კიდევ ერთი საქველმოქმედო კონცერტი თბილისში სტიქიით დაზარალებულთა დასახმარებლად. „Tbilisi City“  ახალციხეში კონცერტს გამართავს. ღონიძიება ახალციხის ციხის მიმდებარე ტერიტორიაზე 7 ივლისს ჩატარდება. ადგილობრივების წინაშე ჯგუფი „ფრანი“, მარკუს მეტრეველი და ნიკი სლოუ  წარსდგებიან.  კონცერტი, დაახლოებით, ორი საათის განმავლობაში გაგრძელდება. ღონისძიების დასრულების შემდეგ, ახალგაზდების განწყობაზე  დიჯეი  იზრუნებს. მსურველებს ბილეთების შეძენა ახალციხის ციხეში შეუძლიათ, რომლის ღირებულებაც ხუთი ლარია. ორგანიზატორები მოხალისე ახალგარზდებს იწვევენ, რომლებიც ღონისძიების საორგანზაციო საკითხებში ჩაერთვებიან და კონცერტის ჩატარებას უზრუნველყოფენ. კომპანია  „Tbilisi City“ საქველმოქმედო ტურნეს, ქვეყნის ყველა ქალაქში გეგმავს.

ახალციხის საკრებულომ, მუნიციპალიტეტის გერბისა და დროშის შესაქმნელად, კონკურსი გამოაცხადა. მასში  მონაწილეობა, ნებისმიერ მსურველს შეუძლია. ახალციხის გერბისათვის კონკურსანტებმა ნამუშევრების შექმნა უკვე დაიწყეს.   სამხატვრო სკოლის დირექტორი  ნანა ნათენაძე იმ პირთა შორისაა, რომელიც კონკურსში მონაწილეობას მიიღებს. ოთხი წლის წინ  მან ახალციხის მუნიციპალიტეტისათვის სიმოლიკა შექმნა, ამიტომ ძალების მოსინჯვას ამ ეტაპზეც აპირებს.

ახალციხე სახალხო დღესასწაულის აღსანიშნავად ემზადება.  „ახალციხელობა“ 30 ივნისს, მერიის  ორგანიზებით ჩატარდება. ღონისძიებაზე სპოტული და გასართობი აქტივობები, ხელოვნების ნიმუშების გამოფენა–გაყიდვა გაიმართება. საღამოს პოზიტიურ განწყობაზე კი ადგილობრივ ფოლკლორულ ანსამბლებთან ერთად, ქართული ესტრადის ვარსკვლავები – ნუგზარ კვაშალი, თემურ ყვითელაშვილი,   მაკა ზამბახიძე და სხვა მომღერლები იზრუნებენ. ყოველწლიურ ღონისძიებას    გრანდიოზული ფოიერვერკი დაასრულებს. „ახალციხელობისთვის“ ადგილობრივი ბიუჯეტიდან 24 ათასი ლარი გამოიყო.

20 და 21 ივნისს, ბათუმის ხელოვნების სასწავლო უნივერსიტეტში ახალციხის სამხატვრო სკოლის მოსწავლეთა და პედაგოგთა ნამუშევრების გამოფენა მოეწყო. აღნიშნული პროექტი აჭარის ა.რ. განათლების, კულტურისა და სპორტის სამინისტროს პროგრამის „კულტურული ცხოვრების გააქტიურება და პოპულარიაზაცია“ ფარგლებში დაფინანსდა. პროექტის მხარდამჭერია ახალციხის მუნიციპალიტეტის მერია. გამოფენზე ახალციხის სამხატვრო სკოლის 16 მოსწავლისა და 6 მასწავლებლის 150-მდე ფერწერული, გრაფიკული, კერამიკული და სხვა ტიპის ნამუშევარი იყო წარმოდგენილი. ამავე, პროგრამის ფარგლებში მიმდინარე წლის მაისის თვეში მესხეთის პროფესიულ სახელმწიფო დრამატულ თეატრში ბათუმის სამხატვრო სკოლის მოსწავლეთა ნამუშევრების გამოფენა მოეწყო. პროექტის მიზანი, საქართველოს სხვადასხვა კუთხის ახალგაზრდა ხელოვანთა შემოქმედებითი ურთიერთობების განვითარების ხელშეწყობა და მათ შორის პროფესიული გამოცდილების გაზიარება იყო.

,,სიკეთის დროა, შემოგვიერთდით” – ამ სახელწოდებით, ადიგენის მუნიციპალიტეტის სოფელ არალში საქველმოქმედო ღონისძიება გაიმართა. მასში მონაწილეობა, წმინდა ნინოს სახელობის მონასტერთან არსებული სამრევლო სკოლის გუნდმა ,,ირმისამ”, ბავშვთა ქორეოგრაფიული ანსამბლმა, ბაქარ აფრიამაშვილის ხელმძღვანელობით, ადგილობრივმა მომღერლებმა და სახალხო მთქმელებმა  მიიღეს. სოფელ არლის მკვიდრებმა თბილისში, 13 ივნისის ღამეს მომხდარი სტიქიის დროს დაზარალებულებს, სოლიდარობა გამოუცხადეს და გარდაცვლილთა ხსოვნას, წუთიერი დუმილით, პატივი მიაგეს. საქველმოქმედო ღონისძიებაზე შეგროვდა თანხაც – 310 ლარის ოდენობით, რომელიც სტიქიის დროს დაზარალებულთა დასახმარებელ ფონდში გადაირიცხა.

 

მესხეთის თეატრის რეაბილიტაციისათვის, საპროექტო სამუშაოებზე გამოცხადებულ ტენდერში გამარჯვებული გამოვლენილია. როგორც დაწესებულების დირექტორი „მეცხრე არხთან“ განმარტავს, საპროექტო სამუშაოებს შპს „ტექაღრიცხვა“ შეასრულებს, რომელსაც 70 დღიანი  ვადა მიეცა. ირაკლი ათუნაშვილის თქმით, აღნიშნულისთვის 5 000 ლარამდე დაიხარჯება. რაც შეეხება თეატრის რეაბილიტაციას, პირველ ეტაპზე, შენობის სახურავის, ფანჯრების, სცენისა და საკანალიზაციო სისტემის რეაბილიტაცია მოხდება. აღნიშნულისთვის კულტურის სამინისტრომ 150 000 ლარი გამოყო.

ქალის როლის საუკეთესო შესრულებისათვის ლია სულუაშვილმა პრიზი მიიღო. მესხეთის პროფესიული სახელმწიფო დრამატული თეარტის სამხატვრო ხელმძღვანელს აღნიშნული ჯილდო „გიორგი ერისთავის სახელობის კომედიის ფესტივალზე“ გადაეცა. ქალაქ გორში გამართულ კულტურულ ღონისძიებაში მონაწილეობა საქართველოს მასშტაბით, 15–მა თეატრმა მიიღო.

ქალის როლის საუკეთესო შესრულებისათვის ლია სულუაშვილმა პრიზი მიიღო. მესხეთის პროფესიული სახელმწიფო დრამატული თეარტის სამხატვრო ხელმძღვანელს, აღნიშნული ჯილდო “კომედიის ფესტივალზე” გადაეცა. ქალაქ გორში გამართულ კულტურულ ღონისძიებაში მონაწილეობა საქართველოს მასშტაბით, თეატრებმა, როგორც რეგიონებიდან, ასევე, თბილისიდანაც მიიღეს. ქალის როლის საუკეთესო შემსრულებელთა ნომინაციაში ლია სულუაშვილთან ერთად, წარდგენილი იყვნენ: თუმანიშვილის თეატრის მსახიობი ნინელი ჭანკვეტაძე და მარჯანიშვილის თეატრის მსახიობი ქეთი ცხაკაია. თეატრალური დასის გადაწყვეტილებით, წელს ფესტივალზე ახალციხიდან  სპექტაკლი „აივანი“ გაიტანეს. ლია სულუაშვილის თქმით, გიორგი შალუტაშვილის მიერ დადგმულმა თატრალურმა წარმოდგენამ მათ  წარმატება უკვე მესამედ მოუტანა. გორში “კომედიის ფესტივალი” მეორე წელია იმართება.  2014 წელს მესხეთის თეატრის დასმა სპექტაკლი, „მე მინდა კნეინა გავხდე“ დადგა.  მაშინ მამაკაცის როლის საუკეთესოდ შესრულებისათვის, პრიზი, მესხეთის თეატრის მოწვეულ მსახიობს კახა გოგიძეს გადაეცა. უმაღლესი ჯილდო – გრან–პრი, ასევე თეატრის დასმა მიიღო.

მესხეთის სახელმწიფო პროფესიული დრამატული თეატრის ფოიეში  თანამედროვე საქართველოს სახელმწიფო სიმბოლოების გამოფენა მოეწყო. დამთვალიერებლისათვის აქ წარმოდგენილი იყო, XIII-XVI საუკუნეების ქართული ჰერალდიკა, ორდენები, სავაჭრო რუკები, სახელმწიფო ჯილდოები და ჰერალდიკის ისტორიული წყაროები. გამოფენა საქართველოს პარლამენტთან არსებული ჰერალდიკის სახელმწიფო საბჭოს ორგანიზებით გაიმართა. მსგავსი სახის ღონისძიება, უკვე მოეწყო აჭარისა და ქვემო ქართლის რეგიონებში.

თბილისში, სტიქიის შედეგად დადაზარალებულთა დასახმარებლად დღეს მესხეთის სახელმწიფო პროფესიულ დრამატულ თეატრში საქველმოქმედო სპექტაკლი გაიმართა. „იქ სადაც ჩემი სახლია“  ერთი ქართული ოჯახის დრამატულ ამბავს მოგვითხრობს.  გმირები დღევანდელ რეალობაში თავის გადარჩენას ცდილობენ.  

თბილისის სტიქიის დროს დაზარალებულთა დასახმარებელ აქციაში, მესხეთის სახელმწიფო პროფესიული დრამატული თეატრიც ჩაერთო. ადმინისტრაციის ინფორმაციით, დღეს, 18 ივნისს, 19:00 საათზე თეატრალური დასი საქველმოქმედო სპექტაკლს გამართავს, რომლის შემოსავალი მთლიანად დაზარალებულთა ფონდში გადაირიცხება. მაყურებელი, სპექტაკლს “იქ სადაც ჩემი სახლია” იხილავს, რომლის დამდგმელი რეჟისორიც კახა გოგიძეა. მესხეთის თეატრი მაყურებელს აქტიურობისკენ მოუწოდებს.

“ერისიონის” კონცერტი მესხეთის პროფესიული სახელმწიფო დრამატული თეატრის სცენაზე, წუთიერი დუმილით დაიწყო. ანსამბლის წევრებმა და მაყურებელმა ამ ფორმით პატივი, თბილისში სტიქიის დროს დაღუპულთა ხსოვნას მიაგეს. ქორეოგრაფიული ანსამბლი, ახალციხელი მაყურებლის წინაშე, განახლებული  პროგრამით, პირველად წარსდგა.

ახალციხე “ერისიონის” კონცერტისთვის ემზადება. ამ წუთებში, მესხეთის პროფესიულ სახელმწიფო დრამატულ თეატრში, სცენისა და განათების მონტაჟი მიმდინარეობს. ქორეოგრაფიული ანსამბლი განახლებული  პროგრამით, ახალციხელი მაყურებლის წინაშე პირველად წარსდგება. ღონისძიება 19 საათზე დაიწყება. კონცერტი ორ განყოფილებიანი იქნება, საიდანაც  შემოსული თანხა თბილისში, სტიქიით დაზარალებული  მოსახლეობის დასახმარებლად გადაირიცხება.

“შექმენი გარემო, აღიქვი შესაძლებლობა და განაპირობე განათლება“ – 14 ივნისს, ახალციხეში თანაბარი უფლებების დაცვის ეროვნული დღე სხვადასხვა ღონისძიებით  აღნიშნეს. მას  ორგანიზება ილიას სახელმწიფო უნივერსიტეტმა, გაუწია რომელშიც,  “ჯიპა” სამცხე–ჯავახეთისა და ბათუმის უნივერსიტეტებიც  ჩაერთვნენ. აქტოვობები  “საზოგადოების ღიაობა ინდივიდუალური საჭიროებების მქონე პირთათვის”  პროექტის ფარგლებში ჩატარდა, რომელიც ტემპუსის მიერ დაფინანსდა.

ახალციხეში გვირილების ფესტივალი ჩატარდა. ღონისძიება ისტორიულ რაბათში ციხის ტეროტორიაზე  მოეწყო, ანსამბლებმა მაყურებელს ცეკვისა და სიმღერის ნომრები შესთავაზეს. ქართველმა მწერლებმა და პოეტებმა კი მაყურებელს თავიანთი შემოქმედება სცენიდან გააცნეს. ასევე, მოეწყო ხალხური რეწვის ოსტატთა და მხატვართა ნამუშევრების გამოფენა–გაყიდვა. ღონისძიებას ცნობილი მსახიობი ელგუჯა ბურდული გაუძღვა.

ახალციხის ციხის ტერიტორიაზე ნიჭიერის შესარჩევი ტური გაიმართა. კონკურსში მონაწილეობა მოცეკავეებმა,მომღერლებმა და სხვადასხვა ნიჭით დაჯილდოებულმა ადგილობრივებმა მიიღეს. პროექტის წარმომადგენლებმა  კონკურსანტების შემოქმედებითი ნომრები ვიდეო–ფირზე აღბეჭდეს, რომელთაც  თბილისში ჟიურის წარუდგენენ. მონაწილეები  შესარჩევი ტურის  შემდეგ ეტაპზე გადასვლის შესახებ, სექტემბრის დასაწყისში შეიტყობენ.

დღეს,13 ივნისს 12:30 საათზე ახალციხის ციხის კომპლექსში საქველმოქმედო აქცია „გვირილობა“ გაიმართება. ახალციხის მუნიციპალიტეტის მერიის ინფორმაციით, ღონისძიების ფარგლებში  რეწვის ოსტატთა და მხატვართა ნამუშევრების გამოფენა – გაყიდვა მოეწყობა. ასევე შედგება სხვადასხვა სახის აქტივობა. ღონისძიების წამყვანი ცნობილი ქართველი მსახიობი გუჯა ბურდულია. ადგილობრივების წინაშე ქ. თბილისის პანტომიმის თეატრი, თეა დარჩიას მოცეკვავეთა დასი, ჯემალ ადამაშვილის ჩოხოსანთა ანსამბლი,  პოეტები: ერეკლე საღლიანი, დავით-ლუკა ქაფიაშვილი, ნიკა-თორნიკე გრიგოლია, მარიამ მირიანაშვილი, ეკა ქურხული, ედუარდ უგულავა, თბილისის ზ. ფალიაშვილის სახ.ოპერისა და ბალეტის სოლისტი ნია გელაძე, ექიმი ლეილა გაფრინდაშვილი, ახალციხის ფოლკლორული და ქორეოგრაფიული ანსამბლები, ინდივიდუალური შემსრულებლები წარსდგებიან.

,,მომავლის თაობა“ ასე ჰქვია პროექტს, რომლის შემაჯამებელი ღონისძიება დღეს გაიმართა. ახალციხის ახალგაზრდული ცენტრის წევრებმა პროექტის ფარგლებში, 1 წლის განმავლობაში განხორციელებული საქმინობა წარმოადგინეს და სხვადასხვა აქტივობაში გამარჯვებული ახალგაზრდები დააჯილდოვეს. მცირე გრანტებისა და სოციალური მედიის პროგრამები, აქტივობები გარემოს დაცვის კუთხით, შეხვედრები  ადგილობრივ თვითმმართველობასთან, იურისტებთან, პოეტებთან, მწერლებთან, კულტურის სფეროს სხვა წარმომადგენლებთან– ეს იმ საქმიანობის არასრული ჩამონათვალია, რომელიც ,,ახალციხის ახალგაზრდულმა ცენტრმა სამცხე–ჯავახეთის რეგიონში განახორციელა.

ახალციხემ „ამერიკის დღეებს“ უმასპინძლა. ამასთან დაკავშირებით, მთელი დღის განმავლობაში ქალაქში საინფორმაციო და კულტურული ღონისძიებები გაიმართა. სპეციალურად ამ დღისათვის, ახალციხეს ამერიკის შეერტებული შტატების სრულუფლებიანი ელჩი ესტუმრა. ამერიკის დღეები – კონფერენცია უნივერსიტეტში და სადღესასწაულო განწყობა ახალციხის ციხეზე. „ამერიკის დღეები“  ახალციხეში სამცხე–ჯავახეთის სახელმწიფო უნივერსიტეტში გაიხსნა. შეერთებული შტატების უკეთ გასაცნობად, სტუდენტებმა მოხსენებები  ამერიკული სიმბოლოების, სამზარეულოს, დღესასწაულების, მედიის მუშაობის, განათლების სისტემის ფუნქციონირებისა და სხვა მსგავსი საკითხების შესახებ წარმოადგინეს.