ახალქალაქის ღია ტურნირიდან ახალციხელი კატარისტები წარმატებით დაბრუნდნენ. შოტოკან კარატე დოს ახალციხის გუნდის ათი მონაწილედან ათივე მათგანმა მედლები და საპრიზო ადგილები მოიპოვა. ოთხმა სპორტსმენმა პირველი ადგილი დაიკავა, სამმა მათგანმა – მეორე და ასევე, სამმა კარატისტმა – მესამე ადგილი. ჩემპიონატში მონაწილეობა 400–მდე სპორტსმენმა საქართველოს სხვადასხვა რეგიონიდან მიიღო. გამარჯვებულები რვა ასაკობრივ კატეგორიაში გამოვლინდნენ.

საქართველოს შიტორიუ შიტოკაის სამცხე–ჯავახეთის  კლუბ „საფარის“ პრეზიდენტი და სპორტსმენები ახალციხის  მერს შეხვდნენ. მამუკა ზუმბაძე გიორგი კოპაძეს, დეკემბრის დასაწყისში,  ჩეხეთის ევროპის ჩემპიონატზე მიღწეული წარმატებისა და სამომავლო გეგმების  შესახებ ესაუბრა. შეხვედრაზე კარატისტებმა არსებულ პრობლემებზეც იმსჯელეს. მამუკა ზუმბაძის თქმით, სპორტსმენებს ტატამი არ აქვთ და ვარჯიში იატაკზე უწევთ. ქალაქის მერი მათ დახმარებას დაპირდა.

ახალციხიდან ოთხი კარატისტი ჩეხეთში, ევროპის ჩემპიონობისათვის იბრძოლებს. ტურნირისთვის  სპორტსმენები საქართველოს  შიტოკაი კარატე დოს  ფედერაციის წარმომადგენლებმა შეარჩიეს. ჩემპიონატში საქართველოდან მონაწილეობას სულ 13 სპორტსმენი მიიღებს.

ქვეყნის მასშტაბით მესამე ადგილი– ასეთი შედეგით დაასრულმა ,,მხიარულ სტარტებში“ ასპარეზობა ახალციხის მე–5 საჯარო სკოლამ. 12 მოსწავლისგან დაკომპლექტებული გუნდი, დაძაბული თამაშის შემდეგ, ფინალში ზუგდიდისა და თბილისის გუნდებთან ერთად აღმოჩნდა. მოზარდები ამბობენ, რომ გამარჯვებისათვის ბევრი იბრძოლეს, თუმცა 800 სკოლას შორის მესამე ადგილის მოპოვება ცუდი შედეგი არ არის. აღნიშნულ შეჯიბრში მოანწილეობის მისაღებად, ბავშვებისა და მათი გულშემატკივრების დედაქალაქში ტრანსპორტირება ახალციხის მერიამ უზრუნველყო.

მხიარულ სტარტებში , საქართველოს მასშტაბით, ახალციხის  მეხუთე სკოლის გუნდი ფინალში  გავიდა. 400–მდე  სკოლას შორის ახალციხელმა მოსწავლეებმა კონკურენტების დამარცხება შეძლეს. ისინი   5 დეკემბერს დედაქალაქში  უკვე პირველობისათვის იბრძოლებენ.  საპრიზო ადგილზე გასულებს კი ორგანიზატორებისაგან სიმბოლური საჩუქრები, თასები, მედლები  და სიგელები გადაეცემათ. სასკოლო სპორტული ოლიმპიადა,  საქართველოს სპორტისა და განათლების სამინისტროებისა და მოსწავლე ახალგაზრდობის  სპორტის  ეროვნული ფედერაციის ხელშეწყობით  მოეწყო. რეგიონებში ღონისძიებას ორგანიზება ადგილობრივმა ხელისუფლებამ გაუწია.

მესხი  კარატისტები ჩეხეთში, ღია ჩემპიონატზე ასპარეზობისთვის ემზადებიან. ტურნირისთვის  სპორტსმენები საქართველოს  შიტოკაი კარატე დოს  ფედერაციის წარმომადგენლებმა შეარჩიეს. სემინარის შემდეგ  გადაწყდა, რომ ჩეხეთში, ღია ჩემპიონატზე, რეგიონიდან  4 კარატისტი გაემგზავრება. გარდა ამისა, ახალციხისა და ადიგენის გუნდებისთვის  გამოცდა ჩატარდა, სადაც სპორტსმენებს კვალიფიკაცია აუმაღლდათ და მწვანე, ყავისფერი და შავი ქამრების მფლობელები გახდნენ.

ახალციხემ მძლეოსნობის  საერთაშორისო შეჯიბრს უმასპინძლა. ტურნირში მონაწილეობა   საქართველოს, აზერბაიჯანისა და სომხეთის  გუნდებმა მიიღეს. ახალციხის ცენტრალურ სტადიანზე ახალგაზრდებმა მძლეოსნობის  სხვადსხვა  სახეობაში იასპარეზეს. მეზობელი ქვეყნების სპორტსმენებთან ერთად, საპრიზო ადგილები დაიკავეს ახალციხელმაც. რომელთაც მერიისაგან ფასიანი საჩუქრები, სიგელები და მედლები გადეცათ. როგორც ღონიძიების ორგანიზატორები ამბობენ, ტურნირის მიზანს ახალგაზრდებში ჯანსაღი ცხოვრების  წესის დამკვიდრება და მეზობელ ქვეყნებს შორის ურთიერთობების გაღრმავება  წარმოადგენს.

ახალციხე მძლეოსნობის  საერთაშორისო შეჯიბრს უმასპინძლებს. ტურნირში მონაწილეობას  საქართველოს, აზერბაიჯანისა და სომხეთის  გუნდები მიიღებენ. გამოვლინდებიან საპრიზო ადგილებზე გასული მონაწილეები, რომლებსაც სიმბოლური საჩუქრები გადაეცემათ.

ახალციხეში  მინი–ფეხბურთში ტურნირი დასრულდა. ფინალში გასული გუნდებიდან მუნიციპალიტეტის პირველობა სვირის გუნდმა მოიპოვა. მეორე ადგილს აწყურის გუნდი დასჯერდა, ხოლო მესამე ადგილი ვალის გუნდმა დაიკავა. ტურნირი მინიფეხბურთში 28 სექტემბერს დაიწყო. მუნიციპალიტეტის პირველობისათვის ტერიტორიულ ერთეულებში შექმნილი რვა გუნდი იბრძოდა.

საქართველოს ქალ მოჭადრაკეთა ნაკრები, ევროპის გუნდური ჩემპიონატისთვის ემზადება. სპორტსმენები ბაკურიანში არიან შეკრებილები და წვრთნებს გადიან. გუნდი სრული შემდაგენლობითაა წარმოდგენილი. ისინი  კურორტზე კიდევ რამდენიმე დღის განმავლობაში დარჩებიან. მეორე შეკრება ჩემპიონატის წინა დღეს განხორციელდება, რომელიც თოთხმეტ დღეს გასტანს. ევროპის გუნდური ჩემპიონატი ნომებრის თვეში, ისლანდიაში  გაიმართება, მწვრთნელსა  და სპორტსმენებს იმედი აქვთ, რომ ტურნირში წარმატებას მიაღწევენ.

ფეხბურთის მწვრთნელობის  ლიცენზიის მოსაპოვებლად ახალციხეში სემინარი დაიწყო. სამცხე–ჯავახეთის მოქმედ და დამწყებ მწვრთნელებს თეორიული და პრაქტიკული მეცადინეობები 25 აგვისტომდე ჩაუტარდებათ. ტრენინგის დასრულების შემდეგ, სემინარის 25 მონაწილე მწვრთნელების პირველ საფეხურს –  ,,C“ კატეგორიას მიიღებს, რაც მათ საშუალებას მისცემს, რომ ბავშვთა გუნდებს უხელმძღვანელონ. ლიცენზიის მოპოვების სურვილი სამცხე–ჯავახეთიდან 25–მა .,.  გამოთქვა. მწვრთნელების ლიცენზირება უეფას ერთ–ერთი მოთხოვნაა.

ახალციხის სასპორტო სკოლაში უახლესი სისტემის სატრენაჟორო დარბაზი გაიხსნა, სადაც ივარჯიშებენ როგორც სპორტსმენები, ასევე ნებისმიერი მსურველები. სატრენაჟორო დარბაზი ახალციხის მერიისა და სამცხე-ჯავახეთის მთავარი სამმართველოს მხარდაჭერით მოეწყო.  „მიხარია, რომ ჩვენს ახალგაზრდებს შეეძლებათ აქ მოსვლა და ვარჯიში, რაც ხელს შეუწყობს ახალგაზრდების ჩართულობას ჯანსაღი ცხოვრების წესში“ – აცხადებს ქალაქის მერი გიორგი კოპაძე. სავარჯიშო დარბაზში 14 სახეობის პეტრიქსის ძვირადღირებული ტრენაჟორი დაიდგა.  ტრენაჟორების დარბაზის გახსნას ქალაქ ახალციხის მუნიციპალიტეტის მერიისა და სამცხე-ჯავახეთის სამხარეო მთავარი სამმართველოს თანამშრომლები დაესწრნენ. წყარო: https://www.facebook.com/694718250594972/photos/a.897829903617138.1073741867.694718250594972/897829980283797/?type=1&theater

ახალციხელი სპორტსმენების მონაწილეობა მეექვსე სომხურ ოლიმპიადაზე წარმატებით დასრულდა. ოლიმპიურ ჩემპიონატში მონაწილეობა 112–მა ქვეყანამ მიიღო. ახალციხელმა სპორტსმენებმა მძლეოსნობის სხვადასხვა კატეგორიაში 12 მედალი მოიპოვეს. აქედან 5 ოქრო, 3 ვერცხლი და 5 ბრინჯაო. “მეტად მნიშვნელოვანი იყო ჩვენი მონაწილეობა ამ ოლიმპიადაში, ვასახელეთ ჩვენი ქვეყანა და ჩვენი შესაძლებლობების მაქსიმუმი გამოვავლინეთ. მადლობა მინდა გადავუხადო ყველა ჩვენს სპონსორს, ასევე ქალაქის მერს გაწეული მხარდაჭერისათვის“ – აცხადებს ენდრიკ ზილბერშტეინი. ახალციხის მერიამ გამარჯვებულ ახალგაზრდებს საზეიმო დახვედრა მოუწყო . მძლეოსნების ტრანსპორტირების ხარჯები ქალაქ ახალციხის მუნიციპალიტეტის მერიამ უზრუნველყო. წყარო: https://www.facebook.com/694718250594972/photos/ms.c.eJw1yskNACAMA8GOkLFz9t8YEYLnaLc6Je5OADSuuqYUEQ1~;NkKSu54d1~;b7lPkrdQCCKhAT.bps.a.897332170333578.1073741865.694718250594972/897332197000242/?type=1&theater

საჯარო სამსახურებს შორის მინი–ფეხბურთში ტურნირი დასრულდა. დაძაბული ფინალის შემდეგ, ანგარიშით 6:3 გამარჯვება ასპინძის განსაკუთრებულ დავალებათა სამმართველოს,  გუნდმა მოიპოვა. რეგიონის პირველობაში გამართულ ტურნირში მეორე ადგილი ,,უნიმედი სამცხეს“ გუნდს ერგო. აღნიშული ჩემპიონატი სამცხე–ჯავახეთის ფეხბურთის ფედერაციიის ორგანიზებით გაიმართა. მასში მონაწილეობა რეგიონის 8 გუნდმა მიიღო. ტურნირი დაახლოებით 10 დღის განმავლობაში მიდმინარეობდა, პირველ, მეორე და მესამე ადგილზე გასულ გუნდებს სიგელები და ფასიანი საჩუქრები გადაეცათ.

„ სუპერთასი 2015-ის“ სიმბოლოები  ახალციხეში  ჩამოვიდა. ჩემპიონთა ლიგის, სუპერ და ევროპის ლიგის  თასები საქართველოს ფეხბურთის ფედერაციის წარმომადგენლებმა ჩამოიტანეს. დღის პირველ  ნახევარში ისინი ახალციხის ცენტრალურ პარკში, სპეციალურად დამონტაჟებულ სცენაზე განთავსდა. მათი მონახულება და ფოტოს გადაღება ნებისმიერ ახალციხელს შეეძლო.

      სუპერთასი 2015-ს სიმბოლოები უკვე ახალციხეშია. ჩემპიონთა ლიგის, სუპერ და ევროპის ლიგის  თასები საქართველოს ფეხბურთის ფედერაციის წარმომადგენლებმა ჩამოიტანეს. მათი მონახულება და ფოტოს გადაღება ახალციხეში, ცენტრალური პარკის ტერიტორიაზეა შესაძლებელი. ევროპის საკლუბო ტურნირების საპატიო თასები მესხეთში  ერთი დღის განმავლობაში დარჩება, სიმბოლოები, რომლებიც 11 აგვისტოს  უეფას „სუპერთასი 2015“–ის მატჩზე გათამაშდება, თერთმეტივე თვითმმართველ ქალაქს მოივლის.

24 ივლისს, ახალციხეში უეფას სიმბოლოებს ელოდებიან. ჩემპიონთა ლიგის, სუპერ და ევროპის ლიგის  თასებს საქართველოს ფეხბურთის ფედერაციის პრეზიდენტი  ჩამოიტანს. ახალციხეში თასები ცენტრალური პარკის ტერიტორიაზე განთავსდება. უეფას სიმბოლოების მონახულება და მასთან სამახსოვრო ფოტოების გადაღება მსურველებს 12:00 საათიდან  შეეძლებათ. თასების ჩამოტანის პარალელურად  გაიმართება  საფეხბურთო მატჩები. ახალციხის ფეხბურთის ფედერაციის პრეზიდენტის გელა მაისურაძის თქმით, ხვალინდელი დღე ისტორიული, უპრეცენდენტო  მოვლენაა, რომელსაც  ფეხბურთის ყველა მოყვარული  უნდა დაესწროს. ჩემპიონთა ლიგის, სუპერ და ევროპის ლიგის  თასები ახალციხეში ერთი დღის განმავლობაში დარჩება, შემდეგ კი საქართველოს თერთმეტივე თვითმმართველ ქალაქს მოივლის.  საბოლოოდ კი თბილისში 11 აგვისტოს უეფას „სუპერთასი 2015“–ის მატჩზე გათამაშდება.

დღეს, 21 ივლისს სტარტი აიღო ტურნირმა მინი ფეხბურთში. რეგიონის პირველობაში ერთმანეთს რვა სხვადასხვა საჯარო სამსახურის გუნდები ეჯიბრებიან. ტურნირის მიზანს ჯანსაღი ცხოვრების წესის პროპაგანდა და სამსახურებს შორის მეგობრული ურთიერთობის ჩამოყალიბება წარმოადგენს.

ახალციხის საჯარო სკოლის მოსწავლეები ანაკლიის ,,მომავლის ბანაკიდან“ დაბრუნდნენ. მათ მონაწილეობა სპორტის სხვადასხვა სახეობაში გამართულ შეჯიბრში მიიღეს. ნახევარფინალში მოხვდა ახალციხელი მოსწავლეების ფეხბურთის გუნდი, ახალგაზრდებმა მესამე ადგილი  გარბენში დაიკავეს, მონაწილეობა მიიღეს კალათბურთისა და ტენისის ჩემპიონატებშიც. ახალციხის პირველი, მეორე და მეხუთე საჯარო სკოლის  21 მონაწილე   ,,მომავლის ბანაკში“ 5 ივლისს გაემგზავრა. სასკოლო ოლიმპიადაში გამარჯვებული მოსწავლეები ანაკლიაში 10 დღის განმავლობაში სპორტულ ღონისძიებებში იყვნენ ჩართული.