რას ითვალისწინებს ჯანსაღი ცხოვრების წესი და რა მდგომარეობაა ახალციხეში  ამ მხრივ.  ქალაქის მოსახლეობა სპორტულ-გამაჯანსაღებელი ცენტრების გახსნას მოითხოვს. ადგილობრივები მიიჩნევენ, რომ ჯანმრთელობისავის ერთ-ერთი აუცილებელი პირობა ვარჯიშია, თუმცა მისთვის საჭირო ცენტრები ახალციხეში ფაქტობრივად არ არის.

    ამ წუთებში, დასრულდა საფეხბურთო ფესტივალი ახალციხის მიხეილ იაძის სახელობის ცენტრალურ სტადიონზე. საბოლოო გამარჯვება ლაგოდეხის გუნდმა ,,რანმა”  მოიპოვა და მოწინააღმდეგე, ოზურგეთის ,,მერცხალი” ანგარიშით 6:5 დაამარცხა. მესხეთის საერთაშორისო საფეხბურთო ფესტივალს ესწრება საქართველოს სპორტისა და ახალგაზრდობის საქმეთა მინისტრი.  ლევან ყიფიანი  ფინალში გასულ გუნდებს, სიგელებს,  მედლებსა და თასებს საზეიმო ვითარებაში გადასცემს.  შეგახსენებთ, რომ  მესხეთის საერთაშორისო საფეხბურთო ფესტივალი ახალციხეში საზეიმოდ 27 ივნისს გაიხსნა. მასში მონაწილეობა საქართველოსთან ერთად, მეზობელი ქვეყნების გუნდებმაც მიიღეს. რაც შეეხება მესამე ადგილს ის ადიგენის მუნიციპალიტტეის გუნდმა მოიპოვა.

     ამ წუთებში, ახალციხის მიხეილ იაძის სახელობის ცენტრალურ სტადიონზე, მესხეთის საერთაშორისო საფეხბურთო ფესტივალი მიმდინარეობს. რომელსაც საქართველოს სპორტისა და ახალგაზრდობის საქმეთა მინისტრი, ლევან ყიფიანი  და ადგილობრივი თვითმმართველობის წარმომადგენლები  ესწრებიან.  ფინალურ შეხვედრაში ერთმანეთს  ლაგოდეხისა  და ოზურგეთის გუნდები ხვდებიან. თუ ვინ მოიპოვებს გამარჯვებას, ,,ექო” შედეგის შესახებ ინფორმაციას შეხვედრის დასრულებისთანავე შემოგთავაზებთ. რაც შეეხება მესამე ადგილს, ის ადიგენის საფეხბურთო გუნდმა მოიპოვა. შეგახსენებთ, რომ  მესხეთის საერთაშორისო საფეხბურთო ფესტივალი ახალციხეში საზეიმოდ 27 ივნისს გაიხსნა. მასში მონაწილეობა საქართველოსთან ერთად, მეზობელი ქვეყნების გუნდებმაც მიიღეს.

30 ივნისს,  მძლეოსნობაში შეჯიბრი გაიმართება, რომლის ორგანიზატორიც  მძლეოსნობის სამცხე–ჯავახეთის  ფედერაციაა. შეჯიბრში ჩართვა ნებისმიერ მსურველს შეეძლება. მონაწილეებს მაისურები დაურიგდებათ. სპორტული ღონისძიება სტარტს 11–ის ნახევარზე, შოთა რუსთაველის ძეგლის მიმდებარე ტერიტორიიდან აიღებს. გამარჯვებულები სამახსოვრო პრიზებით დაჯილდოვდებიან. შეჯიბრი მძლეოსნობის კვირეულის ფარგლებში იმართება და ახალციხელობის დღესასწაულს ეძღვნება–განმარტავს  სამცხე–ჯავახეთის მძლეოსნობის ფედერაციის პრეზიდენტი, ზიგმუნდ ზილბერშტეინი.

ახალციხეში მესხეთის საერთაშორისო საფეხბურთო ფესტივალი გაიხსნა. მასში მონაწილეობას საქართველოს გარდა,  კიდევ ორი ქვეყნის სომხეთისა და აზერბაიჯანის ნაკრებები  იღებს. მიხეილ იაძის სახელობის,  ახალციხის ცენტრალურ სტადიონზე ფესტივალის ფარგლებში,  პირველი შეხვედრები უკვე გაიმართა. გარდა ამისა,  მაყურებელთა წახალისების მიზნით პრიზები გათამაშდა.

ქუჩის კალათბურთის მსოფლიო ფინალისტი რაბათში გამოვლინდა. ტურნირი, რომელშიც მონაწილეობა ქვეყნის 64–მა კალათბურთელმა მიიღო, ახალციხის ციხის ტერიტორიაზე გაიმართა. 5 საათიანი დაძაბული თამშის შემდეგ, გამარჯვება სოხუმის გუნდის სპორტსმენმა მოიპოვა. ქართველი მოთამაშე მსოფლიო პირველობისთვის, სექტემბრის თვეში, უკვე სან–ფრანცისკოში იბრძოლებს.

ახალციხის ცენტრალური სტადიონი მესხეთის საერთაშორისო საფეხბურთო ფესტივალს უმასპინძლებს. ჩემპიონატში მონაწილეობას 1997–98 წლებში დაბადებული ახალგაზრდები მიიღებენ. საქართველოს სხვადასხვა რეგიონის გუნდების გარდა, ტურნირზე  სომხეთისა და აზერბაიჯანის წარმომადგენლებიც იასპარეზებენ.  პირველობის მოსაპოვებლად 12 გუნდი იბრძოლებს.

  ახალციხის ციხის ტერიტორიაზე ამ წუთებში დასრულდა  ქუჩის კალათბურთის ერთერთი ცნობილი ჩემპიონატის – Red Bull King of the Rock 2013–ის საქართველოს ოფიციალური,  შესარჩევი ეტაპი. შეჯიბრში ერთმანეთს 64 მონაწილე შეხვდა. 5 საათიანი დაძაბული შეხვედრების შემდეგ ფინალში ერთმანეთს ვახტანგ ქადარია და მიხეილ ფანჩულიძე დაუპირისპირდნენ.   მსოფლიო ფინალზე წასასვლელი საგზური, რომელიც სანფრანცისკოში გაიმართება 24 წლის ვახტანგ ქადარიამ მოიპოვა, რომელიც სოხუმის გუნდში თამაშობს.  ქართველი ფინალისტი პირველი ადგილისათვის 28 სექტემბერს ალკატრასის ციხის ეზოში მსოფლიოს 23 ქვეყნის მონაწილეებთან  ერთად იბრძოლებს.   კალათბურთში შესარჩევი ეტაპი ახალციხის ციხის ტერიტორიაზე 17 საათზე დაიწყო და ამ წუთებში საზეიმოდ, ფეიერვერკით დასრულდა.

ახალციხის ციხის ტერიტორიაზე ამ წუთებში,  ქუჩის კალათბურთის ერთერთი ცნობილი ჩემპიონატის – Red Bull King of the Rock 2013–ის საქართველოს ოფიციალური,  შესარჩევი ეტაპი მიმდინარეობს. შეჯიბრში ერთმანეთს 64 მონაწილე ხვდება. საბოლოოდ ერთი გამარჯვებული გამოვლინდება, რომელიც სანფრანცისკოში მსოფლიო ფინალზე გაემგზავრება. ქართველი ფინალისტი პირველი ადგილისათვის 28 სექტემბერს ალკატრასის ციხის ეზოში მსოფლიოს 23 ქვეყნის მონაწილეებთან  ერთად იბრძოლებს.   ახალციხის ციხის ტერიტორიაზე  ,,ექოს” გადამღები ჯგუფი იმყოფება. თუ ვინ გახდება გამარჯვებული, ამის შესახებ ინფორმაციას ჩემპიონატის დასრულებისთანავე მოგაწვდით. როგორც ღონისძიების ორგანიზატორები აცხადებენ, შესარჩევი ეტაპი ახალციხის ციხის ტერიტორიაზე ფეიერვერკით დასრულდება.  

ახალციხის სპორტ-სკოლაში ფრენბურთის ტურნირის ფინალური შეხვედრა გაიმართა. პირველობისათვის ერთმანეთს სოფელ საძელისა  და ჯავშან სატანკო სასწავლო ცენტრის გუნდები დაუპირისპირდნენ.

საქართველოს ჭიდაობის ფედერაციის პრეზიდენტი დღეს ბორჯომს ესტუმრა. ლუკა კურტანიძემ ბერძნულ–რომაულ და თავისუფალის სტილით მოჭიდავე ის სპორტსმენები, ვინც ერთ კვირაში ევროპის ჩემპიონატზე მიიღებს მონაწილეობას, ფორმებით დაასაჩუქრა. ბორჯომის მუნიციპალიტეტის ნაკრები მონტენეგროში 16 ივნისს გაემგზავრება.

ზოგადსაგანმანათლებლო დაწესებულებებში სპორტის გაკვეთილები მოსწავლეებს კვირის განმავლობაში 2 საათი უტარდებათ. მათი ნაწილი მიიჩნევს, რომ ეს დრო განტვირთვისათვის და ფიზიკური განვითარებისათვის საკმარისია. ნაწილს მიაჩნია, რომ სპორტის გაკვეთილები ყოველ დღე უნდა ჰქონდეთ.

მხიარული სტარტები ახალციხეში. საქართველოს სპორტისა და ახალგაზრდობის საქმეთა სამინისტროს ორგანიზებით, სპორტული სკოლის შენობაში სახალისო თამაშები გაიმართა. მასში მონაწილეობა მუნიციპალიტეტის 20–მდე სკოლამ მიიღო. დღეს ფინალურ შეხვედრაში ტურნირის პირველადგილოსანი გამოვლინდა, რომელიც შემოდგომაზე ქვეყნის საუკეთესო გუნდებს დაუპირისპირდება.

ახალციხის რაიონული პროკურატურის ინიციატივით, ქალაქის ზოგადსაგანმანათლებლო დაწესებულების მოსწავლეები ერთმანეთს ჭადრაკში დაუპირისპირდნენ.

დღეს გინესის მრავლგზის რეკორდსმენი, მსოფლიო ველო მოგზაური ჯუმბერ ლეჟავა მესხეთს ესტუმრა. ქართველი სპორტსმენი მორიგ მოგზაურობას საქართველოს კათოლიკოს–პატრიარქის ილია II ლოცვა კურთხევით ახორციელებს.

ქართველმა სპორტსმენმა და მოგზაურმა ჯუბერ ლეჟავამ მოგზაურობის მორიგი ტური დაიწყო. ადგილობრივი მუნიციპალიტეტის გამგეობის კულტურის სამსახურის ინფორმაციით, სპორტსმენი ხვალ, ახალციხეს 17:00 საათზე ესტუმრება. ქართველმა მოგზაურმა, 74 წლის ასაკში, მსოფლიოს შემოვლა ველოსიპედით კიდევ ერთხელ გადაწყვიტა. პირველი ტურის ფარგლებში იგი საქართველოს გარშემო მოგზაურობს. მეორე ტური ჯუმბერ ლეჟავას 9 მაისისთვის აქვს დაგეგმილი, რომლის დროსაც სპორტსმენი ევრაზიის ქვეყნებში ჩავა. „ქართველი მოგზაური მორიგ ტურს საქართველოს კათოლიკოს–პატრიატქის, უწმინდესისა და უნეტარესის ილია მეორის ლოცვა–კურთხევით ახორციელებს“ – აღნიშნა კულტურის სამსახურის უფროსმა კახა კოპაძემ „მე–9 არხთან“ საუბრისას. მოგზაურმა სტარტი თბილისიდან 13 აპრილს აიღო. იგი დედაქალაქში კახეთიდან 29 აპრილს დაბრუნდება. სპორტსმენმა მსოფლიოს გარშემო, პირველად, 1993–2003 წლებში იმოგზაურა. 3333 დღის განმავლობაში მან აზიის, ავსტრალიის, ჩრდილოეთ და სამხრეთ ამერიკის, ევროპისა და აფრიკის 234 ქვეყანა და დამოუკიდებელი ტერიტორია შემოიარა. გარდა ამისა, ორჯერ იმყოფებოდა ანტარქტიდაზე. ჯუმბერ ლეჟავამ 1990–92 წლებში ჰორიზონტალური მდგომარეობიდან მკლავებზე აზიდვებში მსოფლიო და გინესის რეკორდები დაამყარა. მოგზაური საქართველოს სახელმწიფო პრემიით – ვახტანგ გორგასლის პირველი ხარისხის ორდენითაა დაჯილდოვებული. საქართველოს საგარეო საქმეთა სამინისტროსგან ჯუმბერ ჯეჟავას მინიჭებული აქვს „მოგზაურის დიპლომატის“ სტატუსი, ხოლო იუნესკოსგან – „მსოფლიო სპორტსმენის“ დიპლომი.

ახალქალაქში  საქართველოს პირველობა კრივში დასრულდა. ღონისძიების  საზეიმო დახურვაზე ქვეყნის ჩემპიონები ხელისუფლების პირველმა პირებმა დააჯილდოვეს.  გარდა ამისა, მინისტრები რუსულ სკოლაში სპორტისა და ახალგაზრდობის საქმეთა სამინისტროს მიერ ორგანიზებულ კონკურსს დაესწრნენ.

  ახალქალქში კრივში საქართველოს ჩემპიონატი დაიწყო.  მასში მონაწილეობას ახალგაზრდა მოკრივეები ქვეყნის 14 მუნიციპალიტეტიდან და აჭარის რეგიონიდან  იღებენ. წელს საქართველოს  პირველობაში  მოკრივეები აფხაზეთისა და ოსეთის ტერიტორიებიდანაც ჩაერთვნენ. ჩემპიონატში გამარჯვების მოსაპოვებლად 139 სპორტსმენი  იბრძოლებს.

ახალციხის ცენტრალურ სტადიონზე ღია კროსი  მოეწყო. ტურნირში მონაწილეობა საქართველოს ცხრა რეგიონმა მიიღო. განსაკუთრებული სტუმრის სტატუსით სომხეთის მძლეოსანთა ეროვნული გუნდი იმყოფებოდა, რომელიც ჩემპიონატშიც ჩაერთო.

საქართველოს პირველობა ჭაბუკთა შორის.