ახალციხის ახალგაზრდული ცენტრის წევრებმა საინფორმაციო სახის აქცია გამართეს. მისი მიზანი მოსალეობისთვის ამერიკული დღეების შესახებ ინფორმაციის მიწოდება იყო.   ახალგაზრდული ცენტრის მოხალისეებმა ახალციხის ცენტრალურ პარკში მოსახლეობას საინფორმაციო ბუკლეტები დაურიგეს და  ამერიკის დღეებზე მიიწვიეს.

რაბათის ტერიტორიაზე  არსებული აბანოების აღდგენა იწყება. საქართველოს კულტურული მემკვიდრეობის დაცვის ეროვნული სააგენტო  ძეგლს პირვანდელ სახეს დაუბრუნებს. აღმოსავლური ტიპის აბანოები, რომელიც ახალციხის უძველეს უბანში მდებარეობს, დღეს უკვე ასე გამოიყურება. საუკუნეების წინ აბანოებთან მრავალი  რიტუალი  იყო დაკავშირებული, შენობა მცირე და დიდი ზომის ოთხებისგან  შედგებოდა და თითოეულ მათგანს თავისი დანიშნულება ჰქონდა.

ახალციხეში დღის ბოლოს დამოუკიდებლობის დღისადმი მიძღვნილი ღონისძიებები, ახალციხის ციხის ტერიტორიაზე სპეციალურად დამონაჟებული სცენიდან, ადგილობრივი ფოლკლორული ანსამბლების კონცერტით გაგრძელდა. მოგვიანებით მათ ქართული ესტრადის ვარსკვლავები შეუერთდნენ. „კახაბერმა და ხანუმებმა“,  „თბილისურმა კვარტეტმა“, ჯემალ სეფიაშვილმა, ბორის ბედიამ, ბესიკ კალანდაძემ, ირამა სოხაძემ და ენრიკო ჯანელიძემ მესხ მაყურებელს, ყველასთვის ცნობილი სიმღერები შუასრულეს.

საფარის გზის აღდგენითი სამუშაოები მიმდინარე წელს დაიწყება– მსოფლიო ბანკის პროექტის ფარგლებში მონასტრამდე მისასვლელი გზის მონაკვეთისთვის 3 მილიონი დოლარია გამოყოფილი. გარდა ამისა, იგეგმება ტაძრის რეაბილიტაციაც. ტურისტებსა და მომლოცველებს საფარის სამონასტრო კომპლექსამდე მისვლა დღემდე ერთადერთი, მწყობრიდან გამოსული გზით უწევთ.

ახალციხეში გიორგი ჩიტაურის კონცერტი გაიმართა. პროექტ  “ნიჭიერის” მონაწილემ ადგილობრივებს საკუთარი რეპერტუარიდან, რამდენიმე სიმღერა შესთავაზა. გიორგი ჩიტაურთან ერთად მაყურებლის წინაშე მომღერლები ზურაბ  ბარბაქიძე, გიორგი ბექაური, ჯგუფი „დათვის ჯვარი“, „დები ზვიადაურები“, „ფანდურა“, პაატა თედიაშვილი, პაატა ოდიშვილი და სხვა მომღერლები  წარსდგნენ.

მესხეთის თეატრის  შენობის რეაბილიტაციისათვის, საპროექტო სამუშაოებზე, ტენდერი უკვე მეოთხედ ჩავადრა.  3 თვიანი ლოდინის შემდეგ, ამ დრომდე,  არ მოიძებნა კომპანია, რომელიც შენობაში  სამშენებლო   სამუშოებზე  პროექტს შეადგენს. მესხეთის თეატრის სარეაბილიტაციო სამუშაოებისათვის, პროექტის შესადგენად, სახელმწიფო შესყიდვების გვერდზე,  ტენდერი კიდევ ერთხელ, უკვე  მეხუთედ გამოცხადდა. ადმინისტრაცია იმედს იტოვებს, რომ რომელიმე კომპანია განაცხადს ამჯერად მაინც გამოეხმაურება და სამშენებლო სამუშოებისათვის პროექტს შეადგენს.

ქალაქ ახალციხის სამუსიკო სკოლაში სტუდია „გუთანის“ მიერ გადაღებული ფილმის „მიწის სჯულის“ ჩვენება გაიმართა.   დოკუმენტურ მასალაში ქართველი ემიგრანტების ცხოვრება, მათი განცდები და ემოციებია აღბეჭდილი. პროექტის ფარგლებში გადამღები ჯგუფი ამერიკის 11 შტატში იმყოფებოდა და ქართველი ემიგრანტების ისტორიებს აგროვებდა.

ახალციხელი მოსწავლის კიდევ ერთი საერთაშორისო  წარმატება. შალვა გიორგაძემ  ნორჩ მეცნიერთა და გამომგონებელთა მე–9 საერთაშორისო  ოლიმპიადაზე გაიმარჯვა. მასში მონაწილეობა   მსოფლიოს 40 ქვეყნის წარმომადგენელმა  მიიღო. მოსწავლის მიერ შექმნილმა ვერტმფრენის გადასარჩენმა მოწყობილობამ ჟიურის წევრთა აღიარება მოიპოვა. შალვა გიორგაძემ დღეს საკუთარ  წარმატებულ გამოგონებაზე პრეზენტაცია პირველ საჯარო სკოლაში გამართა.

მუზეუმების საერთაშორისო დღეს სამცხე-ჯავახეთიც შეუერთდა.  დილის ათი საათიდან, ექვსი საათის ჩათვლით დამთვალიერებლებს ახალციხის ციხის ფასიან ტერიტორიაზე,  მათ შორის ისტორიულ მუზეუმში უფასოდ შესვლა და ექსპონატების დათვალიერება შეეძლოთ. ახალციხის ციხის საზოგადოებასთან ურთიერთობის სამსახურის უფროსი განმარტავს, რომ ისტორიული კომპლექსის ადმინისტრაცია უკვე მესამე წლია, მუზეუმების საერთაშორისო დღეს აღნიშნავს და  ვიზიტორებს ციხის ტერიტორიაზე უფასო ექსკურსიას სთავაზობს.

დღეს მუზეუმების საერთაშორისო დღეა. აღნიშნულთან დაკავშირებით, 10:00-18:00 საათამდე ქვეყნის ყველა მუზეუმში მსურველებისთვის შესვლა უფასოა. აღნიშნულს შეუერთდა სამცხე–ჯავახეთის ისტორიული მუზეუმიც. ვრცლად ნახეთ დღეს, საინფორმაციო გამოშვებაში, 21:30 საათზე.

ახალციხემ რესპუბლიკურ ფესტივალს, „რაბათის გაზაფხულს“ უმასპინძლა. საქართველოს სხვადასხვა კუთხის 20–მა ქორეოგრაფიულმა ანსამბლმა, ადგილობრივ მაყურებელს აჭარული, მთიულური, აფხაზური, რაჭული და სხვადასხვა ქართული–ტრადიციული ცეკვები შესთავაზა. ფესტივალის მონაწიეებმა, ღონისძიების დასრულების შემდგე, ახალციხის ციხის ისტორიული კომპლექსი დაათვალიერეს. რესპუბლიკურ ფესტივალს ორგანზიება “საქართველოს ქორეოგრაფისი შემოქმედებითმა კავშირმა” გაუწია. ახალციხეში „რაბათის გაზაფხული“ უკვე მეხუთე წელია რაც იმართება. ორგანიზატორების თქმით ღონისძიებას ტრადიციული სახე აქვს და მომავალშიც მოეწყობა.

18 მაისს მუზეუმების საერთაშორისო დღეა. აღნიშნულთან დაკავშირებით, 10:00-18:00 საათამდე ქვეყნის ყველა მუზეუმში  მსურველებისთვის შესვლა უფასო იქნება. გარდა ამისა, კულტურისა და ძეგლთა დაცვის სამინისტროში საქართველოს მუზეუმების წარმომადგენელთა მიღება და დაჯილდოება გაიმართება. უწყების ინფორმაციით, ღონისძიებები დაგეგმილია ქვეყნის მასშტაბით, მათ შორის სამცხე–ჯავახეთშიც. 18 მაისს ბორჯომის მხარეთმცოდნეობის მუზეუმში კერძო კოლექციონერებთან – ნუგზარ ოსეფაშვილთან და გიორგი ხაჩიძესთან შეხვედრა მოეწყობა. მუზეუმის საექსპოზიციო სივრცეში  მათ კოლექციებში დაცული ბორჯომის მინერალური წყლის ეტიკეტები და ნუმიზმატიკის ნიმუშები გამოიფინება. გარდა ამისა, მარშრუტით:  ვარძიის ისტორიულ-არქიტექტურული მუზეუმ-ნაკრძალი – „საქარავნო გზები – სოფ. ნაქალაქევი – ქარვასლა – ვარძიის მუზეუმ-ნაკრძალი –  საჯარო სკოლების მოსწავლეებისთვის ტური მოეწყობა. მათივე მონაწილეობით გაიმართება დისკუსია საქარავნო გზების დანიშნულებისა და მნიშვნელობის შესახებ. ასპინძის მუნიციპალიტეტში გამოიფინება ფონდსაცავში დაცული არქეოლოგიური მასალა.

მიმდინარე წელს აწყურის ღვთისმშობლის მიძინების სახელობის ტაძრის აღდგენა დაიწყება.

ახალციხეში პიანისტთა რეგიონული კონკურსი გაიმართა. მასში მონაწილეობა ახალციხის, ადიგენის, ახალქალაქის, აპინძისა და  ნინოწმიდნის  მუნიციპალიტეტებში არსებულმა სამუსიკო სკოლის მოსწავლეებმა  მიიღეს. 80–მდე კონკურსანტმა საკუთარი შესაძლებლობები კომპეტენტური ჟიურის წინაშე წარმოადგინა. ღონისძიება  სულხან ცინცაძის 90 წლის იუბილეს მიეძღვნა, შესაბამისად, თითოეული კონკურსანტი ვალდებული იყო 2 ან სამი მუსიკალური  ნაწარმოები შეესრულებინა, რომელშიც ერთი  ცინცაძის საბავშო პიესა იქნებოდა.

ბათუმის, ვახტანგ ჭაბუკიანის საბალეტო სკოლამ, მესხეთის სახელმწიფო პროფესიულ დრამატულ თეატრში გამოსაშვები საღამო მოაწყო. მათ მაყურებელს მინკუსის „ჩრდილების სცენა“ და ბალეტი „ბაიადერა“ შესთავაზეს.

აბასთუმნის რეაბილიტაციისათვის 8 მილიონი დოლარი დაიხარჯება. რეგიონის ერთ–ერთ მნიშვნელოვან კურორტზე აღდგენითი სამუშაოებისათვის თანხა მსოფლიო ბანკმა გამოყო. პროექტის განხორციელება  2016 წლიდან დაიწყება, მანამდე კი ადგილობრივები არაერთ პრობლემაზე საუბრობენ. რა საკითხები გადაიჭრება აბასთუმანში რეაბილიტაცის შემდეგ და რატომ ჰქონდათ განვითარების გეგმასთან დაკავშირებით ობსერვატორიის თანამშრომლებს პრეტენზია, ,,მე–9 არხი” დაინტერესდა. მწყობრიდან გამოსული კულტურული მემკვიდრეობის სტატუსის მქონე საცხოვრებელი სახლები, დაუკანონებელი  ტერიტორიები, დაბინძურებული სასმელი წყალი, მოშლილი  საკანალიზაციო სისტემა –ეს აბასთუმნის დღევანდელი სახეა. სამცხე–ჯავახეთის ერთ–ერთ მნიშვნელოვან კურორტზე,  მოუწესრიგებელ  ინფრასტრუქტურასთან ერთად, ადგილობრივები კიდევ არაერთ პრობლემაზე საუბრობენ.

ახალციხის ციხეში ტურისტული სეზონი აქტიურ ფაზაში შევიდა, თუმცა ამ დრომდე დაწესებულებას დირექტორი არ ჰყავს.  მერიაში სასურველ კანდიდატურას კვლავ ეძებენ. ცნობილი გახდა, რომ დაწესებულების ხელმძღვანელობა ახალციხის ციხის დირექტორის ყოფილ მრჩეველს ლაშა ამირეჯიბს სურდა,  თუმცა უარი მიიღო. ახალციხის ციხე, რომელსაც ადგილობრივი თვითმმართველობა  ქალაქის სავიზიტო ბარათს უწოდებს ამ დრომდე დირექტორის გარეშეა. კომპლექსში მოვალეობას კვლავ ილია სიდამონიძე ასრულებს. მერიაში ამბობენ, რომ სასურველ კანდიდატურას ყველგან ეძებენ.

ადამიანები, რომელთა წინაპრებიც სომეხთა გენოციდის დროს გადარჩნენ და თავი საქართველოს შეაფარეს, სერგეი ფიდანიანმა საკუთარ ფოტოებზე აღბეჭდა – 100 წლის წინ დატრიალებული ტრაგედია დღეს ახალციხეში კიდევ ერთხელ გაიხსენეს. ტელეკომპანია ,,მე–9 არხის“ ოპერატორმა და ფოტოგრაფმა საკუთარი ნამუშევრების გამოფენა სომეხთა გენოციდს მიუძღვნა. მან აუდიტორიას გამოფენის მიზანი გააცნო და აღნიშნა, რომ 1915 წელი ყოველი სომეხისათვის ტკივილიანია. ავტორმა გამოფენაზე 22 ფოტო გამოიტანა, რომლებსაც თან სამ ენაზე ნათარგმნი ჩანაწერი ერთვის და იმ პირთა ისტორიას აღწერს, რომლებიც 1915 წელს დატრიალებული ტრაგედიის შემდეგ ცხოვრება საქართველოში განაგრძეს. აღნინშული გამოფენა სერგეი ფიდანიანმა დაახლოებით ერთი თვის წინ, დედაქალაქშიც გამართა. ახალციხის დემოკრატიული ჩართულობის ცენტრში კი ნამუშევრების ნახვა დღეიდან 10 დღის განმავლობაში იქნება შესაძლებელი.

ახალციხის  გრიგოლ  ხანძთელის სახელობის სასულიერო  სემინარიის კურსდამთავრებულებმა სადიპლომო ნაშრომები დაიცვეს. რვა სტუდენტმა  ნამუშევრები  5 კაციანი კომისიის წინაშე წარადგინეს და მუშაობის სტილსა და სპეციფიკაზე ისაუბრეს. ხეზე და ქვაზე ნაკვეთი ორნამენტები, თექაზე  შესრულებული ნამუშევრები და რელიგიური სიმბოლიკიანი ხალიჩები – ახალციხის   გრიგოლ ხანძთელის სახელობის  სასულიერო სემინარიის კურსდამთავრებულებმა,  სადიპლომო ნაშრომები დაიცვეს.

„მოყვასისათვის შეწირულები“–ამ სახელწოდების სპექტაკლი ახალციხის სამუსიკო სკოლაში გაიმართა.   რეზო თაბუკაშვილის სახელობის სახალხო ლიტერატურულმა თეატრმა წარმოდგენა მიხეილ თამარაშვილის, გრიგოლ ფერაძის, მამა ილია კარტოზიასა და იოსებ ჟორდანიას ხსოვნას მიუძღვნა.