კრივის ღია ჩემპიონატი სამცხე–ჯავახეთში. ახალციხეში, საბჭოთა კავშირის გმირის კარლო მებაღიშვილის სახელობის ტურნირი გაიმართა.  სადაც მონაწილეობა ქვეყნის მაშტაბით ცხრა ქალაქის წარმომადგენელმა  მიიღო.

ახალციხელი კარატისტები მსოფილო ჩემპიონატში მონაწილეობისთვის ემზადებიან, რომელიც სტამბულში 2 აპრილს გაიმართება . ახალგაზრდები თავდაუზოგავად ვარჯიშობენ და ჩემპიონატზე დიდ იმედებს ამყარებენ. ისინი ფიქრობენ, რომ სტამბულიდან საპრიზო ადგილებით დაბრუნდებიან. მსოფლიო ჩემპიონატზე ის ახალგაზრდები იასპარეზებენ, რომელიც ნაკრებში ირიცხებიან. შიტორიო კარატე დოს სპორტსმენებს სტამბულში გასამგზავრებლად გარკვეული თანხები ესჭიროებათ. გუნდის მწვრთნელი მამუკა ზუმბაძე დახმარებას ადგილობრივი მუნიციპალიტეტს სთხოვს. ჩემპიონატში მონაწილეობას სამცხე–ჯავახეთის გარდა საქართველოს სხვა რეგიონებიც მიიღებენ.

ბაკურიანში ლადოს თასი გათამაშდა. 100–მდე მონაწილემ საკუთარი შესაძლებლობები გიგანტურ სლალომში გამოსცადა. ტურნირში ერთმანეთს ბაკურიანის სპორტსკოლის აღსაზღდელები დაუპირისპირდნენ. ჩემპიონატი, დაახლოებით სამი საათის განმავლობაში გრძელდებოდა. გამარჯვებულები საუკეთესო დროის მაჩვენებლით სხვადასხვა ასაკობრივ კატეგორიაში გამოვლინდნენ. ორი გამარჯვებული გოგონებიდან და ასევე ორი პირველადგილოსანი ვაჟებიდან სიგელებთან ერთად, 555 ლარიანი ვაუჩერით დაჯილდოვდნენ. ვაჟებმა მიიღეს ლადოს გარდამავალი თასიც. ტურნირი სპორტისა და ახალგაზრდობის საქმეთა სამინისტროს ორგანიზებით გაიმართა. მას ტრადიციული სახე აქვს და ბაკურიანში ტრაგიკულად დაღუპული მოთხილამურეს ლადო ბოლქვაძის ხსოვნას ეძღვნება. „ლადოს თასი“ წელს მეხუთედ გათამაშდა.

ახალციხის მუნიციპალიტეტის გამგეობამ საერთაშორისო ტუნირებზე მოპოვებული წარმატებისთვის ახალციხელი სპორტსმენები დააჯილდოვა. გამგეობის პირველი პირის ინიციატივით, თითოეულ მათგანს პირად ანგარიშზე ადგილობრივი ბიუჯეტიდან 1000 – 1000 ლარი ჩაერიცხათ.

ბრძოლა ახალციხის მუნიციპალიტეტისათვის პირველობისთვის კალათბურთის ტურნირში დასრულდა. ფინალურ შეხვედრაში ერთმანეთს ქალაქის გუნდი „ელიტა“ და ახალცხის უნივერსიტეტის გუნდი დაუპირისპირდნენ. ჩემპიონატი ადილობრივი ხელისუფლების ეგიდით გაიმართა. ტურნირში, რომელიც ათი დღის განმავლობაში გრძელდებოდა, მუნიციპალიტეტის პირველობისთვის 12 გუნდი იბრძოდა.

ახალციხის მუნიციპალიტეტის გამგეობის ეგიდით საჯარო სამსახურებს, უბნებსა და სხვადასხვა დაწესებულებებს შორის კალათბურთში ტურნირი დაიწყო. დღეს, პირველი საჯარო სკოლის დარბაზმა ოთხ მატჩს უმასპინძლა. ჩემპიონატში მონაწილეობას სულ 12 გუნდი იღებს, ისინი ერთმანეთს წრიული სისტემით ხვდებიან. მუნიციპალიტეტის პირველობისთვის ბრძოლა 28 თებერვალს დასრულდება. გამარჯვებული გუნდი ადგილობრივი ხელისუფლების მიერ დაწესებული პრიზებით დაჯილდოვდება.

თბილისში გამრთულ ზამთრის ეროვნულ ჩემპიონატზე ახალციხელმა სპორტსმენებმა გუნდური პირველი ადგილი მოიპოვეს. ჩემპიონატში მონაწილეობა  ათმა  ამძლეოსანმა მიიღო. სხვადასხვა დისტანციაში მათ 7 ოქროს, ოთხი  ვერცხლის და ექვსი ბრინჯაოს მედალი მოიპოვეს.  ვაჟებთან ერთად მშობლიური ქალაქი ასახელეს გოგონებმაც. ჩემპიონატზე გუნდურად მეორე ადგილი თბილისმა აიღო, ხოლო მესამეს – ქუთაისი დაჯერდა. ახალციხელმა მძლეოსნებმა არსებობის პერიოდში ეროვნულ ტურნირში გუნდური გამარჯვება უკვე მეორედ მოიპოვეს. პირველად ქვეყნის ჩემპიონები ისინი ორი წლის წინ გახდნენ. მძლეოსნობის ფედერაციის პრეზიდენტი ამბობს,  რომ აღნიშნული გამარჯვება  მათთვის მნიშვნელოვანია.  ზიგმუნდ ზილბერშტეინის თქმით, ეს ფაქტი სპორტსმენებს სტიმულს აძლევს, რომ 2015 წლის ევროპის ოლიმპიურ  ფესტივალზე, რომელიც თბილისში ჩატარდება, წარმატებით გამოვიდნენ.