  „რაიდერს დრიმის“ ინიციატივით გამართულ მარათონში  ჩერთვნენ და ქალაქის გარეუბნებში გასვლითი ტური მოაწყვეს.

ახალციხელი მძლეოსანი მარიამ მარტინენკო მნონაწილეობას ბავშვთა ოლიმპიურ თამაშებში მიიღებს. ახალგაზრდა სპორტსმენი ჰოლანდიაში ჩემპიონატზე გამგზავრებამდე ყოველდღიურად სრული დატვირთვით ვარჯიშობს.