საქართველოს ბერძნულ–რომაულ და თავისუფალი სტილით მოჭიდავეთა ნაკრები ევროპის ჩემპიონატისათვის ემზადება. დღეს სპორტსმენებს ჭიდაობის ფედერაციის პრეზიდენტმა ფორმები გადასცა და ჩემპიონატზე წარმატებული ასპარეზობა უსურვა. ეკიპირების გადაცემის ცერემონია ბორჯომში სასტუმრო ოლიმპში გაიმართა. სპორტული სამოსი რვა მოჭიდავემ მიიღო.

ახალციხის მიხეილ იაძის სახელობის ცენტრალური სტადიონის რეაბილიტაცია ევროსტანდარტაბის შესაბამისად მოხდება. მოედანი და სასპორტო სკოლის ინფრასტრუქტურა ქვეყნის წამყვანმა არქიტექტორებმა და ევროპის ჩემპიონატის კომიტეტის წარმომადგენლებმა დაათვალიერეს. სტადიონზე 2016 წელს სტყორცნებში ევროპის ჩემპიონატის მოწყობა იგეგმება. შესაბამისად მოედანზე ამ დროისათვის მზად უნდა იყოს.

ორგანიზაციებს შორის ტურნირი კალათბურში დასრულდა. დღეს სასპორტო სკოლაში ფინალში ერთმანეთს სპორტსკოლისა და წნისის გუნდები დაუპირისპირდნენ, დაძაბული თამაშის შემდეგ ანგარიში 46–ით 28 სპორტსკოლის გუნდის სასარგებლოდ დასრულდა.

,,ბაკურიანობა 2014″ სამთო–სათხილამურო კურორტზე, სხვადასხვა სპორტული და კულტურული ღონისძიებებით დატვირთული სამი დღე ზამთრის მიწურულს. რიგით 36 –ე ,,ბაკურიანობა” სამცხე–ჯავახეთში.

ჩემპიონატი ბაკურიანში საქართველოს პირველობისათვის. სამთო– სათხილამურო სპორტში მონაწილეობა ქვეყნის სხვადასხვა კუთხის წარმომადგენლებმა მიიღეს.

მუნიციპალიტეტის პირველობისათვის კალათბურთში ჩემპიონატი დაიწყო. მასში ქალაქში არსებული სხვადასხვა ორგანიზაციებისა და დაწესებულებების წარმომადგენლები მონაწილეობენ. ტურნირი ადგილობრივი გამგეობის ხელშეწყობით ტარდება.

მძლეოსნობის ფედერაციის პრეზიდენტი ახალციხეში. დღეს მესხეთს ალექსი ახვლედიანი ესტუმრა და მუნიციპალიტეტის პირველ პირებთან ერთად, ახალციხის ცენტრალურ სტადიონი დაათვალიერა. სტუმრებმა არქიტექტორებთან ერთად სპორტულ დაწესებულებაში აზომვითი სამუშაოები ჩაატარეს.

ახალციხის კომპლექსურ სასპორტო სკოლაში სპორტსმენები ახალი ტურნირებისთვის ემზადებიან. თუმცა ადგილობრივი მწრთვნელები დაწესებულებაში არსებულ პრობლემებზე საუბრობენ. მათი თქმით, მოუწესრიგებელი ინფრასტრუქტურა, გათბობის პრობლემა და დაზიანებული სავრჯიშო დარბაზები სასპოტრო სკოლის ყველაზე დიდ პრობლემას წარმოადგენს. ადგილობრივი სპორტსმენები და მწვრთნელები, ახალციხის მუნიციპალიტეტის ხელმძღვანელობას საკითხით დაინტერესებას სთხოვენ.

მუნიციპალიტეტის პირველობისათვის კალათბურთში ჩემპიონატი იწყება. მასში მონაწილეობის მიღება ორგანიზაცია-დაწესებულებების წარმომადგენლებსა და სხვადასხვა ქუჩის მაცხოვრებლებს შეეძლებათ. მსურველთა 10 კაციანი შემადგებლობა პირველ ეტაპზე ადგილობრივი თვითმმართველობის კულტურის დაწესებულებაში 21 თებერვლამდე უნდა დარეგისტრირდეს.

ბაკურიანში გიორგი წიქვაძის სახელობის – წირას ჩემპიონატის მეორე ეტაპი გაიმართა. შეჯბრი სპოტრის ექსტრემალურ სახეობაში – კიკროსში ჩატარდა, რომელიც სნოუბორდსა და თხილამურებით სრიალს მოიცავს. კიკროსის პირველ ეტაპს 8 თებერვალს გუდაურმა უმასპინძლა, სადაც მეორე ეტაპის საგზური 60-მდე მონაწილემ მოიპოვა. ჩემპიონატში საქართველოს სხვადასხვა ქალაქის სპორტსმენები არიან ჩართულნი.

დღეს ბაკურიანში მოციგავე ნოდარ ქუმარიტაშვილი გაიხსენეს. უისტლერში დატრიალებული ტრაგედიიდან ოთხი წელი გავიდა. ქართველ სპორტსმენს გაიხსენებენ სოჭშიც, სადაც საციგაო სპორტის საერთაშორისო ფედერაციის ხელმძღვანელები იმყოფებიან. მათი გადაწყვეტილებით, სიმბოლურად, ტრაგედიიდან ოთხი წლის თავზე, ორგანიზაციის აღმასკომის სხდომა შედგება. შეგახსენებთ, რომ კანადაში, ოლიმპური თამაშების გახსნამდე რამდენიმე საათით ადრე, ბოლო საცდელი დაშვების დროს, ქართველი სპორტსმენი ბოძს შეეჯახა და გარდაიცვალა. წყარო: ტელეკომპანია “ბორჯომი”

ახალციხეში 7 თებერვალს საქართველოს მძლეოსნობის ფედერაციის პრეზიდენტს ელოდებიან. ალექსი ახვლედიანი ადგილობრივი თვითმართველობისა და სამცხე–ჯავახეთის მძლეოსნობის ფედერაციის წარმომადგენლებს შეხვდება. შეხვედრის ფარგლებში სავარაუდოდ, მძლეოსნობის სტადიონის პროექტს განიხილავენ. შეგახსენებთ, რომ ახალციხის მუნიციპალიტეტისა და საქართველოს მძლეოსნობის ფედერაციას შორის მოლაპარაკება მიმდინარეობს, რომელიც მესხეთის საფეხბურთო სტადიონის მძლეოსნობის სტადიონად გადაკეთებას ეხება. აღნიშნულ მოედანზე მძლეოსნობის გარდა საფეხბურთო მატჩებიც გაიმართება.

მუნიციპალიტეტის პირველობა კრივში- 18 დეკემბერს, ახალციხის სპორტ სკოლაში ჩემპიონატი გაიმართა. მოკრივეები ერთმანეთს სხვადასხვა ასაკობრივი კატეგორიაში დაუპირისპირდნენ. ტურნირი ახალციხის მუნიციპალიტეტის გამგეობის ხელშეწყობითა და დაფინანსებით განხორციელდა.

ახალციხის მუნიციპალიტეტის პირველობისათვის ჭადრაკის ტურნირი გაიმართა. მასში მონაწილეობა ქალაქის ყველა საჯარო სკოლამ მიიღო. ტურნირი 3 დეკემბერს დაიწყო და დღეს დასრულდა. ღონისძიებას ორგანიზება ადგილობრივი მუნიციპლაიტეტის გამგეობის კულტურის სამსახურმა გაუწია.

ახალციხის მუნიციპალიტეტის სოფელ წყრუთის მკვიდრი 25 წლის არტაშეს ელბაქიანი გინესის რეკორდის დამყარებას ეცდება. ახალგაზრდა სპორტსმენი გეგმავს, რომ რეკორდი ჰორიზონტალურ ძელზე ტრიალში მოხსნას. მისი თქმით, გინესის რეკორდი 215 ბრუნია, ხოლო თვითონ 300 ბრუნის გაკეთებას აპირებს. არტაშეს ელბაქიანი რეკორდის დამყარებას ახალციხის ციხის ქვედა ნაწილში 30 დეკემბერს 15:00 საათზე შეეცდება.

რვა ოქრო, შვიდი ვერცხლი და სამი ბრინჯაოს მედალი-ახალციხელი სპორტსმენების მორიგი წარმატება კარატეში. შიტორიო კარატე დოს სპორტსმენებმა მონაწილეობა საქართველოს ჩემპიონატში მიიღეს, საიდანაც გამარჯვებულები დაბრუნდნენ. გუნდურ ასპარეზზე , ღია ჩემპიონატში ახალციხის ნაკრებმა მეორე ადგილი დაიკავა , ხოლო ინდივიდუალურად 22 მონაწილიდან ქალაქში 18 სპორტსმენი საპრიზო ადგილით დაბრუნდა.

მიხეილ იაძის სახელობის მესხეთის ცენტრალურ სტადიონზე მძლეოსნობაში გარბენი  მოეწყო. ერთმანეთს  ადგილობრივი საჯარო სკოლების მოსწავლეები შეეჯიბრნენ. სპეციალურად ღონისძიებისთვის სამცხე–ჯავახეთის მძლეოსნობის ფედერაციამ ბორჯომოს საჯარო სკოლების მოსწავლეები მოიწვია. ჩემპიონატი ახალციხის სპორტული სკოლის ადმინისტრაციის ორგანიზებით მოეწყო.

ახალციხის მიხეილ იაძის სახელობის საფეხბურთო სტადიონს მალე მძლეოსნობის სტადიონის ტიტული მიენიჭება. გარდა ამისა, იგეგმება მისი რეაბილიტაცია. დღეს ამ საკითხზე ახალციხეში მძლეოსნობის ფედერაციის პრეზიდენტმა ადგილობრივი ხელისუფლების წარმომომადგენლებთან ერთად იმსჯელა.