სამცხე-ჯავახეთის ფეხბურთის ფედერაცია მწვრთნელების გადამზადებას იწყებს.  ფედერაციის პრეზიდენტი „მეცხრე არხთან“ განმარტავს, რომ ტრენინგები სამ  აგვისტოს  დაიწყება და ათი აგვისტოს ჩათვლით გაგრძელდება. გელა მაისურაძის თქმით, მონაწილეებს სემინარების ბოლო დღეს გამოცდა ჩაუტარდებათ და ისინი „ცე“ კატეგორიის სერტიფიკატებს  მიიღებენ.

მოუწესრიგებელი ინფრასტრუქტურა, მოშლილი სკამები, მწყობრიდან გამოსული სავარჯიშო ინვენტარი და დაზიანებული მწვანე საფარი–ასე გამოიყურება ახალციხის მიხეილ იაძის სახელობის სტადიონი.  მისი რეაბილიტაცია ევროსტანდარტების შესაბამისად  უნდა განხორციელდეს, თუმცა სამუშაოები ამ დრომდე არ დაწყებულა.

სამცხე–ჯავახეთის საფეხბურთო აკადემიის გოგონათა  გუნდი საქართველოს ჩემპიონატისათვის ემზადება. ტურნირი აგვისტოს თვეში ზესტაფონში ჩატარდება. მასში მონაწილეობას ქვეყნის მასშტაბით 16  გუნდი მიიღებს. სამცხე–ჯავახეთის ფეხბურთის ფედერაციის პერზიდენტის თქმით, გოგონები  ყოველდღიურად ვარჯიშობენ და  შესაბამის მომზადებას გადიან. გელა მაისურაძე იმედოვნებს,  რომ ახალგაზრდა ფეხბურთელები გამარჯვებას მოიპოვებენ. ახალციხელი სპორტსმენებისთვის წარმატებული აღმოჩნდა სკოლბურთის გათამაშება, რომელიც კვარიათში ჩატარდა. მასში 230 გუნდი იყო ჩართული. ნათია ნადირაძე საქართველოს საუკეთესო მეკარედ,  ანი კვახაჯელიძე კი საუკეთესო მოთამაშედ დასახელდა. ორივე მათგანი სამომავლოდ,  საქართველოს ეროვნულ ნაკრებში ჩაირიცხება.

ახალციხის საჯარო სკოლების მოსწავლეები, ანაკლიაში გაემგზავრნენ. „მომავლის ბანაკში“  ის ახალგაზრდები  წავიდნენ, რომლებმაც სასკოლო ოლიმპიადაში  მონაწილეობა მიიღეს და საპრიზო ადგილები დაიკავეს. ახალციხის მერიის სპორტისა და ახალგაზრდობის საქმეთა  სამსახურის მთავარი სპეციალისტის განმარტებით, ანაკლიის ბანაკში  ქალაქის პირველი, მეორე და მეხუთე საჯარო სკოლის მოსწავლეები მოხვდნენ. გელა ძამუნაშვილის  თქმით, ისინი მონაწილეობას, სხვადასხვა  სპორტული სახეობის ფინალურ ტურნირში მიიღებენ. გამარჯვებულები კი ევროპის ქვეყნებში გაემგზავრებიან. 21 ახალციხელი  მოსწავლე ანაკლიის მომავლის ბანაკში 14 ივლისამდე დარჩება.

მუნიციპალიტეტის პირველობისთვის  ფეხბურთში ტურნირი დასრულდა. აწყურის სტადიონზე ფინალური შეხვედრა დღეს გაიმართა.  ერთმანეთს წნისისა და აწყურის გუნდები დაუპირისპირდნენ. თამაშის ძირითადი დრო,  ფრედ 0:0  დასრულდა, რის გამოც პენალტების სერია დაინიშნა. საბოლოოდ, ანგარიშით 7:6,  მუნიციპალიტეტის პირველობა  აწყურმა მოიპოვა. ტურნირში მონაწილე გუნდებს სიგელები, მედლები და ფასიანი საჩუქრები გადაეცათ. პირველ და მეორე ადგილებზე გასულებს, ახალციხის მუნიციპალიტეტის გამგებელმა, პირადი შემოსავლიდან ფულადი თანხა 100 ლარის, ხოლო მესამე და მეოთხე ადგილოსნებს 60 და 50 ლარის ოდენობით გადასცა. 

ახალციხის ციხეზე, ახალციხელობასთან დაკავშირებული  სპორტული ღონისძიებები, ქართული ჭიდაობით გაიხსნა. პარალელურად მიმდინარეობს ტური ჭადრაკსა და ნარდში. გარდა ამისა, ციხის ტერიტორიაზე მოეწყო ხალხური რეწვის ოსტატთა ნამუშევრების  გამოფენა-გაყიდვა. იხილეთ ფოტო-მასალა:                                   

შალვა ახალციხელის ხსენების დღესთან დაკავშირებით, წმინდანის სახელობის ეკლესიაში საზეიმო წირვა-ლოცვა მიმდინარეობს. სადღესასწაულო ლიტურგიას ახალციხისა და ტაო-კლარჯეთის მიტროპოლიტი თეოდორე, ცაგერისა და ლენტეხის მთავარეპისკოპოსი სტეფანე, ხორნაბუჯისა და ჰერეთის ეპისკოპოსი დიმიტრი და  ზუგდიდისა და ცაიშის მიტროპოლიტი გერასიმე აღასრულებენ. პარალელურად, სახალხო დღესასწაულთან დაკავშირებული ღონისძიებები ქალაქში სპორტული აქტივობებით დაიწყო. ახალციხის სასპორტო სკოლის მიმდებარე ტერიტორიაზე ქუჩის ფეხბურთი გაიმართა, რომელშიც მონაწილეობა ოთხმა გუნდა მიიღო. პირველ, მეორე და მესამე ადგილზე გასული გუნდები ახალციხის ციხეზე დღესასწაულთან დაკავშირებით გამართულ ღონისძიებაზე დაჯილდოვდებიან. ქუჩის ფეხბურთის გარდა, ქალაქში მოეწყო გარბენიც. მასში მონაწილეობა 30-მდე ახალგაზრდამ მიიღო. ვაჟებს შორის გამარჯვება მინდია ენდელაძემ მოიპოვა, ხოლო გოგონებს შორის მოცემული დისტანცია, ყველაზე სწრაფად, მართა ჯვარიძემ გაირბინა. დანარჩენი სპორტული და კულტურული აქტივობა ახალციხის ციხეზე გაიმართება. დღესვე, დაჯილდოვდებიან “საპატიო ახალციხელებიც”. ღონისძიების ორგანიზატორი ქალაქ ახალციხის მუნიციპალიტეტის მერიაა. სახალხო დღესასწაული ფოიერვერკით დასრულდება.

ახალციხის მუნიციპალიტეტის პირველობაზე ფეხბურთში ტურნირი დაიწყო. ჩემპიონატის ფარგლებში პირველი შეხვედრა გაიმართა, რა დროსაც ერთმანეთს აწყურისა და ურავლის გუნდები დაუპირისპირდნენ. ახალციხის მუნიციპალიტეტის გამგეობის კულტურის სამსახურის უფროსი განმარტავს, რომ თემის სოფლებიდან, ტურნირში მონაწილეობას  8 გუნდი იღებს. მოთამაშეთა ასაკი 16 წლიდან ზევით არის განსაზღვრული.

დღეს ახალციხეში ველორბოლის ტურნირი მოეწყო. ერთმანეთს პირველობისათვის ახალგაზრდები მუნიციპალიტეტში შემავალი სოფლებიდან დაუპირისპირდნენ. ღონისძიებას ორგანიზება, ადგილობივი თვითმმრთველობის კულტურის სამსახურმა გაუწია. საპრიზო ადგილებზე გასულებს, სიმბოლურად მედლები, სიგელები და ფასიანი საჩუქრები გადაეცათ. კულტურის სამსახურის უფროსის განმარტებით, ღონისძიება გეგმიური იყო და  ახალგაზრდების მოთხოვნით ჩატარდა. მონაწილეების თქმით, მსგავის სახის აქტივობები ჯანსაღი ცხოვრების დამკვიდრებას ხელს შეუწყობს და მოზარდებს წაახალისებს.

ახალციხელი სპორტსმენები ევროპის პირველ ოლიმპიურ თამაშებზე. ბაქოში სამცხე–ჯავახეთიდან  ოთხი მძლეოსანი გაემგზავრა. მათ მონაწილეობა გარბენში მიიღეს. საქართველოს მძლეოსანთა ნაკრებმა მე–8 ადგილი დაიკავა. მიუხედავად ამისა, ახალციხელი სპორტსმენების ასპარეზობა, მწვრთნელმა წარმატებულად შეაფასა. ზიგმუნდ ზილბერშტეინის განმარტებით, ინდივიდუალური მაჩვენებლების მიხედვით, მესხი სპორტსმენების გამოსვლა მაღალი ქულებით შეფასდა, მე–8 ადგილი კი გუნდის რამდენიმე წევრის წარუმატებელმა ასპარეზობამ განაპირობა. ევროპის ოლიმპიურ თამაშებს აზერბაიჯანის დედაქალაქი მასპინძლობს.

ბაქოში პირველ ოლიმპიურ თამაშებზე სამცხე–ჯავახეთიდან  4 მძლეოსანი გაემგზავრა, რომლებმაც მონაწილეობა გარბენში მიიღეს. საქართველოს მძლეოსანთა ნაკრებმა მე–8 ადგილი დაიკავა. მიუხედავად ამისა, ახალციხელი სპორტსმენების ასპარეზობა მწვრთნელმა წარმატებულად შეაფასა. ზიგმუნდ ზილბერშტეინის განმარტებით, ინდივიდუალური მაჩვენებლების მიხედვით, მესხი სპორტსმენების გამოსვლა მაღალი ქულებით შეფასდა, მე–8 ადგილი კი გუდის რამდენიმე წევრის წარუმატებელმა ასპარეზობამ განაპირობა. ევროპის ოლიმპიურ თამაშებს აზერბაიჯანის დედაქალაქი მასპინძლობს. საქართველოდან 104 ათლეტი იღებდა მონაწილეობას, ისინი სპორტის 13 სახეობაში ასპარეზობდნენ.

დღეს,16 ივნისს, 18:00 საათზე, ბორჯომი ოლიმპიურ ცეცხლს უმასპინძლებს. ოლიმპიური თამაშების სიმბოლოს, მოსახლეობა ჩარხისწყლის ხიდთან დახვდება. მოეწყობა მსვლელობა, რომელიც ბორჯომის №1 საჯარო სკოლასთან დასრულდება. ესტაფეტაში მონაწილეობას 6 მეჩირაღდნე მიიღებს. ბორჯომის მუნიციპალიტეტის ინფორმაციით, თბილისში, 13 ივნისს, სტიქიის შედეგად დაღუპულთა ხსოვნის პატივსაცემად, ოლიმპიური ცეცხლის დახვედრასთან დაკავშირებული ღონისძიებები აღარ გაიმართება. შეგახსენებთ, რომ საბერძენთიდან ოლიმპიური ცეცხლი, პირველად ბათუმში, 26 მაისს შემოვიდა. ოლიმპიური თამაშების სიმბოლო, 14 ივლისამდე საქართველოს 67 მუნიციპალიტეტის ქალაქებსა და დასახლებულ პუნქტებს მოივლის. მე-13 ევროპის ახალგაზრდული ოლიმპიური ფესტივალი თბილისში, 26 ივლისიდან 2 აგვისტომდე გაიმართება. ფესტივალის განმავლობაში თბილისს 50 ქვეყნის 3 800 მონაწილე ესტუმრება.

ახალციხეში ფეხბურთის რეგიონული ლიგის პირველობა გაიმართა. მასში მონაწილეობა სამცხე–ჯაავხეთის 7–ვე მუნიციპალიტეტის საფეხბურთო გუნდებმა მიიღეს. საბოლოოდ შერჩეული  24 გუნდი ერთმანეთს 2 ასაკობრივ ჯგუფში დაუპირისპირდა. 2001 წელს დაბადებულ ვაჟებს შორის პირველობა სამცხე–ჯავახეთის საფეხბურთო აკადემიის გუნდმა მოიპოვა, მეორე ადგილზე ადიგენის ,,ზარზმა, ხოლო მესამეზე ნინოწმინდის ,,ფარვანა“ გავიდა.

ახალციხის მუნიციპალიტეტში, მინი ფეხბურთში კოკა–კოლას თასის გათამაშება დასრულდა. ცხრა აპრილის სტადიონზე, ერთმანეთს გოგონათა და ვაჟთა გუნდები შეხვდნენ. ორივე სქესის წარმომადგენლებში მუნიციპალიტეტის პირველობა ახალციხის მეხუთე საჯარო სკოლის გუნდებმა მოიპოვეს. ტურნირში მონაწილეობა ახალციხის მუნიციპალიტეტის მასშტაბით,24–მა გუნდმა  მიიღო. აქედან, 8 გოგონათა და 16 ვაჟთა გუნდი იყო.

სოფელ  უდეში 2008 წლის აგვისტოს ომში დაღუპული ჯარისკაცის, ალიკა ბალახაშვილის სახელობის ტურნირი გაიმართა. მინის ფეხბურთში ერთმანეთს მუნიციპალიტეტის სხვადასხვა  საჯარო სკოლის გუნდი დაუპირისპირდა. უკვე მესამედ, ალიკა ბალახაშვილის სახელობის ტურნირში გამარჯვება უდის ნომერ პირველ საჯარო სკოლას ხვდა წილად.  

ახალციხეში სასპორტო სკოლასთან არსებული რაგბის გუნდი პრობლემებზე საუბრობს. მწვრთნელების თქმით „ტაოს“ პოტენციალი აქვს, თუმცა ფინანსური  სიმცირის გამო, გუნდის განვითარება ვერ  ხდება. ახალციხელი სპორტსმენები   მიხეილ იაძის სახელობის სტადიონზე კვირაში სამჯერ იკრიბებიან. მათ ყველას ერთი რამ აერთიანებთ – ეს რაგბის სიყვარულია. მიუხედავად იმისა, რომ მათი ჯგუფი გასულ წელს  უსახსრობის გამო დაიშალა, სპორტისთვის თავის დანებება  უჭირთ და ფორმაში ყოფნის მიზნით, კვირაში სამჯერ მაინც ვარჯიშობენ.

ოლიმპიური ცეცხლი ახალციხეში 29 მაისს ათი საათისათვის შემოვიდა, სიმბოლური ესტაფეტით იგი მეჩირაღდნეებმა  ახალციხის ციხემდე აიტანეს. საქართველოს ჰიმნის ფონზე, საზეიმო ვითარებაში  ცეცხლი, ქალაქის მერმა   ქონგურზე აიტანა და  აანთო. ღონიძიებას მძლეოსნობის ფედერაციის პრეზიდენტი ალექსი ახვლედიანიც  დაესწრო და ადგილობრივებს სამცხე–ჯავახეთში ცეცხლის შემოსვლა მიულოცა. სამცხე–ჯავახეთში ოლიმპიური ცეცხლის შემოსვლა, გალა კონცერტით აღინიშნა. ახალციხის ციხის ტერიტორიაზე, სპეციალურად დამონჯაჟებულ სცენაზე ერთმანეთს ქართული ესტრადის ვარსკვალავები ენაცვლებოდნენ. ანრი ჯოხაძემ, ნინი ბადურაშვილმა, ნინო ჩხეიძემ, ნოდიკო ტატიშვილმა, დათუნა მგელაძემ, ტაკო გაჩეჩილაცემ და სხვა მომღერლებმა ყველასათვის ნაცნობი სიმღერები შეასრულეს.  კონცერტი ფეიერვერკით დასრულდა.

ოლიმპიური ცეცხლის ახალციხეში შემოტანისათვის მზადება დაწყებულია.კომიტეტის წევრთა ნაწილი უკვე ქალაქში იმყოფება. მზად არის სპორტული ტანისამოსი მეჩირაღდნეებისათვის. ოლიმპიური ცეცხლი ხვალ, 29 მაისს, ხულოდან ადიგენის მუნიციპალიტეტში შემოვა. 20:00 საათზე რაბათის ხიდის მიდებარე ტერიტორიიდან, ქალაქის მასშტაბით, ცეცხლთან ერთად მორბენი გაიმართება. 21:00 საათზე ოლიმპიური ცეცხლის შემოსვლასთან დაკავშირებით, ახალციხის ციხის ტერიტორიაზე, ესტრადის მომღერლების მონაწილეობით, სპეციალური ღონისძიება იგეგმება. ევროპის ახალგაზრდული ოლიმპიური ფესტივალის „თბილისი 2015“-ის ფარგლბში,  ათენიდან საქართველოში შემოტანილი ცეცხლი, ახალციხისა და ადიგენის გარდა, ასპინძისა და ნინოწმინდის მუნიციპალიტეტებსაც მოივლის. ოლიმპიური ცეცხლი 26 მაისს საქართველოში, კერძოდ ბათუმში შემოვიდა და პირველ აგვისტომდე დარჩება.

ახალციხე  ოლიმპიური ცეცხლის მისაღებად ემზადება. ევროპის ახალგაზრდული ოლიმპიური ფესტივალის „თბილისი 2015“-ის ფარგლბში,  ათენიდან საქართველოში შემოტანილი ცეცხლი სამცხე-ჯავახეთში 29 მაისს ჩამოვა.

ახალციხეში ქალთა შორის  ფრენბურთის ტურნირში ფინალური შეხვედრა ჩატარდა. ბოლო თამაში მერიისა და მე–3 საჯარო სკოლის გუნდებს შორის შედგა, სადაც გამარჯვება მერიის  გუნდმა, ანგარიშით 2:0 მოიპოვა. სპორტულ ღონისძიებაში მონაწილეობა საჯარო და კერძო სკოლების, ასევე მერიისა და  გუბერნიის გუნდებმა მიიღეს.