დღეს ახალციხეში მესხეთის საერთაშორის საფეხბურთო ფესტივალის გახსნას სპორტისა და ახალგაზრდობის საქმეთა მინისტრი ლევან ყიფიანი დაესწრება. ფესტივალი მიხეილ იაძის სახელობის სტადიონზე 14:00 საათზე საზეიმოდ გაიხსნება. მასში საქართველოს სომხეთისა და აზერბაიჯანის ახალგაზრდული გუნდები ჩაერთვებიან. მესხეთის საერთაშორისო ფესტივალი მუნიციპალიტეტში უკვე მეორე წელია იმართება.  ფესტივალის დირექტორის განმარტებით, შარშანდელთან შედარებით წელს სპორტული ღონისძიების მასშტაბები გაიზარდა.  ფესტივალი ბავშვთა და ახალგაზრდობის განვითარების ფონდმა დააფინანსა. მისი მხარდამჭერი სპორტისა და ახალგაზრდობის საქმეთა სამინისტროა. მესხეთის საერთაშორისო საფეხბურთო ფესტივალი 7 ივნისს დაიხურება. გამარჯვებულები თასებითა და მედლებით დაჯილდოვდებიან.

ახალციხის ცენტრალურ სკვერში მესხეთის საერთაშორისო  საფეხბურთო  ფესტივალის წამახალისებელი ღონისძიება გაიმართა. ყველა  მსურველს  საშუალება ჰქონდა  გათამაშებაში ჩართულიყო  და   გარკვეული დისტანციიდან ბურთი სპეციალურ მოწყობილობაში გაეტანა.  გამარჯვებულებს კი საჩუქრად ღონისძიების ორგანიზატორები მესხეთის საერთაშორისო  საფეხბურთო  ფესტვალზე დასასწრები ბილეთებით აჯილდოვებდნენ.

ვეტერან რაგბისტ , მიშა ხარშილაძეს რაგბის კავშირმა სპორტული ტანსაცმელი გამოუგზავნა. საქართველოს მრავალგზის ჩემპიონი, რაგბს  16 წლის განმავლობაში თამაშობდა, იგი საქართველოს ეროვნული ნაკრების წევრი იყო. 6 აპრილს, ახალციხის ცენტრალურ სტადიონზე მიშა ხარშილაძის 60 წლის იუბილე აღინიშნა.

ოთხიდან შვიდ ივნისამდე ახალციხეში მესხეთის საერთაშორისო საფეხბურთო ფესტივალი გაიმართება. მასში საქართველოს სომხეთისა და აზერბაიჯანის ახალგაზრდული გუნდები ჩაერთვებიან.  ფესტივალი 4 ივნისს 14:00 საათზე ახალციხის მიხეილ იაძის სახელობის სტადიონზე საზეიმოდ გაიხსნება.

სპორტის ახალმა სახეობამ, მშვილდოსნობამ, სტარტი სამცხე-ჯავახეთის სახელმწიფო უნივერსიტეტის ბაზაზე აიღო. მშვილდოსნობით დაინტერეებულ პირებს მისი შესწავლა უმაღლეს დაწესებულებაში კვირაში სამი დღის განმავლობაში  შეუძლიათ. როგორც კლუბ ,,მესხეთის” ხელმძღვანელი, ლიზა შემაზაშვილი  განმარტავს, მშვილდოსნობა  მესხეთისათვის დამახასიათებელია, თუმცა იმის გამო, რომ იარაღი ძვირადღირებულია  საქართველოში იგი რთულად ვითარდება და ვრცელდება.

დაწესებულებებს შორის ტურნირი მინი ფეხბურთში დასრულდა. ფინალურ შეხვედრაში ერთმანეთს სასპორტო სკოლისა და  ქალაქ ახალციხის მოყვარულთა ჯგუფის  ფეხბურთელები დაუპირისპირდნენ. დაძაბული შეხვედრის შემდეგ ანგარიშით 8:5 გამარჯვება სასპორტო სკოლის გუნდმა მოიპოვა. ტურნირი ახალციხის მუნიციპლაიტეტის გამგეობის კულტურის სამსახურის ორგანიზებით გაიმართა.

მუნიციპალიტეტის პირველობისთვის ახალციხეში მინიფეხბურთში ტურნირი დაიწყო, რომელშიც მონაწილეობას ორგანიზაცია–დაწესებულებები, ქუჩები და ახალციხის სხვდასხვა სოფლის გუნდები იღებენ.

დაწესებულებებს შორის ტურნირი მინი ფეხბურთში დასრულდა. ფინალურ შეხვედრაში ერთმანეთს ,,სმარტისა” და  სავაჭრო ცენტრ ,,ახალციხეს” ფეხბურთელები დაუპირისპირდნენ. დაძაბული შეხვედრის შემდეგ ანგარიშით 6:5 გამარჯვება სავაჭრო ცენტის გუნდმა მოიპოვა. ტურნირი სამცხე-ჯავახეთის  ფეხბურთის ფედერაციის ორგანიზებით გაიმართა.

თავისუფალ და ბერძნულ–რომაულ სტილით ჭიდაობაში საქართველოს ჭაბუკთა ნაკრები ევროპის ჩემპიონატისათვის ემზადება. დღეს ჭიდაობის ფედერაციის პრეზიდენტმა 26 სპორტსმენს ეკიპირება გადასცა. ლუკა კურტანიძე მოჭიდავეებს ბორჯომში,  სასტუმრო „ოლიმპში“ შეხვდა და ეკიპირების გადაცემასთან ერთად ქართველ ფალავნებს, ევროპის ჩემპიონატზე  წარმატებები  უსურვა.

როინ სუდაძის სახელობის ტურნირში დღესახალციხეში  ფინალური შეხვედრა გაიმართა. ადგილობრივი ვეტერანი ფეხბურთელის ხსოვნისადმი მიძღვნილ მინიფეხბურთში გამარჯვება  სხვადასხვა ასაკობრივი კატეგორიის მიხედვით, პირველი სკოლის ორმა გუნდმა მოიპოვა. ჩემპიონატის გამარჯვებულები ახალციხის სასპორტო სკოლამ თასებით დააჯილდოვა.

„სკოლბურთი 2014“ – ის გამარჯვებული ახალციხის მუნიციპალიტეტში მეხუთე საჯარო სკოლის გუნდი გახდა. ფინალში იგი პირველი სკოლის გუნდს დაუპირისპირდა. მატჩის ძირითადი დრო მინიფეხბურთში ანგარიშით 3:3 დასრულდა. პენალტების სერიით კი გამარჯვება მეხუთე საჯარო სკოლის გუნდს ერგო. ახალციხეში სკოლებს შორის მინიფეხბურთში შესარჩევი ტური 25 აპრილს დაიწყო. მასში მუნიციპალიტეტის მასშტაბით 10 გუნდი იყო ჩართული. მეხუთე სკოლის გუნდი მომდევნო ეტაპზე სამცხე–ჯავახეთის პირველობისთვის იბრძოლებს. რეგიონის გამარჯვებული კი შემდეგ ეტაპზე მონაწილეობას რესპუბლიკურ ტურნირში მიიღებს.

„მშვიდობისა და ერთიანობისათვის” ამ ახელოწოდებით ახალციხეში სამოყვარულო მარათონი მოეწყო. მასში მონაწილეობა ადგილობრივმა მოსახლეობამ მიიღო. ტურნირში ასპარეზობა ნებისმიერი სქესისა და ასაკის მსურველს შეეძლო. ღონისძიებას ორგანზება ასოციაცია „ტოლერანტმა” გაუწია.

ახალციხის მუნიციპალიტეტის ადმინისტრაციულ შენობაში მესხეთის საერთაშორისო საფეხბურთო ფესტივალისთვის კენჭისყრა გაიმართა. ქალაქში იმ გუნდების წარმომადგენლები ჩამოვიდნენ, რომლებიც მონაწილეობას 2014 წლის ჩემპიონატში მიიღებენ. შეხვედრაზე მათ ტურნირის წესები გააცნეს და ჩემპიონატის დეტალებზე ისაუბრეს.

„სკოლბურთი 2014“ – ამ სახელწოდებით, ახალციხეში სკოლებს შორის მინიფეხბურთში ჩემპიონატი დაიწყო. შესარჩევ ტურნირში საჯარო სკოლების 10 გუნდია ჩართული. მუნიციპალიტეტის გამარჯვებული შემდეგ ეტაპზე რეგიონის პირველობისთვის იბრძოლებს. სკოლა, რომლის გუნდიც სამცხე–ჯავახეთის მასშტაბით წარმატებას მოიპოვებს, მომდევნო ეტაპზე მონაწილეობას რესპუბლიკურ ტურნირში მიიღებს.

რეგიონის პირველობა მინიფეხბურთში – ახალციხეში სამოყვარულო ლიგის ჩემპიონატი მიმდინარეობს. მასში მონაწილეობას საჯარო სამსახურების გუნდები იღებენ. დღეს ერთმანეთს ოთხი გუნდი დაუპირისპირდა. საკუთარი შესაძლებლობები გაზის კომპანიის, მიკრო საფინანსო ორგანიზაცია კრედოს, სუპერმარკეტ სმარტისა და საპატრულო პოლიციის თანამშრომლებმა გამოსცადეს. ჩემპიონატში სულ 12 გუნდია ჩართული.

ახალციხის ცენტრალურმა სტადიონმა საგაზაფხულო კროსის ღია ჩემპიონატს უმასპინძლა. მძლეოსნობაში ერთმანეთს საქართველოს 11 მუნიციპალიტეტის სპორტსმენები დაუპირისპირდნენ. სხვადსხვა ასაკობრივმა ჯგუფებმა 650 მეტრიდან 4 კილომეტრამდე მანძილი დაფარეს. ახალციხის ცენტრალურ სტადიონზე ღია ჩემპიონატს, საქართველოს მძლეოსნობის ფედერაციის პრეზიდენტი ალექსი ახვლედიანი, ასევე, ადგილობრივი თვითმართველობის ხელმძღვანელი პირები და მხარის გუბერნატორი დაესწრნენ.  

     ახალციხის ცენტრალური სტადიონი კროსში ღია ჩემპიონატს მასპინძლობს. ღია პირველობას კროსში საქართველოს მძლეოსნობის ფედერაციის პრეზიდენტი ალექსი ახვლედიანი, სამცხე–ჯავახეთის სამხარეო ადმინისტრაციისა და ადგილობრივი ხელისუფლების პირველი პირები ესწრებიან. ტურნირში მონაწილეობას ქვეყნის უძლიერესი გუნდები იღებენ. სამცხე–ჯავახეთის მძლეოსნობის ფედერაციის პრეზიდენტის ზიგმუნდ ზილბერშტეინის განმარტებით, შეჯიბრი  ასაკობრივი კატეგორიის მიხედვით, სხვადასხვა დისტანციაზე მიმდინარეობს. ჩემპიონატი საქართველოსა და სამცხე–ჯავახეთის მძლეოსნობის ფედერაციებისა და ახალციხის მუნიციპალიტეტის გამგეობის ორგანიზებით ტარდება. გამარჯვებულებს მედლები, სიგელები და ფასიანი საჩუქრები გადაეცემათ. ჩემპიონატს – „ღია პირველობა კროსში“ ტრადიციული სახე აქვს. იგი ახალციხეში  მეოთხე წელია იმართება.

ახალციხის ცენტრალური სტადიონი კროსში ღია ჩემპიონატს უმასპინძლებს. საქართველოს  მასშტაბით ტურნირი მიხეილ იაძის სახელობის სტადიონზე 11 აპრილს 12:00 საათზე გაიმართება. მასში ქვეყნის უძლიერესი გუნდები ჩაერთვებიან. ჩემპიონატი საქართველოსა და სამცხე-ჯავახეთის მძლეოსნობის ფედერაციებისა და ახალციხის მუნიციპალიტეტის გამგეობის ორგანიზებით ჩატარდება.

ჩემპიონატი, სადაც მონაწილეობა საქართველოს მოკრივეთა 10-მა გუნდმა მიიღო, ახალციხეში გაიმართა. გორიდან, ქარელიდან,  რუსთავიდან, ბორჯომიდან და დასავლეთ საქართველოდან ჩამოსული სპორტსმენები ერთმანეთს პირველობისათვის ახალციხის სპორტსკოლაში დაუპირისპირდენ. ჩემპიონატში მონაწილეთა ასაკი 10-დან 14 წლამდე განისაზღვრა.  ტურნირს ორგანიზება ახალციხის მუნიციპალიტეტის კულტურის სამსახურმა გაუწია.

ახალციხეში ,,ლელო ბურთის” სამცხე-ჯავახეთის რეგიონული ფედერაცია გაიხსნა.  ამიერიდან ძველ, ტრადიციულ სპორტის სახეობას, ,,ლელოს” ახალციხეშიც ითამაშებენ. ფედერაცია რაგბის ეროვნული ნაკრების  ვეტერანმა სპორტსმენებმა დააფუძნეს. გარდა ამისა, მათი ინიციატივით, რაგბსა და ლელობურთში, საქართველოს მრავალგზის ჩემპიონის,  მიშა ხარშილაძის 60 წლის იუბილეც აღინიშნა.