სამცხე-ჯავახეთში ფეხბურთის ფედერაციის პრეზიდენტის არჩევნები გაიმართა. აღნიშნული თანამდებობა კვლავ გელა მაისურაძემ დაიკავა. როგორც იგი ტელეკომპანია ,,მე-9 არხთან” აცხადებს, საარჩევნო პროცესში სხვა კანდიდატები არ მონაწილეობდნენ. ,,როცა კანდიდატთა რეგისტრაცია გამოცხადდა, არჩევნებში მოანწილეობისათვის სურვილი ჩემს გარდა, კიდევ ერთმა პიროვნებამ გამოთქვა, თუმცა მისი დარეგისტრირება ვერ მოხერხდა, რადგან აუცილებელი დოკუმენტაცია არასრულყოფილი იყო”– განმარტავს გელა მაისურაძე. სამცხე-ჯავახეთის ფეხბურთის ფედერაციის პრეზიდენტი ხმის უფლების მქონე 5-მა დელეგატმა აირჩია. პროცესს თვალს დედაქალაქიდან ჩამოსული საქართველოს ფეხბურთის ფედერაციის წარმოამდგენლები ადევნებდნენ. აღნიშნულ თანამდებობაზე გელა მაისურაძე პირველად 2011 წელს დაინიშნა. ახალი არჩევნების შედეგად კი იგი რეგიონულ ფედერაციას მომდევნო 4 წლის განავლობაში უხელმძღვანელებს.

მსოფლიო ველომოგზაურის – ჯუმბერ ლეჟავას სახელობის ველოტურის “საქართველო მშვიდობისათვის” მე-3 ეტაპი დაიწყო, რომელმაც სტარტი დღეს  თბილისში აიღო. ველოტური საქართველოს 50-ზე მეტ ქალაქსა და მუნიციპალიტეტს, ჯამში 2200 კილომეტრს მოიცავს და იგი  25 მარტის ისევ თბილისში დასრულდება. ველოტურის ორგანიზატორი საერთაშორისო საზოგადოებრივი ორგანიზაცია “ყველა ერთისათვის” თავმჯდომარე ნოდარ ბერიძეა. სამცხე-ჯავახეთში ველოტურის ფარგლებში ნოდარ ბერიძე 6, 7 და 8 მარტს გაივლის. იგი რეგიონში წალკიდან შემოვა,  ექვსივე მუნიციპალიტეტს მოივლის და  შემდგომ მარშრუტს ხულოს მიმართულებით გააგრძელებს. მასშტაბური ველომართონები 2014 წლიდან დაიგეგმა და პირველი ველოტური “ყველა მშვიდობისათვის” 24 აგვისტოდან 10 ნოემბერის ჩათვლით უკრაიანში განხორციელდა, რომელმაც   22 საოლქო  ქალაქი 5 000  კმ-ზე მეტი მოიცვა. ჯუმბერ ლეჟავას გარდაცვალების გამო, ღონისძიებაში მონაწილეობა მხოლოდ ნოდარ ბერიძემ მიიღო. მომავალი ტურების ორგანიზება კი სწორედ ლეგენდარული ქართველი სპორტსმენისა და ველომოგზაურის ხსოვნის საპატივცემულოდ გადაწყდა. ჯუმბერ ლეჟავას  სახელობის  მე-2 ველოტური  „საქართველო  მშვიდობისათვის”, ასევე, განახორციელდა 2014 წლის 20-25 დეკემბერს, რომელმაც თბილისი – სამაჩაბლოს და აფხაზეთის საზღვრები მოიცვა №3 ტურის დასრულებისას დაანონსდება შემდგომი ველოტური №4 „კავკასია მშვიდობისათვის”, რომელიც  თბილისი-ბაქო-ერევანი-თბილისს მოიცავს. ველოტურის ორგანიზატორებს ყველაზე მთავარ სპორტულ ღონისძიებად ველოტური №5 „საქართველო მშვიდობისათვის” მიაჩნია,  რომელიც 1-5 მაისს მოეწყობა და  თბილისი-სამაჩაბლოსა და აფხაზეთის საზღვრებს მოიცავს. მასში მონაწილეობას ქართველი,  ოსი,  აფხაზი,  რუსი,  უკრაინელი,  სომეხი,  აზერბაიჯანელი  და  სხვა  ეროვნების  ველომრბოლელები მიიღებენ.

სამოქალაქო კლუბის წევრები 2014 წლის “იმედის გმირს” მინდია შაინიძეს შეხვდნენ.  ახალგაზრდებმა სპორტსმენის შესახებ მომზადებული დოკუმენტური ფილმი და სიუჟეტი ნახეს. ასევე, ისაუბრეს ჯანსაღი ცხოვრების წესზე. გარდა ამისა, სპორტსმენმა შეხვედრის მონაწილეებს საკუთარი მიღწევებიც გააცნო. შეხვედრა სამოქალაქო განათლების პროგრამის „მომავლის თაობა“–ს ფარგლებში გაიმართა, რომელიც USAID-ისა და PH internacional-ის ფინანსური მხარდაჭერით ხორციელდება.

28 თებერვალს ახალციხეში სამცხე–ჯავახეთის ფეხბურთის ფედერაციის საპრეზიდენტო არჩევნები გაიმართება.  მასში მონაწილეობას ფედერაციის შემადგენლობაში შემავალი 8 იურიდიული სუბიექტი მიიღებს. კანდიდატთა რეგისტრაცია  რეგიონის ფეხბურთის ფედერაციამ 21 იანვარს გამოაცხადა. მსურველებს შესაბამისი დოკუმენტების წარდგენა 19 თებერვლამდე შეეძლოთ.

ახალციხის მუნიციპალიტეტის გამგეობის ორგანიზებით, შაშში  ტურნირი მოეწყო. სპორტულ ღონისძიებაში მონაწილეობა, მსურველებმა მუნიციპალიტეტის სოფლებიდან  მიიღეს.  მასში სხვადსხვა ასაკობრივი კატეგორიის 30–მდე მონაწილე ჩაერთო. ახალციხის მუნიციპალიტეტის გამგეობის კულტურის სამსახურის უფროსის განმარტებით, ტურნირი ოლიმპიური სისტემით გაიმართა. შესაბამისად,  გამოვლინდა სამი გამარჯვებული. პირველ, მეორე და მესამე ადგილზე გასულ მონაწილეებს სიგელები, მედლები და ფასიანი საჩუქრები გადაეცათ. სპორტული ღონისძიებისთვის ადგილობრივი ბიუჯეტიდან 200 ლარი დაიხარჯა.

ახალციხის მუნიციპალიტეტის ახალგაზრდებს შორის მაგიდის ჩოგბურთში ტურნირი გაიმართა. შეჯიბრში მონაწილეობა 10-მა ახალგაზრდამ მიიღო.  დაძაბული თამაშის შემდეგ 3 გამარჯვებული გამოვლინდა. პირველი ადგილი სოფელ მუსხის მკვიდრმა ზურაბ ოქრომელიძემ, მეორე- ქალაქ ვალის მაცხოვრებელმა ვიქტორ მანველიშვილმა, მესამე ადგილი კი სოფელ წყორის წარმომადგენელმა, ბადრი ასპანიძემ მოიპოვა. ტურნირი ახალციხის მუნიციპალიტეტის გამგეობის ინიციატივით გაიმართა.  გამარჯვებულებს  ორგანიზატორებისაგან მედლები, საჩუქრები და სამახსოვრო სიგელები გადაეცათ.

დაბა ასპინძაში რაგბის ბუნებრივსაფარიანი სავარჯიშო მოედანი აშენდება. მთავრობის გადაწყვეტილებით, 17 460 კვადრატული მიწის ფართობი რაგბის მხარდამჭერთა ლიგას შეღავათიან ფასად გადაეცა. მოედნის მშენებლობისთვის 50 000 ლარზე მეტი ოდენობის ინვესტიცია ჩაიდება. ასევე, გამწვანდება მიმდებარე ტერიტორიაც. რაგბის სავარჯიშო მოედნის მშენებლობას ცენტრალური ხელისუფლება სამი წლის ვადაში გეგავს.

სოფლებს შორის პირველობა ფრენბურთში დასრულდა. ახალციხის მუნიციპალიტეტის სოფლებს შორის ფინალური შეხვედრა დღეს ახალციხის სასპორტო სკოლაში გაიმართა, სადაც ერთმანეთს მუსხისა და ვალის გუნდები დაუპირისპირდნენ.

ახალციხეში, მინი ფეხბურთში უბნებს შორის ტურნირი დასრულდა. ფინალურ შეხვედრაზე ერთმანეთს საფეხბურთო აკადემიისა და ეგრეთ წოდებული „ვერიპლანის“ დასახლების  გუნდები შეხვდნენ.  შეხვედრა ანგარიშით 4–2 დასრულდა.  უბნებს შორის პირველობა საფეხბურთო აკადემიის გუნდმა მოიპოვა.  გამარჯვებულებს  მედლები, თასები, და სიმბოლური საჩუქრები გადაეცათ. ჩემპიონატი 8 დეკემბერს დაიწყო. მას  ორგანიზება სამცხე–ჯავახეთის ფეხბურთის ფედერაციამ გაუწია.

ქალაქ ახალციხის მერიის კულტურის  სამსახურის ინიციატივით ჭადრაკში ტურნირი გაიმართა, რომელშიც მონაწილეობა  ორგანიზაცია–დაწესებულებების წარმომადგენლებმა ინდივიდუალურად მიიღეს, ხოლო  ახალციხის საჯარო და კერძო სკოლები გუნდურად ჩაერთვნენ. http://youtu.be/WFwWLDTDoF0 ტურნირი წრიული სისტემით ორი დღის განმავლობაში მიმდინარეობდა.

ახალციხის საჯარო სკოლებს შორის ტურნირი მინიფეხბურთში დასრულდა. ფინალში ერთმანეთს მეორე და მესამე საჯარო სკოლების გუნდები დაუპირისპირდნენ. ფინალურ მატჩში გამარჯვება მეორე სკოლის მიერ წარმოდგენილმა გუნდმა მოიპოვა. ანგარიში მათ სასარგებლოდ 5:4 დასრულდა. ფინალისტები მერიის წარმომადგენლებმა მედლებით თასებით, სიგელებითა და სიმბოლური საჩუქრებით დააჯილდოვეს. ტურნირი ახალციხის მერიიის ორგანიზებით 4 დეკემბერს დაიწყო, მასში მონაწილეობა 7–მა გუნდმა მიიღო.

ახალციხეში, მინი ფეხბურთში უბნებს შორის ტურნირი დაიწყო. ჩემპიონატი, ცხრა აპრილის და საფეხბურთო აკადემიის გუნდებს შორის მატჩით გაიხსნა. შეხვედრა დაძაბულად წარიმართა, თუმცა, გამარჯვება აკადემიის მოთამაშეებმა მოიპოვეს. პირველი თამაში ანგარიშით 4–2 დასრულდა. ტურნირში მონაწილეობას, მხოლოდ, 1999 წლამდე დაბადებული ახალგაზრდებით დაკომპლექტებული 8 გუნდი იღებს.

ახალციხის მუნიციპალიტეტის გამგეობის კულტურის სამსახურმა ჭადრაკში ტურნირი გამართა. მასში მონაწილეობა თემის საჯარო სკოლის მოსწავლეებმა მიღეს. 19 მონაწილე ერთმანეთს, საუკეთესო შედეგის ასაღებად დაუპირისპირდა. შეჯიბრი ოლიმპიური სისტემით წარიმართა. გამარჯვებულები ინდივიდუალურად გამოვლინდნენ. პირველ, მეორე და მესამე ადგილზე გასული მოჭადრაკეები გამგეობისგან ფასიანი საჩუქრებით დაჯილდოვდნენ. მათ ასევე გადაეცათ მედლები და თასები.

შოტოკან კარატე დოს ახალციხელი სპორტსმენების მორიგი წარმატება რესპუბლიკურ ჩემპიონატზე.  დედაქალაქში ისრაელისა და საქართველოს დამეგობრების 26 წლისთავთან დაკავშირებით, ტურნირი გაიმართა.  ახალციხელმა სპორტსმენებმა საპრიზო ადგილები აიღეს და თასებით, მედლებითა და სიგელებით დაჯილდოვდნენ. შოტოკან კარატე დოს ინსტრუქტორი ამბობს, რომ ნოემბრის თვეში ახალგაზრდები შიდა ქართლში გამართულ  შეჯიბრებებშიც მონაწილეობდნენ, სადაც ასევე, წარმატებით იასპარეზეს.

ახალციხეში, ორგანიზაცია–დაწესებულებებს შორის კალათბურთის ტურნირი დასრულდა. ფინალური შეხვედრა შემოსავლების სამსახურისა და ახალციხის მერიის გუნდებს შორის შედგა. თამაში დაძაბულად წარიმართა, თუმცა გამარჯვება შემოსავლების სამსახურის გუნდმა, ორი ქულის სხვაობით მოიპოვა. ორგანიზაცია–დაწესებულებებს შორის კალათბურთის ტურნირს ორგანიზება ახალხციხის მერიამ გაუწია. მასში მონაწილეობა შვიდმა გუნდმა მიიღო. გამარჯვებულებს თასები, მედლები, სიგელები და სიმბოლური საჩუქრები გადაეცათ. ახალციხის მერიის კულტურის სამსახურის სპორტის განყოფილების უფროსის თქმით, მსგავსი სახის აქტივობები ახალციხეში მომავალშიც გაიმართება.

მწვრთნელებისთვის კვალიფიკაციის ამაღლების მიზნით, ბორჯომში ტრენინგ–სემინატი ტრადება. საქართველოს მასშტაბით, თავისუფალი სტილის მოჭიდავეთა  22  ინსტრუქტორს ერთკვირიან სემინარს საფრანგეთიდან და პორტუგალიიდან მოწვეული ტრენერები უტარებენ. მწვრთნელებს ისინი ჭიდაობის ახალ სისტემას შეასწავლიან.

ახალციხელი შიტოკაი კარატე დოს სპორტსმენები საერთაშორისო ფესტივალიდან წარმატებით დაბრუნდნენ. ჩემპიონატი ,,open georgia” თბილისში სპორტის სასახლეში გაიმართა, სადაც ახალციხელი კარატისტები მესამე ადგილის მფლობელები გახდნენ. ფესტივალის შემდეგ მათი შესაძლებლობები ადგილზე საქართველოს კარატე დო შიტოკაის ასოციაციის პრეზიდენტმა შეამოწმა.

25 წლის ახალციხელი გიგლა ზილბერშტეინი საქართველოს და საერთაშორისო ტურნირების მრავალგზის ჩემპიონია. 15 წლის მძლეოსნური გამოცდილების მქონე სპორტსმენმა ამ ხნის განმავლობაში არაერთი საპრიზო ადგილი, მედალი თუ თასი მოიპოვა. ამბობს, რომ მძლეოსნობა მისთვის მთელი ცხოვრებაა და მის გარეშე არსებობა ვერ წარმოუდგენია.

ახალციხემ საქართველოს ეროვნული ოლიმპიური კომიტეტის 25 წლისთავისადმი მიძღვნილ მძლეოსნურ გარბენს უმასპინძლა. სპორტული ღონისძიება 18 ოქტომბერს 13:00 საათზე მიხეილ იაძის სახელობის ცენტრალურ სტადიონზე საქართველოს ჰიმნით გაიხსნა.

ახალციხე საქართველოს ეროვნული ოლიმპიური კომიტეტის 25 წლისთავისადმი მიძღვნილ მძლეოსნურ  გარბენისთვის ემზადება. სპორტული ღონისძიება 18 ოქტომბერს 13:00 საათზე მიხეილ  იაძის სახელობის ცენრტალურ სტადიონზე გაიმართება.  მასში  მონაწილეობას საქართველოს მაშტაბით მოქმედი თუ მოყვარული ათლეტები, ვეტერანები და  სკოლის მოსწავლეები  მიიღებენ.